احب الناس انفعهم للناس
من أكبر الأخطاء اللي ممكن تعملها في حياتك !انك تقوم من ع السرير مرة واحدة .. آه ولله زمبئولك كدا
مستعجل أوي يعني !! مانت متنيل بقالك ساعتين ع السرير وصاحي
لأن لما دا بيحصل ممكن يغمى عليك وتقع من طولك في وقتها
انت متخيل !!
حركة بسيطة زي دي أو انت اللي كنت مفكرها بسيطة ممكن تعمل فيك ايه
طب ايه السبب في كدا
الفكرة انك في وضع النوم بيكون الدم ماشي في نفس مستوى جسمك اللي هو هو نفس المستوى بتاع السرير
يعني دماغك في مستوى رجلك
وطبعا انت في وضع الاسترخاء ومريح ع الاخر والدورة الدموية ماشية على راحتها
الا اذا كنت بقا بتكلم الكراش ومأنتخ ساعتها قلبك بيبقا طبلة شغاله
المهم .. لما سعادتك تخلص مكالمتك وتسرح في الحب وعينك تتأمل في سقف الاوضة
وهي بتلف عليه كدا تنزل على الحيطة وتشوف الساعه
وساعتها تلاقيك اتأخرت على ميعاد ما
تقوم مفزوع وقايم جري من ع السرير
وفي اللحظة انت في جزء من الثانية خليت راسك في مستوى أعلى من مستوى باقي جسمك
في حين ان الدم اصلا ما طلعش مع المخ بنفس السرعة اللي راسك طلعت بيها
ودا بيقلل ضغط الدم في المخ ودا اللي بنسميه بلغة الكفار
"Orthostatic Hypotention"
ودا طبعا بيسبب دوخة وزغلله وفي احيان كتير بتقع من طولك
عشان كدا لازم تقوم على مرتين
يعني بعد ما كان جسمك نايم بزاوية 180 درجة
اقعد الاول وخلي الزاوية 90 درجة وبعد كدا قوم من ع السرير
هي حركة بسيطة بس هتفرق كتير معاك ومع جسمك وصحتك.
ولو استفدت من البوست وعجبك بلاش تبخل انك تشيره بقا
وإلا شيطانك هو اللي هيبقا منعك بقا ولا مؤخذة
اه ... والشر اللي جواك هو اللي انتصر.
#أحب الناس أنفعهم_للناس
.
اسم الموضوع : احب الناس انفعهم للناس
|
المصدر : المنتدي العام
