فُراقك فِعل مُش فَاضح .

[نغــم]

حبيته من قلبي ، ملقيتش غير ذُلُه

اذا كان حبيبك عسل ، متلحسوش كله

هددتني بغياب ، وأنا كنت مش قده

فـ مسكت فيك وبـ غُلّب ، وقولت ماتسبنيش

ظنيت في قلبك خير ، وانا ظني جه على مفيش

وقولت عني كلام والله مش فيا

شفتني ببكي .. رديت بسخرية : ” معلش يا ضحية “

صوت قسوتك يومها سمعته باستغراب ..

مين اللي على التليفون ! انت الي حبيته ؟

الصوت خارج منك بس الكلام من مين !

مين أنت فهمني !

آخرتها تهملني ؟

آخرتها تنهيها بالكسرة دي ليا ..

آخرتها تنهيها بكلام مهوش فيا ؟

جيتلي وارضك بور ، فـ زرعت فيك من الورد ..

وهبت قلبك دفى ، كيف الكوفيه فـ برد ..

اديتني ايه انت !؟

غير الوجع والخوف ...

اديتني ايه غير حزن ع المكشوف !!

نقطة الضعف الي فيا عريتها قدامك ..

وأنا ظني بيك كان خير ..

أنك هتحميني ..

أيدي الي وجعتني مسكتني منها ..

وحلفت تنهيني !

ركنت حلمي ومشاغلي وكل شئ لأجلك ..

لأجل اني افضى لك ..

وجاي دلوقتي تعايرني بأفضالك ! وتقولي اصلي عملت !

عملت ايه ليا ، غير كام فرح يتعد ، وحزن اضعافه !

طلعت بيك السما ونزلت بيا الارض ..

وقولتلك اني سنداك ليوم العرض ..

واحتاجت لوجودك ملقيتش فيك سند ..

ملقيتش فيك الضهر ..

زاد الغياب عن شهر

وأنا كنت محتاجة إن انت تبقى لي ..

كان المكان خالي ومفيش سوى قلمي

فـ سردت من ألمي ، الشِعر للمخاليق

دانا كنت خير صديق وكنت ليك أمك

كنت ليك الونس وحبيبه بتضمك ..

هديت لقلبك ورد ، هجيت فـ قلبي الشِعر

وادتني ايه غير شوك ؟!

دانا كنت ليك مركبة بتعدي بيك من الوجع ..

وعالجت قلبك لقيتني بحزن واخاف واتوجع ..

وطلبت تنجدني ، مفتحتليش إيدك ..

وسبتني بغرق ..

كان إيه لزوم كدبك !!

او وعدك الزايف ، وان الحياة وردي

وإن البداية العظيمة فـ أي شيء حلوة

بقالك قد ايه مقولتليش حلوة ولا حلو فستانك .. !

مجبتليش وردة ولا قولتلي شبهك !

بقالك قد ايه مبعتليش مثلا رسالة تقول ” وحشتيني “ ؟؟

اهملت ليه بدري ، مليت وجودي خلاص ؟

دانا يعني حبيتك ، مديتش غير الحب ..

عودت قلبك ع الإهتمام مني ، فـ بقيت بتهمل

فـ بقيت بتبعد ، فـ بقيت تهدد بالفراق والهجر !

وسامحت قلبك وقولت فات وانقضى ..

كل اللي عدى ومضى هنساه عشان حباك ، وهنسي غلطاتك ..

اتفه خلاف بينا .. بتذلني علي غلطة غشمي ارتكبها من زمن !

بعت الي بينا بدون تمن وبعدت ، اسود يا قلبك قاسي مابينساش .. !

بعت الي بينا بلاش ، وقولتلي ده نصيب ..

أمرك عجيب والشك زاد فيا ..

بطلت تعشقني ؟؟ ولا لقيت غيري ؟؟

كتر أوي خيري على الصبر والله ..

دانا صبري طال ايوب ، وبردو ماجزعتش ..

غيطان قلبك بأيدي زرعتها وسمعت صوتك بيقولي مزرعتش !!

” كفران عشيرك ” زاد وبتنكر المعروف وتقول كلام باطل !

كل الكلام عاطل قدام جحود قلبك ..

روحي اللي شبعت وجع بيقل فيها الحيل ..

بتغش ليه ف الكيل ؟ وتحط ماية فـ عسل !!

عديتها والله حفظاً لماء وجهك ، حفظاً لعلاقتنا ..

لكن تحط السم !! صعب إني اعديها ..

صعب اني أشوف سمك بيقتل كل شيء فيا ..

وأسقف لك !!

طيبتي الغبية بتتقلب لعنة ، فـ خد بالك

انا كنت باقيه لك ، مش صعب إني أذيك ..

قلبي اللي عاش يحميك ، ويبني فيك لـ تقوم ..

كل اللي نابه الوجع وإن أنت مش هتدوم ..

قربت ليه لما أنت ناوي على الفراق ؟!

قلبك غريب ضل الطرق ..

جبتك وسكنتك فـ روحي

جعلت منك أكسير حياه ليا ..

وآخرتها ؟

قولت عني كلام والله مش فيا ..

قولت اني وحشة وقلبي مش ولابد

وإني ماصونتش حبك الطاهر !

كان كل شيء ظاهر ، وأنا اللي كنت بصون

وانا الي كنت بهون على قلبك المذنب.

جيت قولت لي بقسوة كلام سايب علامة حزن جوايا

وكنت دواك برغم أنك مفيش مرة تكون لي علاجي ودوايا

كسرت فـ قلبي بجحودك وغبت بدون سبب واضح !

.. فراقك فعل مش فاضح ..

فراقك خير ،

فراقك ليا قواني ..

يا حب تعبني ، يا أناني ..

هحن يجوز وهشتاق لك ، لكن والله ما هعاني

بفعل الوقت هتناسي وهتعلم ..

بفعل الصدمة هستقوى وهتكلم ..

وهلعن في الوجع جهراً

هكون اقوى وأنا لوحدي ، بكون أضعف وأنا وياك ..

.. رُبَ خيراً لم تنله كان شراً لو اتاك ..



مما راق لي ..

للشاعره /

أميرة البيلي​

 

[المســــافررر]

لكل شيءٍ إذا ما تم نقصانُ

فلا يُغرُّ بطيب العيش إنسانُ

هي الأيامُ كما شاهدتها دُولٌ

مَن سَرَّهُ زَمنٌ ساءَتهُ أزمانُ

وهذه الدار لا تُبقي على أحد

ولا يدوم على حالٍ لها شان

يُمزق الدهر حتمًا كل سابغةٍ

إذا نبت مشْرفيّاتٌ وخُرصانُ

وينتضي كلّ سيف للفناء ولوْ

كان ابنَ ذي يزَن والغمدَ غُمدان

أين الملوك ذَوو التيجان من يمنٍ

وأين منهم أكاليلٌ وتيجانُ ؟




مما راق لي

 

[ندى الورد]

روعة ورعة
مايستهلش حبها
هما كده الرجالة جاحدين
سلمتيى ياقمري ع النقل

 

[نغــم]

لكل شيءٍ إذا ما تم نقصانُ

فلا يُغرُّ بطيب العيش إنسانُ

هي الأيامُ كما شاهدتها دُولٌ

مَن سَرَّهُ زَمنٌ ساءَتهُ أزمانُ

وهذه الدار لا تُبقي على أحد

ولا يدوم على حالٍ لها شان

يُمزق الدهر حتمًا كل سابغةٍ

إذا نبت مشْرفيّاتٌ وخُرصانُ

وينتضي كلّ سيف للفناء ولوْ

كان ابنَ ذي يزَن والغمدَ غُمدان

أين الملوك ذَوو التيجان من يمنٍ

وأين منهم أكاليلٌ وتيجانُ ؟




مما راق لي

رائع كروعة حضورك
ورقي طلتك
يسعد مساك

 

[نغــم]

روعة ورعة
مايستهلش حبها
هما كده الرجالة جاحدين
سلمتيى ياقمري ع النقل

ايوه القصيدة دي تحفة
بحب أسمعها ..

جاحدين
مساء الورد ي نودي

 

[ندى الورد]

المساافر زعل خلينا نجري ههههههههه

 

[نغــم]

المساافر زعل خلينا نجري ههههههههه

ههههه اجري

 

[احساس أنثى]

جميلة القصيدة قرينة الله يسعد قلبك

 

[نغــم]

جميلة القصيدة قرينة الله يسعد قلبك

انت الأجمل أحساس
ويسعد قلبك يارب