.. شوف يا مؤمن ... لما تبقى الكوسة أصلاااااا من فصيلة " القرعيات" لأ و اللى بيزرعوها كل شوية يمخولونا بقى ... مرة تبقى فاتحة .. ومرة تغمق...

ابن الحته

مشرف عام
الاشراف العام
كاتب الموضوع
إنضم
Aug 11, 2021
المشاركات
1,237
مستوى التفاعل
1,129
مجموع اﻻوسمة
2

مزاجك اليوم

الكوسة





.. شوف يا مؤمن ... لما تبقى الكوسة أصلاااااا

من فصيلة " القرعيات"






لأ و اللى بيزرعوها كل شوية يمخولونا بقى ...










مرة تبقى فاتحة ..

ومرة تغمق ّ ..

ومرة تصّفر ..











وييجى الأتراك يعلمونا نقورها

ونحشيها ويقولوها ضُلمة

واحنا نغير الأسم ونخليه محشى ... على كيفنا يعنى ...









ويا روحى عليها بالبشاميل ...

حطوها قصادى ... واعدلونى ع القبلة








بس كله كووووووووم ...

وانها تنعمل مخلل دا كوم تانى

خاااااااالص الحقيقة .... يع يع يع يعنى





وطبعا مش هقعد اشرح ف فوايدها

كلنا كرهنا الكوسة

واحنا عيال بسبب كلام اهالينا عنها ...

والزن دا بتاع الفيتامينات والحاجات والمحتاجات ...






بس المعلومة دى بقى

... جديييييييدة

آل بيقولك يا سيدى ان الكوسة مفيدة للأعصاب

وبتحسن الحالة الذهنية

عشان كدا بيدوها لكبارالسن

والمرضى فى المصحات والمصابين بأمراض نفسية .. !!!










طب ييجوا مصر

ويعملوا الدراسة دى تانى

واحنا هننسفلهم النظرية من أساسها ...

طب دا الكوسة عندنا جننت الناس أصلاااا









وحكاية ان الكوسة بتقوى المناعة

فأنا أشهدلها ...

احنا جتتنا نحسّت فعلا من كُتر الكوسنة ف البلد






وبمناسبة الكوسة وعمايلها انتوا

انتوا مش غُرب يعنى ومش هنكسف منكو ... طول

طول عمرى كنت بكرهها أكلاً

وعمايل لحد ما ربنا خد بيدى ...





كنت بكرهها اكلا عشان مكنتش بحب الاكل عموما

والخضار خصوصا

... بس كرهت أطبخها عشان سبب تانى خااااالص












ولذا أحب بقى بهذه الموناسبة السعيدة

ان اوجه الشكر

للصين العزيزة عشان المقوار اللى عملته

وبيتباع ف المترو واللى بيجيب العرسان دا









إذ ان المقوار التقليدى التى درج على اس


تعماله بنات جيلى كان بيطلع ترابنتينى

وبيبوظلى نص الكوسات واشبع تريقة من ماما






والسؤال الشكسبيرى الخالد

اللى شغل ذهنى ايام وليالى..


هل ترى هناك علاقة بين الكوسة وكلمة كويس ؟
 
اسم الموضوع : الكوسة | المصدر : الحضارة المصرية القديمة

تنهيدة

همس الحروف
نجوم المنتدي
إنضم
Jun 14, 2021
المشاركات
430
مستوى التفاعل
177
الكوسة
هههههههههه 😂 اول مرة اسمع انها بتخلل معلومه غريبه
الكوسه مفيدة جدا وغنيه بالفيتامينات وسهله الهضم
تسلم ايدك على الموضوع والمعلومات
أما الكوسه وكلمه كويس ممكن تكون بنت عمه 😀
 
Comment

ابن الحته

مشرف عام
الاشراف العام
كاتب الموضوع
إنضم
Aug 11, 2021
المشاركات
1,237
مستوى التفاعل
1,129
مجموع اﻻوسمة
2

مزاجك اليوم

الكوسة
وهى ايضا من اكلاتى التى احبها
 
Comment
أعلى