البنت تشكي لوالدها

[LioN KinG]

بنت راحت تشتكي لباباها ان الحياه وحشه بباها مردش عليها وخدها للمطبخ وجاب 3 حلل ملاها ميه وحطها تغلي علي البوتجاز اول ما الميه غليت
راح حاطط في الحله الاولي بطاطس والتانيه بيضه وفي التالته حط بن.. وسابهم شويه بعد عشرين دقيقه طفا البوتجاز وطلع البطاطس في طبق والبيض في طبق تاني والقهوه في كوبايه وقال لبنته قولي لي شايفه ايه ?

( شايفه بطاطس وبيضه وقهوه )
قالها بصي كويس والمسي البطاطس لمست البنت البطاطس لقيتها طريه عن اول ما حطيتها طلب منها تبص للبيضه فلقيت بقت بيضه مسلوقه طلب منها تبص علي الكبايه فلقت قهوه ريحتها جميله جدا

ابتسمت البنت وقالت ( يعني ايه الكلام ده )
الاب قالها ان البيضه والبطاطس والبن اتحطوا في نفس الظروف _ المياه المغليه_ بس كل واحد فيهم كان رد فعله مختلف
البطاطس كانت في الاول قويه انما بعد الميه المغليه بقت طريه وضعيفه /البيضه كانت ضعيفه وسهله الكسر انما بعد الميه المغليه بقت قلبها قوي !

البن بقي كان مميز جدا لما دخل في الميه المغليه غيرها اصلا وعمل منها حاجه تانيه جميله جدا اسمها (قهوه)
انتي بقي مين فيهم ? بطاطس ولا بيضه ولا بن ?لما بيحصلك مشاكل في حياتك رد فعلك بيكون ازاي ?بتضعفي ولا بتقوي ولا بتاخدي الظروف دي وتعملي منها حاجه جميله.. المشاكل هتفضل تحصل حوالينا وهتفضل تحصل لنا انما الحاجه المهمه فعلا هو ان المشاكل دي متحصلش جوانا ومانبقاش ضحيه

 

[هدوء]

التشبيه جدا هادف حين شبه
الحياة بواقع البطاطس والبيض والقهوة
موضوع هادف غالينا

 

[جلينار]

كلام حلو كثير يلامس حكمة الكبار فيما مروا فيه من تجارب
شكراً لك على هذا الكلام الحلو
واو واو وتبقى القهوة أحلا حاجه في الموضوع

 

[سمارة]

قصة حلوة
شكرا لك الله يعطيك العافية