اسباب نجاح اي وصفة

[نور السماء]

أسباب نجاح أي وصفة

1 لنجاح الكيك ... النار لازم تكون مش عاليه يعنى 180 مش اكتر ....وحطى معلقه خل متخفيش مش بيبان فى الطعم خالص بيخلى الكيك هش وفاتحه وبيشيل ريحة البيض

2 .وبرضو للمعجنات حطى معلقه خل بيخليه ريحته حلوه اوى وطرى مش بينشف .

3. لو هتشوى فراخ فى الفرن علشان يبقى لونها احمر وطريه امسحى الفرخه بزيت ومعلقه صلصه ورشه ملح وفلفل وقلبيهم كلهم مع بعض وبعد كده ادهنيها

4 لما تقلى السمك وعايزاه من غير ريحه اول لما تحطى الزيت رشى فيه رشة فانيليا صغيره متخافيش مش بتعمل طعم وانسى الريحه خالص ومتنسيش تدعيلى

5 للمعجنات حطى علبه زبادى صغيره مع العجن تخليها هشة وجميلة

7 سر الكيك العالى بس تخلصى خلط الكيك حطى اقل من ربع ملعقه صغيره كربوناتو على نص غطى خل بس تفور وقلبيها على الكيك

8 سر البشاميل الكريمى ضيفى عليه علبه قشطه او ربع كوب كريمه طهى او جبنه سايحه بطعم القشطه

9 لإعطاء لون فاتح للحمه وهى بتتسلق بس حطى معلقه سكر صغيره هى كمان بتسوى بسرعه

10 سر البيتزا زى المطاعم ... 3 حاجات اولهم حطى لبن بودر بالعجين ورشة سميد على الصينيه فبل وضع العجين ورشة على الصلصه والجبنه وبعد لما تستوى البيتزا خرجها وحطى الجبن وسبيها دقيقه بس فى الفرن وهو سخن

11 سر السلطه الخضره بتاعت الحاتى قطعى البصل شرايح ورشى عليه ملح وشطه وخل وربع كوب مايه وسبيه فى التلاجه شويه

12 لنجاح العيش الفينو والمعجنات الفرن لازم يكون حامى تقريبا 220 او اكتر والعجينه تتعجن كتير تقريبا 10 دقايق

13 لو عاوزة تعرفي الفرق بين البتنجان المر و البتنجان الكويس .. و انتي بتشتري البتنجانة و بتنقيها بوصي على الزعزوعة .. او باللغة الفصحي .. الساق الخاص بالبتنجانه .. لو مايل يبقي كويس .. لو مستقيم كده و افقي الشكل .. يبقي البتنجان ده مر ( فيه مرارة )

14 . لما تيجي تحمري البصل بتاع الكشري و عاوزاه يقرمش .. هتقطعي البصل شرايح و تجيبي كيس نايلون ( اكياس الثلاجة ).. و تحطي فيه البصل المتقطع و معلقة كبيرة دقيق ورشة ملح . وروجي كويس . عشان الدقيق يتوزع على كامل البصل . وحمريه بقي .. هتلاقيه مقرمش معاكي و جميل

15 . لو بتطبخي بامية .. بعد ما تعمليها بالطريقة المعتادة .. هاتى طاسة صغيرة و فيها شوية ثوم مفرومين .. حاجة بسيطة يعني . لان البامية انتي اصلا حاطة في تسبيكتها ثوم .. و حمري الثوم في نقطتيتن سمن او سمن الليه بتبقى تحفه
و بعد كام ثانية من التحمير . هاتي البامية و حطيها في بايركس او طاجن فخار و طشي التقلية دي عالوش .. و دخليها الفرن عشر دقايق هتبقي احلى كتير

16. لما تيجي تعملى ورق العنب او الكرنب .. حطي في الحلة اللي هتطبخي فيها شرايح بصل ني طبعا في الاول خالص .. عشان المحشي ميتلسعش منك .. و لو في اي لسع تيجي في البصل

17 . عشان ورق العنب ميسودش منك .. لما يستوي اقفلى عليه وسيبيه مقفول عليه لحد ما يبرد .. لانك لو كشفتيه بعد ما يستوي مباشرة بينشف نوعا ما و بيسود شوية

 

[جاروط]

يااااااااه
جوعتينا
يسلم ذوقك الراقي