خلاصة علاقة الرجل والست

[نور السماء]

خلاصه علاقه الراجل والست
وطبعا قولت الراجل الاول عشان الرجال قوامون علي النساء
١-الست مرايه الراجل
٢-الست انعكاس للراجل اللي معاها يعني لو هو عصبي اكيد هي مينفعش تبقي عصبيه عشان منولعش في بعض وتطلعوا في برنامج خلف الاسوار
٣-الست فالاول هتعامل بالمعامله اللي تحب انك تعاملها بينا
بس لو ملقتش ده هتعاملك بمعاملتك او هترمي طوبتك
٤-احنا مش محور الكون يعني زي ما ربنا خلق ست في ستات كتير غيرها وزي ما خلق راجل خلق كتير غيره لكن الاختلاف الوحيد اما اتنين يقابلوا بعض ويبقي بينهم تفاهم وحب وحاجات حلوه يبقي متفرطوش في بعض واتمسكوا ببعض
٥- التغيير مش وحش اننا نسحب بايد بعض للحاجه الاحسن فالدين والحياه
٦- ابعدوا عن الناس اللي حاشره مناخيرهم في حياتكم وبيحبوا يبدوا اراءهم الشخصيه في علاقتهم عشان فالغالب هم دول اللي بيدمروا علاقتكم
٧-مش عيب اننا نغلط واحنا سوا بس الاهم اننا نتعلم من غلطنا عشان في فرق بين الغلط والاساءة يعني لو غلط مره تمام نقول اننا زعلنا ونعدي ده سوا ومنغلطتش نفس الغلطات تاني
٨-مش عيب نعتزر ونبرر خالص لشريك حياتنا والله العظيم مش عيب مش هينقص منكم حاجه
٩-الست والراجل اطفال في جسم ناس كبيره يعني اتعامل معاها انها طفله وانتي اتعاملي معاه انه ابنك بس من قلبكم مش تمثيل
١٠-الحسد مذكور فالقرآن بس مش هنعلق عليه اخطائنا وكل ما واحد يغلط يقول محسودين حصنوا نفسكم من عيون الناس المؤذيه ومش لازم تظهرو حلاوه حياتكم للناس حتي لو قريبين منكم والله الحسد ممكن يجي من ناس لا تتخيلوها
١١-اتبسطوا بالتفاصيل الصغيره عشان دائما هتبقي ذكريات حلوه وانتوا كبار وبتتسدنو علي بعض
١٢ -مش عيب انك تاخدي راي شريك حياتك في كل حاجه حتي لو كنتي سترونج اندبندنت زفت women وانت مش عيب تشاركها حياتك فالشغل او الاراء او حتي الكوره حتي لو كنت واخد جايزه نوبل
١٣ -دائما حاولي تتناقشوا كل اسبوع في مزايا ومساوء الاسبوع ده وايه اكتر حاجه مفيده طلعتوا بيها سوا سواء في طبخه حلوه او افكار او سفر
١٤ -الراجل مش atm يعني لو مخفتيش علي ماله اللي بيشقي ويطلع عينه فيه طول النهار يبقي متستهليش تعبه وشقاه طول النهار عشانك انتي وعيالك
١٥- حاولوا دائما تجدده شخصيتكم مع بعض اجتهدوا والله فالعلاقه شويه
١٦ -مش عيب انك تساعدها فالبيت او حتي تعرض عليها انك تساعدها ولو ظروفك مساعده او هي ظروفها مساعده هاتوا شغاله
١٧- الست مبتحبش الراجل اللي هي تصرف عليه عشان كده بيكون اتساوا حتي لو معاها خزان فلوس دائما الست بتحب اللي يدلعها حتي لو اغني واحده فالكون
١٨-مش عيب توقفي جنب جوزك وظروفه وحشه قدام هو مكنش مخليكي محتاجه حاجه دي ملهاش علاقه بالدين والاصل بس دي حاجه نابعه من تربيتك لنفسك
١٩-اما تيجي تقولك اي حاجه اسمعها والله ساعات بتبقي هرمونات بس اسمعها واسمعها باستمتاع عشان لو معملتش كده هيبان والستات بتحس والله
٢٠ - لو فكرت تخونها او لو فكرتيه تخونيه سيبوا بعض احسن وانضف عشان الخيانه وجعها عامل زي وجع السكينه لو دخلت في قلب حد ان ما كنش اسوء
٢١-متخبوش حاجه علي بعض خليه حياتك كتاب مفتوح لبعض عشان انتوا شخص واحد
٢٢-اعملو موڤي نايت واعملو خيمه واقعدوا فيها واعملو اضاءات حلوه
٢٣-صلو مع بعض سواء مسلمين او مسيحين ولعوا شمعه
٢٤-حبوا الحياه وانبسطوا وسافرو او انزلو امشوا سوا فاي مكان
٢٥- ادوا لبعض مساحه شخصيه لكل واحد فيكم بس دي طبعا تكونوا منيه علي ثقه كبيره انك تكوني عارفه انك لو سبتيه وسط ١٠٠ واحده لا يمكن يبص لغيرك ولو انت سبتها وسط ١٠٠ راجل لا يمكن تبص لراجل غيرك
٢٦ -الثقه اللي هتبقي بينكم مبنيه علي معاملتكم الخارجيه اللي بتشوفوها من بعض
٢٨ - اتعاملو بقلبكم مش بدماغكم مع بعض ومع كل الناس اتعاملو بعقلكم
٢٩ -الحب والجواز دول احلي حاجه فالدنيا
٣٠-كفايه بقي انتوا مستنين ايه قال ٣٠ قال

 

[همس الروح]

الرجل والمرأة يكملوا بعض فالحياة نصفين وقلب واحد في جسدين

موضوع جميل جدا وخفيف الظل

سلمت يداك يا حبيبتي

ودي وحبي

 

[روفي]

نصايح جميلة ومفيدة
بس كثيرين من الناس
يقولون ليه نعمل هالشي
واذا طرف رفض الثاني على
طول يقول ما انزل نفسي
عشانه واسمع كلامه
يعني بياخذو الشغلة عناد

اشكرك يا جميلة

 

[سمارة]

خلاصة جميلة جدا
شكرا على النصائح القيمة
يا رب جميع الازواج يستفادو
من نصايحك الجميلة
سلمت الايادي حبيبتي