سوالف مع نفسي

[توت أسود]

العائلة اللذيذة
عائلة التوت
مساء الكرز
يا عائلة العز
لا لا مو الكرز
منافسنا في السوق
مساء الفستق
يا عائلة العبق
لا لا مو الفستق
مساء القشطة خلاص
مع بعض التحفظات

الدكتورة الاموره الجوري
قدمت طلب رسمي
في خيمة السوالف مع نفسي
للإستضافة في موضوعها
الجميل تاج ومدونه

وتعرفون أني
أقدر اراكم واحب استشيركم
في جميع اموري الحساسة

@كاسيوبيا
@الشامخ
@عـٓـذار
@روح أنثى
@تذكار
@موسيقار الكلمة
@زهرة
@فـَاتِـنـة


اللي موافق يحط فيس ساميه
واللي رافض يحط فيس ماجد

ملاحظة اللي ما يصوت خلال ٢٤ساعة
بطلعه من عائلة التوت
وبرسله لعائلة الفلفل

مساء التوت البري
على جميع شخصيات عائلة التوت المؤقرة
بإستثناء @تذكار اللي ما صوتت وطلعناها
من عائلة التوت إلى عائلة دبس التوت

وبإستثناء @عـٓـذار و @كاسيوبيا و @موسيقار الكلمة و @الشامخ

أخذوا عفشكم وأطلعوا من عائلة التوت ما أنتم حقين تصويت التصويت عندكم زي الانتخابات عند العرب طقطقة

ولا فيكم واحد قال الشور شورك يا شيخنا
يا شماتت باقي الفواكة فيك يا توت

تحطون و ليش جالس اخقق والا نكت
طلبت منكم تصويت بس اسهل مهمة

بس يا حيف عليكم
زعلتوني وأنا اول مره ازعل

وبعد بإستثناء @زهرة و @روح أنثى @فـَاتِـنـة
تحطون لي خرعتوني ما قد حطها لي في حياتي أحد ليش بس أيش سويت أنا لكم

غلطتكم بسيطة أنتم بسامحكم واخليكم في عائلة التوتر عشان ما تنقرض

في المشاركة الجاية الإعلان الرسمي عن رئيس التوت المنتخب

ايش دخل

لا أقصد الإعلان عن نتائج تصويت الإستضافة

 

[توت أسود]

نتايج التصويت النهائية

@فـَاتِـنـة ✓ تصويت صحيح
@روح أنثى ✓ تصويت صحيح
@عـٓـذار » تصويت مستبعد
@كلستان يا هلا وغلا بالمسك منوره
@زهرة ✓تصويت صحيح
@كاسيوبيا » تصويت مستبعد
@موسيقار الكلمة » تصويت مستبعد
@الشامخ » تصويت مستبعد

وبالإجماع تمت موافقة عائلة التوت على إستضافة شيخهم الوقور @توت أسود
اللي هو أنا طبعاً في موضوع
المصممة @الجوري

نشكر المصوتين الأفاضل على تصويتهم الصحيح كما نشكر المبدعة كلستان على مشاركتها معنا

وأقدم لكم دعوة رسمية
لحضور الإستضافة المرتقبة
مع أفحامي بالأسئلة الذيذة
بطعم التوت

أما باقي الأعضاء المستبعدة أصواتهم
لا يوجد دعوة رسمية وتم أستبعادكم
أيضا من التواجد في الإستضافة
إلا بعد وجود واسطة من أي واحد يمر
يمكن أخليكم تجون

هذا ولكم تحياتي التوتية

 

[الجوري]

تم ختم المدونه لجمالية ما يطرح بها
كل الود

 

[روح]

مساء الأخبار الحلوه

@توت أسود مبارك ختم المدونة شيخ قبيلة التوت

كيكة صغنونه بهذي المناسبة الحلوه
تفضل جعله بالعافية

تهانينا من أعماق القلب

 

[توت أسود]

على محياها الوصف تكلم
وقال هروجن ما فيها عذاريب

فيها حلا مع شدة المبسم
تخلي القلب بعد شوفته يطيب

 

[توت أسود]

على جفوني نظرتي لا تعداها
خلك حول العين والعين عينك

وخذ أيامي جعلك بالحب تهواها
الفرح اشوفه يمك والسنين سنينك

 

[توت أسود]

يا جماعة الخير
عندي سالفه صدقيه
بقولها بعد شوي

تكفون لأحد يطلع
واللي يطلع

بزعل منه طول عمري وحياتي
ويمكن أدعي عليه آنا الليل واطراف
النهار

ترقبوا جديد سوالف التوت مع نفسه
وأحلى أصدار لعيونك

مع تحيات شيخ التوت
المعتمد لدى الجهات الزراعية وغير الزراعية

 

[توت أسود]

الله محيي اصلكم جميعا

تفضلوا بصدر الخمية

خليني أقوللكم سالفتن

غريبة عجيبة

قريتها قبل مدة

في لا ما راح اعلمكم بمصادري الخاصة

السالفة فيه لاعب تركي

لاعب كرة قدم جنسيته تركيه

مهب اسمه تركي

فهمتوا

شاطرين

اللاعب التركي يلعب بالمانيا

فهمتوا

يا زقينكم

اللاعب التركي اللي يلعب بالدوري الالماني
كان يلعب وكان الحكم من العنصر النسائي

يعني كانت سيدة تحكم المباراة

المهم

الحكمة

طردت اللاعب

اللاعب قال للحكمة وهو معصب

الحريم مكانهن المطبخ

الحكمة ما سكتت قامت تصيح في البرامج الرياضية وتقول هذا اللاعب ما يحترم الحريم

المسؤولين في اتحاد الكرة الالماني
ما سكتوا بعد قالوا لازم نعاقبه

ايش يسوون ايش يسوون

الالمان هذولي عليكم أفكار عجيبة

قالوا نوقفه كذا مباراة

ونخليه يحكم مباراة
في دوري النساء.


الزبدة

اللاعب تعاقب وراح يحكم مباراة
لكرة القدم النسائية

وايش سوا اخونا التركي

طرد من الفريقين
ثمان لاعبات

وطبعا في نظام الكورة
اذا انطرد هذا العدد الكبير
توقف المباراة

وتلغى خلاص





ولما وقفت المباراة جت مذيعة
تسأل اللاعب


المذيعة

ليش طردت اللاعبات

اللاعب التركي

الحريم مكانهن المطبخ





وسلامتكم

مراسلكم من المانيا الغربية قديما
توت أسود

 

[توت أسود]

بعض الشوق تراه شين
مثل شوقي لطول غيابك

يعذب قليبي كل حين
واتخيل روحي لابسه ثيابك

 

[توت أسود]

قالوا في لمحة عيونه شر
قلت الشر والله باللسان العذال

قالوا في نهايه حبه ضر
قلت الضر بغيبته ويا وجد الحال

 

[توت أسود]

عطيتها عمري وما أخذته
وعطيتها روحي وما تبيها

عليها حاجبن يوم شفته
عقلي يا عرب راح فيها

 

[توت أسود]

يا مسعدن قليبي يا حلو طواريك
واسمك عالبال ولا لحظتن نسيناه

يا ليت ترسل طيف حظرة معاليك
في سوالف الحب اريده وابغاه

 

[توت أسود]

جاها الحلا والغلا غصب يجيها
من بدت الخلق ما فيه زي حلاها

ترمش وتطرح قلبي يا زين طاريها
فوق الغمام وصلت حدود غلاها

 

[رضا التركي]

لا يغيب عن القلب غايبن عن العين
طاري الزينين دوم بالخفوق حاضر

يا صاح العين منك ما شافت اثنين
ذوق وأدب وبيتن ينصاه كل ناضر

لك وحشة يا صاحبي جمعتك مباركة

 

[توت أسود]

لا يغيب عن القلب غايبن عن العين
طاري الزينين دوم بالخفوق حاضر

يا صاح العين منك ما شافت اثنين
ذوق وأدب وبيتن ينصاه كل ناضر

لك وحشة يا صاحبي جمعتك مباركة

ما غاب ذكرك يا الرضا له سنين
طاريك يا الشهم بالنبض كاثر

ترحب بك عيوني يا طيب الرياحيين
والقلم قبل الروح لك شاكر



ما تشوف وحش يا الغالي جعل عمرك كله مبارك


يالله حي شاعر النيل

 

[همس الروح]

السلام عليكم ورحمه الله وبركاته كل عام وانت بخير رمضان كريم عليك وعلينا يا رب

 

[روح أنثى]

صباح النور
شاعرنا الرائع
@توت أسود

 

[كاسيوبيا]

_

مساء الخير والسعادة
على جد الغابة العزيز
وأن أتيت متأخرة خواتم مباركة
اللهم أسأل الله أن يجعلك من
سكان الفردوس العلى بهذا الرمضان
ويرفع درجاتك وتكون ممن يسكنون الجنان
اللهم تكون من المغفور لهم والعتقاء من النار

 

[صمت البوح]

 

[جلينار]

ـ
لـ جدو العسل @توت أسود

ها قد حلَّ عيد الفطر حاملًا أفراحًا عظيمة، لكنَّ أفراحه تبقى ناقصة دون اجتماع الأحبه ، وأنا لا يكتمل عيدي ولا تكتمل أفراحي إلا بتهنئتكم.
.


وكل عام وانت بالف خير وصحه وسلامه
عاد عيدك ياشيخ التوت وايامك سعيدة