اضبط ثرموستات الثلاجة

[LioN KinG]

معلومة النهارده
اظبط ثرموستات تلاجتي علي كام وهل الديجيتال زي العاديه ؟
في الحقيقه الرد برقم علي السؤال ده خطأ وتعالي بقي نفهم الصح
المفروض أن السؤال ده علشان يكون صح تكون كمان عارف كمية الأكل فالثلاجه او الفريزر قد ايه
يعني مثلا
لو الثلاجه فيها الاكل قليل
واحنا فالصيف خليها علي 2
طيب فالشتا خليها علي 1
لو الثلاجه كمية الاكل فيها متوسط
فالصيف خليها علي 4
فالشتا خليها علي 3
لو الثلاجه مليانه اكل
فالصيف خليها علي 5
فالشتا 4 كويسه
نفهم من كده أن درجة الثرموستات لازم تكون مرتبطه بكمية الاكل علشان الثلاجه تشتغل وقت مناسب لكمية الاكل
طيب تعالي بقي الثلاجه الديجيتال
فالثلاجه الديجيتال درجات الحرارة اللي بتشتغل عليها كابينة الثلاجه الباب اللي تحت انت بتحطها بايدك
يعني لو خليت الثلاجه علي
خمسه فالكابينه فالصيف فالصيف متستغربش أن الاكل بيبوظ لان حضرتك المفروض تظبطها علي 3
وانت فاهم انك عاملها علي اعلي درجه لكن الارقام هنا بالموجب
وفالشتا لو خليتها علي 1 هتلاقيها بتجمد الاكل
لان المفروض تخليها علي 5
أما درجة الفريزر فممكن تخليها سالب18 فالصيف أو الشتا براحتك
هذا والله اعلم واتمني اكون وضحت الموضوع ومتنساناش بدعوه.

 

[كاسيوبيا]

يسلمو عالمعلومات المفيدة

تحياتي