نجمة الماي

[عابر السبيل]

يا نجمة (ن) تِعْكَس على صفحة الماي
ومع نفحة النسمة تراقص وتجري

واليا سكن ماها تجي منية شفاي
اصير انا فوق(ن) وهي تصير حدري

مره تصير فراش ومرة لي غطاي
وحبيت نجم(ن) في دجا الليل يسري

بعثرت انا الميعاد في خوض يمناي
ثم صار نجمي بالملايين سحري

ابكيك بالبسمة واباسمك ببكاي
غيرت بي حال(ن) وانا كنت ما دري

اخطيك باعذارك واماشيك بخطاي
سمعت انا عذرك ولا سمعت عذري

ياكم ليل(ن) راح ما ارتحت بغفاي
وبيحت لنجوم السماء خافي امري

اغنيك في نوحي واناجيك بغناي
حيرت انا في حزة النوح قمري

ياعلة بالروح ما شفتي دواي
مر(ن) حلاك وسكرك صار مري

اشوف انا اقصاكم تقارب مع ادناي
مفضوح الاقصى وداني السر سري

اطلبك يا يأس(ن) ترافق مع مناي
يوم اختلط مع صاحي العقل هذري

طالع وناظر في مكانك بحنياي
وطالع لبستان الزهر تحت سدري

كتبت انا اسماءك وشطّبت اسماي
وتلقى حروفك اشرقت جوف صدري

يا اخر الدنيا متى صرت مبداي
عمرك بدا بي وانتهى فيك عمري

اربع حروفك يالغلا همسة الناي
سكر(ن) لفكري وغولها غول خمري

يا غصن ورد(ن) توّجه وردة الشاي
اخضر رطيبك وايبس الهجر خضري

بقلم : عابر السبيل

 

[همس الروح]

الشاعر عابر السبيل

قصيده ولا اروع

دائما تتحفنا بجمال قصائدك ورقي طرحك

سلمت أناملك

اطيب الامنيات

 

[حجازية الهوى]

جميلة القصيدة حبيت
سلم قلمك

 

[امل مفقود]

كل الشكـــر لك على هالطرح الأكثــر من رااائــــع ..
لا عدمنا هالتمييز و الابدااع ,,
بأنتظااار جديدك بكل شوق
تقــــديري و آحتــرآمي

 

[عابر السبيل]

الشاعر عابر السبيل

قصيده ولا اروع

دائما تتحفنا بجمال قصائدك ورقي طرحك

سلمت أناملك

اطيب الامنيات

الله يسلمك من كل شر ومكروه ,اشكرك على تشريف المكان واسعدني مرورك الكريم