خسيتي ازاي

[LioN KinG]

- خسيتي كده ازاي ما شاء الله .. روحتي لدكتور ؟؟
* آه ..
- اسمه ايه ؟؟
* نسيته ..
- طب حاولي تفتكري اسمه !!
* حاضر
- بعد 5 ايام .. ها افتكرتيه؟
* لأ ..
- طب حاولي انا محتاجاه ضروري قبل فرحي !!
* ان شاء الله !
______
- جبتي الشوز دي منين ؟
* ياااه تصدقي مش فاكرة .. ولادك عاملين ايه .. احكيلي ..
- كويسين ، بقولك الشوز دي كانت من انهي مول طيب ؟
* مش من مول .. اخبار ولاد اختك ايه !
______
- تعرفي المحل ده هيعمل تخفيضات امتي ؟؟
* و لا اعرف .. " وهي طبعا عارفة "..
______
- عندك حد يساعدني في البيت ؟؟
* " لأ " و هي عندها جوه !
______
- هو نوع قلم الكحل ده ايه ما شاء الله تحفة ؟
* معلش مش عارفة أجمع اسمه .. بستخدم انواع كتير فوق بعض !!! " أي كلام في الهجايص"
- مش هو ده اللي حطيتي منه دلوقتي حالا ؟
* لأ ده بتاع مرات أخو ابن عمتي نسيته معايا !
______
- المكرونة جميلة طريقتها ايه ؟
* بعملها عادي ..
- عادي ازاي ؟
* عادي زي ما بتتعمل !
______
- نمرة اللي بتفصلي عندها كام ؟؟
* اتمسحت من عندي .. موبايلي اتفرمت .. موبايلي اتحرق في الفرن .. موبايلي وقع في المحيط الاطلنطي و النمر اتمسحت !!! اللي بفصل عنده هاجر جُزر القمر !
______
- بتجيبي لبس ولادك منين ، انا دايخة علي لبس حلو والله ؟
* دي بنت عم اخت مراة خال ابن خالتي بتجيبه من بلاد الاغريق !
______
- ذاكرتي الجزء ال ... في المنهج انا مش فاهماه خالص ممكن تشرحهولي ?
* انا لسة مفتحتش المنهج مش مذاكرة اي حاجة اصلا !!
وهي مذاكرة ومراجعة مرتين !
______
الناس اللي من النوعية دي ..
انتوا فاكرين الخبث ده شطارة !!
قال رسول الله صلى الله عليه وسلم
" خير الناس أنفعهم للناس "
و
" لا يؤمن أحدكم حتى يحب لأخيه ما يحب لنفسه "

 

[سمارة]

لا حول والا قوة الا بالله
في ناس من هالنوعية
الله يعفي عنا
جزاك الله خيرا

 

[ولنا بالخيال حياة]

احسنت فكرا ونشرا