انه الغشيم الگبل مديت جنسيتي

[رنا حميد]

رضا العبادي

اغلى من اخوتي علَيّ
وبغرفة امي چنت مگعادك ابيتي

ومحد يكفلك لان مالك عرف بالصدگ
وانه الغشيم الگبل مديت جنسيتي
امعاند اتبدي الدوة من رخت عافيتي ؟

اسبگ اردانك چنت لو دمّعت عينك
ومافاك ريجي ولك
محتار افك دينك

انه البرودي يغث .. تجرحني الحچاية .؟
معقولة هذا الوجه.. انه ال بالمراية؟

امنيتي اشع عالبشر..
والينحط اعله الضوه
يبين شناويلي
امنيتي من انضك واحد يتجيلي

لو مو تطور اجه... انه الصورك ترس
بيبان كنتوره

وكلت من اطيح بمرض
الكاك من التفت
ثاريهه كلهه چذب .. بس امي مقهورة

الماجابه شوگه الي .. يجيبنا النذورة ؟

كالو احترگو هلي والنار من كل كتر
كتلك يطبهم رمي.. ولاكطع سالفتك

خاب انت مثل الضنى ..
حتى من اغثك چنت
عود اعله مصلحتك

 

[امل مفقود]

سلمت كفوفك ع النقل المميز
ودي وتقديري