في كام سنه في حياتي مروا كدا وأنا واقفه مكاني ، لا أنا مستوعبه اللي بيحصل ، ولا عارفة أتأقلم عليه ..
كأن الوقت وقف عند لحظة معينه ..
أخر كلمه سمعتها منها وانا بكلمها في التليفون ..
أخر مره كنا فيها سوا ووقفنا في المطبخ نطبخ ونحكي في كل حاجه خاصه بيا وبيها ...
كانت أصغر مني بس كنت بحب أخذ بنصايحها ..
أكتر حد قريب من قلبي ومن روحي ..
حته تانيه شبهي ماشيه على الأرض ..
لا مش شبهي هي كانت أفضل مني الحقيقه بكتييير ..
أنا لسه للآن بعد كل السنين دي ماأستوعبتش أن أختي مشيت ..
ربنا يرحمك ي حبيبتي
ويجمعني بيكِ في جنة الخلد من غير فراق ولا وداع تاني