اثبت حضورك ببيت من الشعر الشعبي

[عابر السبيل]

ياطاهر الانفاس يازنبق الريح
من وين زينك ياعديم المثايل

راعي جديلن بين قبض ن وتسريح
قلوب المجنن تمتلي بك غلايل

ياللي بها من الحور المسمى تلاميح
ياشيت ماعندك جوابن لسايل؟؟

عابر السبيل

 

[عابر السبيل]

خيرن صباحك يالعيون الجميله
يانته صباح الخير مع كل طله

تنوفهم ياحلو باحلى فضيله
من بينهم تشبه لسحرن وفله

كم ذا كتبتك في سطور ي خليله
ياحايزن الزين دقه وجله

افكرت في ماض ن تولى بخيله
اللي نوى المرواح دربه يدله

وانا كما اللي انبجد له صميله
ولا عاد في رجواه شي ن يشله

عسى السحاب اليا ترادم مخيله
يمطر حقوقن فوق دارك يهله

عابر السبيل

 

[ميريام الحربي]

بالبحر والورد والبيد والليل
تلقى النفوس الصافية مشتهاها

بالفجر والطير والشعر والخيل
ألقى المعاني بالغة منتهاها ..

الله عطانا من ينابيعها سيلْ
يروي النفوس بوَجْدها مَعْ هواها

وشْوف الجبال النايفة ترفض الميل
أقصى فؤادي يرتعش في ذراها ..

روح البداوة تجتذب نَفحة الهيلْ
والريح تبعث زهرةٍ في نَداها

ولقيا حبيبٍ يعشقه خافقي حيل
ما ظَلّ فيني نَبْضة ماسقاها!

أجمل مقاديري أنا بالمواصيل
وسط المدينة العامرة في بهُاها

ليمن أناظر صاحبي يضوي سهيلْ
وتسكب علينا غيمة الشوق ماها


همس القوافي ام القوايل
ومساء الخير للجميع وكل عام وانتم بخير
وصحة وسلامة

 

[صاااااافي الود]

اليوم جيت ابحكي عنك وعن حروفك
وعن مشاعر صادقة قلبك حكاها

يمكن المح عن حزنك وعن وصوفك
والتشابه بيننا مشاعر قلبي قراها

وخيبه مازلت تسبب خوفي وخوفك
صعبة صارت طي صفحة تحيا ذكراها

الفقد ابكانا والالم بجوفي وجوفك
نبوح مشاعرنا حروف والكل يقراها

لاتقولي اكتفي ياحب قررت اعوفك
ماتوقف الدنياء على واحد جفاها

الأمل بالله ولاتيأس ارفع كفوفك
ترى بعض البشر صعبا تدور رضاها

لاتموت الابتسامة وتحرمني شوفك
يكفي اشوف عيونك والفرح يملاها

هذا كلام قلته واخترته من حروفك
لجل ابين لك صدق روحي لك وغلاها




بقلمي : صافي الود

 

[بيلسان]

 

[بيلسان]

 

[عابر السبيل]

بروقن تكاشف كسرت مظلم الليل
والريح تلعب في خفيف الستاير

والنار ترقص في حضون القناديل
والقلب في ذكراك ياحلو طاير

يشبه حفيف الريح سجع المواويل
والقلب من فرقاك ياحلو حاير

عابر السبيل

 

[ميريام الحربي]

​

​

مساء الخير للجميع ​

أسرجت مهرة قصيد و جيت اغني نادرات القصيد
أعنّها بالحروف و شاشت المهره و خيّالها​

بدر الظمني​

 

[مُلْهِمة~]

نسوقها قدام . . والعز قدام
‏مافيه ضيق إلا على الله فراجه

 

[عابر السبيل]

الله يا ريحن غدى لك صلافيق
ترفع لردن البيت نوبن وترخيه

ووجه القمر من فلجة البيت بيويق
وقلبن يهمه تالي الليل طاريه

ياليلة ن فيها القوافي طواريق
مالاق منها في فوادي نغنيه

وافكر بشملن بين جمعن وتفريق
يمشي بدربن عاثراتن مماشيه

متى على الله تجي لي توافيق
وحظ ن توفى مشرق الحظ يحييه

عابر السبيل

 

[مُلْهِمة~]

يــا مرحبا ترحـيبةٍ كلهــا تراب »
‏في وجه من عاداك والا انت محشوم

 

[عابر السبيل]

ياوي فنجالن تمده يمينه
فنجال يغني عن جميع الفناجيل

الساحر اللي كل سحره ب عينه
عينن عطبها للمعنّى غرابيل

واليوم مايدرى من العلم بينه
وفراسخن وسط الفيافي مهاميل

ياناشدن تنشد عن الدرب وينه
ولاعاد به علمن ولا به مراسيل

تشبه لمن ضيع مع الناس دينه
وتيهات الارياء مالهنه دواليل

عابر السبيل

 

[عابر السبيل]

انشدك ياطيرن تعدى ضحى اليوم
تغرد بصوتن لاعني في حنينه

حطيت في قلبي من الشوق مثلوم
وكلن يناجي بالصبابه ضنينه

من جرب اللوعات ماهوب مليوم
ويبكي ليالن في حياته ثمينه

يا سلعة ن ماعرّضوها على السوم
في خاطري لك علومن سمينه

مامرني من هاجسن فيك معلوم
الا وقلبي يلتهف للمدينه

يسقي ديارك م المزن حثلوم
مرزامها يهمل بجوده شنينه

عابر السبيل

 

[عابر السبيل]

لا ياخيالن اختفى خلف الاشفاق
قفى وخلى لي عيون ن شقيه

عليه تبكي لي عيونن مع اماق
ونارن بوسط الجوف بالدوم حيه

دعيت انا له بالسلامه م الاعماق
لكن طواه الموت طيه ب طيه

ونار الحزن بالقلب تحرقني احراق
حزن الرفيق اللي فاقدن له خويه

حب ن من الله من على سبع الاطباق
وعينن توارى م التواعيس ضيه

روّح وخلاني فريسه للاشواق
والورث منها بالسراجيف كيّه

ياخاطرن من لوعة الفقد منضاق
وعينن على الخدين تنثر ل ميّه

عابر السبيل

 

[مُلْهِمة~]

يا صاحبي . . الله يمسيك بالخير

‏عقب البطى بنشدك وشلون حالك

‏أقفت بك الأيام . . . من دون تبرير

‏وجعل الفرح والطيب فالي وفالك

 

[عابر السبيل]

يا راعي الدلة ترا السر بالهيل
ولا باس وان كانك ذعرته بمسمار

يزين في كفك جمال الفناجيل
وجلسة ملاك ن على حافة النار

يا مدلل ن شقر المجاديل تدليل
ونارن سناها زود الزين بانوار

عابر السبيل

 

[مُلْهِمة~]

الطيب ساسك وأنت للطيب مدهال
‏من جاك ضايق مامشى منك زعلان

 

[عابر السبيل]

عساك في خيرن وتصبح على الخير
لولاك ما ينفرج شي ن تراكم بزوري

ادير انا الانظار يمن ومياسير
وان اعتمت يا صاحبي فانت نوري

واليوم جينا يارفيقي مسايير
يوم اخلفت سود الليالي ل طوري

عابر السبيل

 

[مُلْهِمة~]

يادار لا يرهبك .. صوت الصواريخ
‏أنتي من إيدين العدو .. امحفوظه
للشاعره

 

[عابر السبيل]

مريت ودي اسلم واشوفك
قد لي ليالن ما تهنيت بالشوف

ياللي يحير القاف في وصفة وصوفك
والواصف اللي مالقى فيك موصوف

كن العطر ينقط من رقايق كفوك
من عاد يدري عن العطر واكفوف

يانايفن عدى عن البيض نوفك
يحق لك يا نايف الطود هالنوف

عابر السبيل