رقم اثنين و رقم ثلاثة و رقم سته
رقم واحد اسهل وحدة إذا كنت غلطانه
يعني اذا حسيت نفسي غلطت على طول
اعتذر بدون ما احد يطلب او حتى ينتظر مني الأسف
لكن لو ما غلطت لو تنشق الأرض مارح اعتذر
رقم اثنين آهخ الكلمة ذي جايبة لي عقدة نفسية مستحيل انطقها احس لساني ينشل حتى في الكتابة لما اجي اكتبها أكون مفجوعة منها
الحين تعودت شوي في النطق والكتابة الله يخلي الاطفال على كثر ما يقولون نحبك صرت اقولهم وأنا احبكم وهكذا
الكتابة ( بحبك ) اسهل من ( احبك ) نفس المعنى بس احبك اصعب وربي
رقم ثلاثة الصراحة ما اذكر اني قلتها لأحد هي انقالت لي كثير الصراحة بس أنا ما اقولها لأحد مهما كان صاير بيني وبين شخص ما توصل للكره ممكن احقره بيني وبين نفسي ساعة ساعتين او نقول يومين ثلاثة بس بعدها خلاص ارجع ولا كأنه صار شي واكمل حياتي عادي ( اكرهك ) مهي موجودة في قاموسي
رقم أربعة مافي شي مستحيل صدقاً أنا زمان دائما كنت اقول مقدر وثقتي في نفسي هاجه لكن الان الحمدلله الوضع تغير ودائما أقول مافي شي مستحيل وأنا اقدر اسوي كل شي
لاني لو قلت لا أستطيع خلاص هالشي بيلصق فيني على طول
رقم خمسة قلتها لـ كم شخص فقط
الي منجد حسيت اني اذيتهم كثير بدون
قصد مني وطبعا هما سامحوني قبل ما
استسمح لأنهم ناس مقربين جدا مني
الله يسعدهم وين ما كانو يا ناس اشبني
صرت حساسة
دمعت عيوني لما تذكرتهم
المهم ننتقل للرقم الأخير
الوداع وقسم بالله انها اقسى كلمة
توجع القلب وتشقه شق لكن خلاص
تقريبا أنا تعودت عليها ومستعدة
لهالكلمة من اي شخص هي مؤلمة
لكن احيانا نكون مضطرين نخطو هالخطوة
عشانهم هما قبل أنفسنا
كانت كلمة وحدة وأنا هبدت كل شي بس حابة اتفلسف واسولف شوي
اشكرك على انتقاء الموضوع ملاك
