... أنا قصة قلم شاعر ...

[نجم ضاوي]

يقول شاعر الآنين .. نجم ضاوي ...


أنا .. في دنيتي دمعه . . تدور عين . . تبكيها
على انغام الآلم والآه . . تعزف .. كل اوتاري


أنا في وحدتي كلمه .. تدور صوت . . يحكيها
قصيدة حب مجروحه .. حبيسه بدفتر اشعاري


أنا . . يا صاحبي فرحه .. تغير . . كل معانيها
أنا .. قصة قلم شاعر . تدور في الدجى قاري


غريبه .. دنيتي والله .. غريب ن .. كل ما فيها
اعاتبها . . ولا تسمع . . اداريها . . ولا تداري


انا .. ياصاحبي .. تايه .. وسط ظلمة .. لياليها
اتوه بعالمي وحدي . وتشعل .. بالحشا ناري


حتى اللي .. ابي قربه .. تباعد به .. خطاويها
خذت مني ولا خلت . . ظلمني وقتي واقداري


أنا .. والبعد وضلوعي .. وجمرة نار .. تكويها
من اسباب الهجر شفني مع نجم المسا ساري


عجزت اداري احزاني .. وزادت بي . . بلاويها
ولا ادري كيف اتصرف . تعبت وانشلة افكاري


على شفاهي .. غفت بسمه . ادور من يصحيها
رماني الظيم .. في صحرا .. خليه مابها طاري


اسطر لك .. مكاتيبي .. ودمع العين .. يمحيها
تعال ارحم جفن عيني .. وكفكف دمعه الجاري


محبتنا . . غدت شمعه . . رياح الصد .. تطفيها
تعال .. نجدد اللقيا . . ويغدي نورها . . جاري


... وسلامتكم ...


... بقلمي ...


اخوكم شاعر الآنين ... نجم ضاوي ...

 

[ندى الورد]

صح لسانك وعلا شانك يالضاوي
قاتل الله البعد كم تعبنا منه
تختم

 

[جلينار]

صح الله لسانك وبدنك
جميلة احرفك في الانين والحنين
والبوح الشذي..... جميل متألق
دوماً
ادامك الله وهجاً للغابة
احترامي