اثبت حضورك ببيت من الشعر الشعبي

[جنون عآبثهة]

-







‏المكتفي فيك لو كثرو جماهيره
‏يشوف فيك الشعور اللي محدٍ قدّه

 

[مُلْهِمة~]

اغيب اليا دريت أنه يكفي عني الموجود
واجي لـ فاحت دلال المواقف واتقهواها

 

[عابر السبيل]

يطري لي ايامن تلاشت م الايام
تشبه لباقي الوشم في صفحة الكف

عفى عليها الوقت عامن ورا عام
جفت وفعل الشوق بالقلب ما جف

يندي لها جرحن اليا طايرن حام
طيرن بعالي المزن له بيت مع رف

يلعب له احيانن على صفح الانسام
وكم ذا يموت بحومة الطير من شف

احيان اشوفك لمحة بين الاحلام
يجي لها في ناظري حافل الصف

عابر السبيل

 

[عابر السبيل]

يجوض قلبي كلما حل طاريك
روعة صغيرن لا توقض من النوم

بين الحكاية حاضرن مع مواضيك
وقلبن معا وسط المعاليق موسوم

ياكم تفلك صفحتن من مطاويك
وانا كما طفلن من الديد مفطوم

كم اظهرك حينن وانا اظن مخفيك
ونفسن كما طيرن على دارك ايحوم

كم واحدن ودك من الرضب يسقيك
ياكم تمنيته مع الوقت من يوم

عابر السبيل

 

[مُلْهِمة~]

مِتولعَـه (بـالشِعـر) واحسَاسهِا غير
وكل ماعَجبهآ بِيت قَالت عَلى الجرْح

محد(ن) يِشـابـهآ بكل الـغنِاديـر
في زينَهآ واحساسها يصعب الشرح

 

[عابر السبيل]

اتابع الحانك وعيني على اوتار
عاصي الوتر من بيين الابنان جا طوع

يامالي ن قلبي من الثلج والنار
لك في زوايا الروح عطرن مع اشموع

عيني على شوفك بالادماع مدرار
وانهات روحن جا له الكم والنوع

ياحيف ياللي كنها الغصن وازهار
كل الحلى يا صاحبي فيك مجموع

يوم الفراش يروح شفقن ل نكتار
والشور ماهو يا رفيق الدرب مسموع

كم اتجاوز صادق النصح واشوار
والحير في قلبي له اغصان وافروع

وش هو لقا له باني القصر سنمار ؟؟؟
غير الماسي واشهب الشر واللوع

يمكن يجي يومن اصالك وسط تذكار
والحبل مابين المحبين مقطوع


عابر السبيل

 

[عابر السبيل]

عيدك مبارك صامتن من ورا ازهار
احلى ملاكن لمته مع حلى الورد

طولت بالمشوار يا مبعد الدار
ووصلن يشوبه راخي الحبل مع شد

كم يختلف بك شارد العقل محتار
وصنوف وصف ن مالها عندنا حد

مريت اسلم حاملن م المزاهير نكتار
واعدد اوصافن مالها بالعدد عد

عابر السبيل

 

[عابر السبيل]

لا يا سنا نورن سكن وسط مصباح
غيرت لون الليل واصحيت عيني

حولك فراشن حاضرن حفل افراح
يغط نورك لحظة ن ثم يبيني

حولك من الانوار قفطان واوشاح
وذكرى لراحل من مواضي سنيني

كنك خذيته دور نورك م الاصباح
وبيحت من زينك خوافي كنيني

كم غالي من فعل الايام قد راح
يهلك فوادي له بشوق وحنيني

كم للنوى في وسط الانياط فواح
والله على ماصار خير العويني

عابر السبيل

 

[مُلْهِمة~]

حي المساء اللي يساوي ملايين

‏ومن دونكم مالقى المساء لونه

 

[عابر السبيل]

يامدلل ن ثلب الجدايل بالالوان
خلطت نور الصبح في ظلمة الليل

سبحان خلاق الحلا والف سبحان
ياكيف انا مولع بحب المجاديل

ياسايق الدلة ولعتي منك فنجان
سلام يا بايع غريب الفناجيل

عابر السبيل

 

[مُلْهِمة~]

يدور الشك بين الناس والأعمال بالنيّات
ويمر الواثق بنفسه عليهم .. ويتعداهم

 

[مُلْهِمة~]

ما تلتفت عيني لأحد لو يمرون
باقي على عهد الوفا بـ انتظارك

 

[عابر السبيل]

يانجم ياللي داوي ن دلجة الليل
انشدك يا نجم الدجى وين داوي؟

يالله عسى دربك بالمساري تساهيل
وليتك تعلمني على وين ناوي

حولك نجومن مثل صف الفناجيل
تشيل في دربك حزين الغناوي

عابر السبيل

 

[ندى الورد]

يا زين وقتٍ فيه صفّا لي زماني
وأقفيت عن همٍّ يثقل على الكيانِ
أمشي وقلبي من سكونه طمأناني
كأني على وجه الفرح دايمٍ حاني
اللي يبي الصدق ما يلقى له عواني
إلا النفوس الطيبة وقت الامتحانِ
والصبر مفتاح الفرج لو طال شاني
والله كريمٍ ما يضيّع له رجـانِ

راق لي

 

[مُلْهِمة~]

انا قهوتي " تشبه ملامح علاقتنا
‏صحيح انهآ حلوة وٓ لكنّها سادة

‏على طاري القهوة و طاري مودتنا
‏انا فاقدك مُرة و مشتاق بزيادة

 

[عابر السبيل]

ياسايق الدله شفنا منك فنجال
ألم به روحن تشرذم بجوفي

الله يا عينن بها السحر مكيال
عاداة صدوقين المواليف توفي

بنياط قلبي له جلاجل وخلخال
واشواق قلبي له كثير الصفوفي

عابر السبيل

 

[مُلْهِمة~]

اسَرق لك البسَمة ، من جَيوب الايام
ولا تحَزن الله يجَعل احَزانك بعَيده

 

[جنون عآبثهة]

-





مصير الأيام تكشف لك كنين الصدور
‏كانك تشوف الوجيه وتجهل قلوبها
‏قلبك دليلك ليا اشتبهت عليك الأمور
لا تقرب اللي يجيك الشك من صوبها

 

[مُلْهِمة~]

‏الماء يشبه بالسراب
‏وفي الأرض ماشفت اشبهك
للشاعر منصور بن فهد

 

[على مزاجي]

انتي غريبة ..
ب المشاعر والاطباعَ
من يوم عرفي
فيك وانتي غريبه
إليا تبسمتي تشيلين الاوجااع !
واليا تكلمتي " عجيبه عجيبه