رمضان أقبل

[LioN KinG]

رمضان باقى عليه ٤أيام ركز فى أهم ١٠ حاجات ممكن تاخد بالك منهم :
.
١- ماتتكلمش كثير وإنت صائم، ماتهزرش كثير، ماتعليش صوتك..
ليه..؟
حديث النبى.. فإن كان صوم أحدكم فلا يرفث ولا يصخب..
.
٢- لو حد ضايقك فى أى حاجة...ماتردش عليه..
قل : إنى صائم
.
٣- رمضان مش من الفجر للمغرب، رمضان ٣٠ يوم ليل ونهار، فلو الصيام بالجوارح بالنهار..فالصيام بالقلب بالليل والنهار
.
٤- كل الناس ممكن تصلى وتصوم وتقرا قرآن، بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل...ركز إن العبادات تغير فى المعاملات..لو بتكذب بطل..لو بتغتاب كفاية كده..لو بترتشى توب. اتغير سلوكيا بجد ..!!
.
٥- للصائم دعوة لا ترد..فجهز ماتريد من الدعوات.
.
٦- هات السبحة الإلكترونية وخليها فى جيبك على طول...وحط هدف إن كل يوم على الأقل تذكر ربنا ١٠ آلاف مره...نوع فى الذكر..مابين تحميد وتسبيح وتكبير ...الخ
.
٧ - ماتعديش يوم من غير صدقة، حتى لو جنية واحد..هتلاقى كرم مابعده كرم فى الدنيا قبل الآخرة...مانقص مال من صدقة...فيضاعفه الله اضعاف كثيره..
.
٨- المساجد فتحت للتراويح الحمدلله، صلى التراويح مع حد صوته وأدائه كويس علشان ماتزهقش وتكمل لأخر يوم.
.
٩- كل يوم ربنا ليه عتقاء من النار،اطلب من ربنا من كل قلبك كل ليلة إن ماكنش اعتقك قبل كده فيعتقك النهاردة، والله عتقاء من النار وذلك فى كل ليلة.
.
١٠ - خلى ختمة السنادى مش قراءة بس، العبرة مش بالكم، هات المصحف اللى فيه المعانى، وأقرأ معانى كل صفحة تقرأها...وشوف إنت فين منها.
..

كل عام وانتم بخير اعضاء وأصدقاء الغابة الكرام، ربنا يتقبل منا ومنكم صالح الأعمال

- مُقتبس.

 

[هدوء]

رمضان كريم جزاك الله كل خير

 

[همس الروح]

كل عام وحضرتك بخير وسعادة
وكل الشكر على الموضوع القيم
ربنا يجازيك بكل الخير
احترامي وتقديري

 

[سمارة]

جزاك الله خيرا على النصايح
بالنسبة لنصيحة رقم ٦
انا مستعدة سبح مليون مرة بس عنا في كتير شوب يعني رح اعطش وروح بطولي اذا ضليت حاملة المسبحة حتى اوصل لل ١٠ الف
اللهم اعنا على صيامه وقيامه وقراءة القرآن والعمل به
تقبل الله منا ومنكم صالح الاعمال
كل عام وانتم بخير

 

[أموي وأفتخر]

كل عام وانت بخير
رمضان مبارك على الجميع

 

[حـيـــــآة ❤]

جزاك الله خيرا

 

[امل مفقود]

أثابك الله الأجر ..

وَ أسعد قلبك في الدنيا وَ الأخرة
دُمت بحفظ الرحمن.