اثبت حضورك ببيت من الشعر الشعبي

[عابر السبيل]

على الحجر مكتوب راعيه موجود
وانته ولا موجود ن ولانتاب صوبي

مير انني فارغ القلب محدود
عليك اشقق من غثا الحزن ثوبي

كني معك في تالي الوقت موعود
وسلمي معك يشبه كثيرن حروبي

عابر السبيل

 

[عابر السبيل]

يا زين وان عدت ظعون الجماعه
وقامت تناقص صورة الناس بالعين

انا مع اللي راح غالي بضاعه
ترجح وزونه في جميع الموازين

يامل قلبن لاعه الوقت لاعه
يشبه لحرفن ضااع وسط الدواوين

كم في ليالي الوقت حزن وقطاعه
وكم يختلف فيها طعوم وتلاوين

اوقاتها ياصاح ساعه وساعه
تنهج يسار ومر تنهج ميامين

عابر السبيل

 

[عابر السبيل]

ياقلب وش صحاك في تالي الليل
مانيب ناقص يالعيون السهيده

من اول الليله شهودي فناجيل
وابيات شعرن م القوافي عتيده

وتناقصت انفاس نور القناديل
وصمتن على الجدران ينقط وريده

وماتت معا برد الليالي مواويل
وساهر ليال الهجس ياويش بايده؟

يامعلل الاشواق بالقاف تعليل
لا ماتت الاشواق تظهر جديدة

ويشيع سر ن من عطور المناديل
وطيرن يغني من لدون الجريده

عابر السبيل

 

[عابر السبيل]

ابهى الصور يا صاحبي سجنها جدار
في وسط بروازن سجن منك بسمه

في عين خلك كنها حزمة انوار
للراحل اللي ترك صوره مع اسمه

باموقفن فكرى من بلاويك محتار
وصورة جمالن في هوى كل نسمه

تحرك لها الانسام يمنه مع ايسار
للصاحب اللي حط بالجوف وسمه

ولّيت ياحظن تولاه الاعسار
باقي خياله واختفى منه جسمه

عابر السبيل

 

[عابر السبيل]

يالله ياربي معا بلجةالنور
يالله عسى لي دعوة ن مستجابه

تضفي امانن على ساكن الدور
وتمحى من الايام بعض الكابه

يالله صباحك فرجة الهم واخيور
ولطفن عظيمن ولا احدن درى به

عابر السبيل

 

[نص عقل]

ماجور يا عابر سبيل والله ماجور
عليك من التوافيق تمطر سحابة
عسى أيامك كلها افراح وحبور
ومن الرزق يفتح لك مصاريع بابه

 

[عابر السبيل]

الله يجيرك م الصواديف واعثور
ووالدك م الكوثر لذيذن شرابه

وعساك في خيرن وبالخير مذكور
وتسلم على هرج السنع والذرابه

عابر السبيل

 

[ميريام الحربي]

‏بعض البشر أجمل من الشعر والبوح
واجـمل مـن الوان الرسـم والمعاني

وبعض البشـر ترد في نبضك الروح
مـن تبتسـم لك يبـتـدى عـمـر ثانـي


مساء الخير للجميع

 

[عابر السبيل]

الله يمسيك بالخير والمسرات

هني خبلن طافي العقل هلباج
همه ببطنه لين كرشه ملاها

طبلن يدندن وسط الاسواق هراج
ما ميز الايام ولاعه عثاها

لامه سريرن فاخر الفرش والعاج
ورزقه عليها وزاد بطنه قراها

ماهوب مثل اللي للايام مسهاج
كم ليلة ن غدرا ن بهيم سراها

ياكم وطى نابن من الداب منعاج
كبود الفيافي من المماشي فراها

عابر السبيل

 

[عابر السبيل]

يا مغني الابيات ياحلو صوتك
كنك توزع عند روحي دنانير

ياشمعة زينك على اوقات موتك
عشتي لنا هودن من الليل تنوير

على اللحن ينهار قلبي لنوتك
وتدمري المعلوق باللحن تدمير

عابر السبيل

 

[عابر السبيل]

كريم يا برقن شلع واشهق النور
يالله عساه من المدينة إلى النير

تثمر فياضه بين وردن مع ازهور
خبط الوبل يشبه لصوت الدنانير

كن العطر في مخضر الروض منثور
ويحلى بها شوف البنات الغنادير

يغني بها صدحن من اللحن وطيور
ويحلى بها طرقة طريق المشاوير

عابر السبيل

 

[عابر السبيل]

على حد الفصاحه من الصمت
وقفت ادور لي على فرد كلمه

كم مرة ن لا جيت ابااحكي تلعثمت
من شن بقلبي مع الله علمه

وكم اتأخر كلما اني تقدمت
يامورثي عند التحكاي بلمه

ودي اتعلم بس انا ماتعلمت
كني تمشيت النور في وسط ظلمه

عابر السبيل

 

[عابر السبيل]

لا والله اللي اخلو الدار يا منير
ولا شافت الاعيان بالصبح عينه

وجاني مع الحيرة بهم زود تحيير
ولوعات قلبي صوبهم ياهي سمينه

ماظنتي يلقاه مني مسايير
ثم اصبحت سرن بوسط المدينه

على المشارق ياعيوني مسابير
وعلى الشفق عينن تبيح كنينه

كم اعتصر قلبي على السطر تعبير
مثيل من يشكي بسطره سنينه

ليت القدر يقبل لوضعي ب تغيير
ويفك روحن بدربه سنينن رهينه

عابر السبيل

 

[نص عقل]

تراتيل آيٍ في دجى الليل نعمةٌ
فيارب لاتحرمني من هذه النعم

 

[عابر السبيل]

طارت طيور الصبح في طلب الارزاق
واخلت لعش ن فيه جملة مطايير

ونور الصباح في نور الاصباح فواق
وكل ن يدبر في حياته تدابير

كم واحدن يصبح مع الصبح مشتاق
وكم واحدن همه لجمع الدنانير

عابر السبيل

 

[مُلْهِمة~]

أصدق عبارات الغلا : فاقدينك
‏وأرقها لا عاد تبطي علينا

 

[عابر السبيل]

شايل من الماضي علوم وسواليف
في طرقة الايام تحتاج سولاف

وودي بشوفك يا الثمان المراهيف
ولاهو اكيد انك بالاعيان تنشاف

لا واحسايف يانجل العين ياحيف
فقدن لمثلك ياغلا القلب ينخاف

عابر السبيل

 

[عابر السبيل]

مستور يا سر ن بين الاضلاع مدفون
بريتني كما تبرى المباري للاقلام

اخفيت مني بهجة الريح واللون
وارجي الفرج عامن ترادف معا عام

الله يازينن نفل كل مزيون
طري غصنن في هوى هب الانسام

وسحر الرموش اللي تظلل بها عيون
يجي لها في بعض الاحيان سلهام

كم عاقلن يمشي على الدرب مجنون
له قصة ن تحكي بها سود الايام

عابر السبيل

 

[مُلْهِمة~]

عسى نقبل ونقفي وحنا عزاز نفوس
‏وعسى من يظن فينا لقانا على ظنه

 

[عابر السبيل]

اعتم ظلامك ياليالي المحبين
ولا بقى حظ السهر كود عيني

وبالقلب حس ن يرتجي منك تدوين
وسر ن كتمته كن وده يبيني

قد له بصدري ساكنن له زمانين
تمرّه ايامي ومعها سنيني

ياكاتب الابيات بالله بيتين
واقسم حروفك بالاسى والحنيني

راحت حياة ن بالشقا والتحانين
ابيع حسراتك واهي تشتريني

ياصاحبي اليسرى حلاك الميامين
واحيان يسراكم تغلب اليميني

يا ساحر الابيات عشق التفانين
قاسي القوافي في وصوفك يليني

مليت في حسي عميق المواعين
وقلبي ضميني وشاهدي كلمتيني

عابر السبيل