كنك الدنيا وانا كني سجبنك

[رحال]

إسمحي لي وابْسِطي راحة يمينك
.......... وان خذلْتك جِعْلَها تقْطَع يديني !

يَشْهَد اللي عَزِّني باحلى سنينك
.......... ما عطيتك من رخا .. لا تظْلميني !

نفْسي احْرِمْها ولا غيري يهينك
.......... فِدْوِتِك روحي وْما تمْلك يميني . !

مِدِّي كْفوفك أبي لمْسة يدينك
.......... من عطايا ربّك الخالق عطيني . !

واطْردي خوفك ورى صحْوة يقينك
.......... ليتها تبْطي على شانك سنيني . !

قلْت [ احبك ] وانْهمر مكنون عينك
.......... إرْتعش في داخلك قلب ٍ يبيني .. !

ذابت حْروفي على جمْرة حنينك
.......... كيف ابسْلى وانتي دْموعي وعيني ؟

كنّك الدنيا وانا كنّي سجينك
.......... كلّما يِطْلَق سراحي تسْجنيني . . !

إبْشري باللي مضى بيني وبينك
.......... إنّي ارْوي بالوفا تربة حنيني !

واسْعدك جعْل السعد يسْكن جبينك
.......... واكتب الزبده على صفحة جبيني !

إنّك اكبر واني بْكبْري رهينك
.......... وانْ نويت اشْره عليك تْسامحيني !

إذكري دامي على الذكرى عوينك
.......... يومك بنشْوة غرامي تجرحيني !

واسْمعي جرح ٍ برى ماقال وينك ؟
.......... وانتي جْروحك برَت من راحتيني !

غيرها كلمة ( حبيبي ) لو تدينك
.......... وش يدينك وانتي اصلا تعشقيني !

وان سألْتك أرْتجي عطْفك ولينك
.......... من على خطّ البدايات انتهيني !
م ن

 

[امل مفقود]

إنتقاء جميل .. وطرح راق لي .،
يعطيك العافية وسلمت اناملك ،
دمت بخير .،

 

[رحال]

العفو امل
شاكر لك مرورك
دمتي بسسعاده لاتنتهي

 

[همس الروح]

سلمت يداك وسلم ذوقك على نقل الموضوع

احترامي وتقديري

 

[ملاك الحب]

يالجمال هذه الأبيات
ذات إيقاع موسيقي اخاد
اطربتنا بجمال هذه الحروف
تسلم الايادي ابو شهاب

 

[رحال]

انرتي
مششرفتنا الموقره
همس الروح يسعدني
مروركك

 

[رحال]

ملاك الحب
انرتي
لاخلا ولاعدم