بحــ عاشقه ـــة
مساعدة ادارية مســؤولة الاقسـ الادبية ـام🪶📜
عجزت اكتب ( شعوري ) ثم بكيته ..!
ودي يا انا اكتب شعوري
ودي ينكسر سن القلم واوقف ...!
ودي ابتسم مدري علامي
ودمعه في عيوني صارت ترفرف ...!
عجزت اكتب شعوري ثم بكيته
وصار الصمت طبعي وانطباعي
كلامي عاجزن ليته وياليه
كما لو صابني شللٍ رباعي
كأن الكون في صدري ابتليته
بغصه عالقه يعجز سماعي
عجزت اقول ذا اللي هويته
حنيني لـه ... اقسى من وداعي
قسى منهو على روحي بديته
خذا قلبي .. واقسم في ضياعي
ترك لي ليل هذا اللي خذيته
من الدنيا وزادن بي التياعي
انا ماقوى اقول اني فديته
لانه كان نسخه من طباعي
انا ماقوى اقول اني رويته
لانه ( قلبي ) الساكن ضلاعي
انا ماقوى اقول اني نسيته
لان شعوري...؟ اصبح ماله داعي
عجزت اكتب شعوري ثم بكيته
وصار الصمت طبعي وانطباعي
.
وليدة اللحظة ..
على مقصلة الحنين انتحرت اخر بهجة
كادت اشبه بعمر منتظر ..
كلماتي وانً كانت تفتقر للاوزان
فهي ايضاً مترنحة فقدت الاتزان
.
3:43 صباحاً
10يناير 2024
.
.
اسم الموضوع : عجزت اكتب ( شعوري ) ثم بكيته ..!
|
المصدر : منتدى الشعر الشعبي
..
