كيف اعود أبني على الصلاه
كل الاباء والامهات يتمنوا ولادهم يكونوا بيصلوا، حتى لو هما نفسهم مقصرين في الصلاة وعشان نحقق الأمنية الجميلة دي هقترح عليكم مجموعة نقاط وهنتظر مشاركاتكم وتجاربك الناجحة مع اولادكم ..
= في البداية ضروي الطفل يتعرف على ربنا ويحبه، احكي له على النعم اللي ربنا ادهاله، ورحمة ربنا وقدرته وحنانه وحبه لينا والجنة وجمالها عشان يتعلم يعبد ربنا بحب مش بخوف وابعد تماماً عن الحديث عن العذاب والنار وخاصة في مرحلة الطفولة .
= ما قل ودل ..
لما الاذان يأذن لا داعي للمواعظ والخُطب الطووويلة خاصة للمراهقين كلمة واحدة تكفي : الصلاة ، العصر .
= كلفه بمهمة يقدر ينجزها..
من الحاجات اللي بتشجع الولاد على الصلاة انه يكون مسؤول عن مهمة محددة مرتبطة بالصلاة ،ممكن مثلا تتفق معاه انه هو اللي يفكرك بمواعيد الصلاة، انه يصلي بيك إمام ،ان هو اللي يختار مكان الصلاة كل مرة ،انه يفرش سجادة الصلاة انه هو اللي عليه الإقامة بصوت مسموع .
= تواصل معه بحب قبل ما تأمره بالصلاة ..
إظهر دايما حبك ليه، بإحتضانه وتقبيله والجلوس معاه وقت خاص بيه هو بس ،قوله انا بحبك ، هاتله هديه ، ضروري يبقى حاسس ان شخص محبوب ومقبول عشان يتقبل منك اي توجيه ولا يعاند ويرفض ..
= سهّل عليه المهمة
مثلاً وفرله مياة دافية في البرد، اسدال وسجادة صلاة معطرين، مكان مخصص لأداء الصلاة ومكتوب عبارة مشجعة مثلا ( الصلاة نور )(الصلاة عماد الدين) ..
وعلمه ازاي يتوضى ويصلي بالتدريج وبخطوات بسيطة ،
وقفه معاك وانت بتتوضى وخليه يكرر الوضوء أمامك وشجعه ويشوفك بتصلي ازاي وبتقول ايه في السجود والركوع والقيام بصوت مسموع لحد ما تتأكد انه اتعلَّم ينجز المهمة بنجاح .
= إظهر ثقتك فيه
لا داعي للسؤال والحلفان : انت صليت ؟! صليت امتى ؟! ماشوفتكش !! طب احلف كده !!
لكن وصلّه رسالة، انا متأكد انك بتحب الصلاة وهتشعر بالراحة والفرحة بعدها، عشان كده عمرك ما هتكسل عنها ، انت بتتعلم بسرعة و عرفت تتوضى وهتصلي صح ولوحدك في اي مكان حتى لو انا مش معاك ..
= احكيله قصة الإسراء والمعراج وان كل الفروض نزل بيها سيدنا جِبْرِيل على النبي صلى الله عليه وسلم الا الصلاة عرج بالنبي الى السماء لتُفرض فيها لمكانتها الكبيرة، العظيمة في الاسلام ..
= اعمل حفلة لا ينساها
من الحاجات اللي بتأثر في الولاد عمل حفلة لما يتم سن ٧ سنين واعزم فيها أصحابه والناس المقربين منه، وفهمه ان الحفلة دي عشان هو وصل لسن الصلاة وممكن تجيبله هدية ، لعبة كان طالبها مع سجادة صلاة، مسواك، سبحة ، طاقية للولد وإسدال او طرحة للبنوتة مع التورتة والشمع عشان الموضوع يرتبط في دماغه بخبرة سارة ..
= حي على الفلاح
احكيله على شخصيات ناجحة وفالحة في حياتها هو يعرفها شخصيا وبيحبها وشافهم بيصلوا وان التوفيق والنجاح في الحياة مرتبط بالمواظبة والحفاظ على الصلاة..
= التشجيع
صوتك جميل في القراءة ، صلاتك سليمة وصحيحة 100% ، بيعجبني حرصك وحبك للصلاة ، تحكي لتيتة او جدو امامه ان عمر بيحب الصلاة وبيحافظ عليها وبيفكرني انا شخصيا بيها وأحكي مواقف حقيقية حصلت تبين ده، وركز عليها علشان تبرمج دماغه على انه مواظب، ولا للرسائل السلبية المحبطة ..
= ركز على الحلول لا المشكلة
بدل اللوم والعتاب والانتقاد وانا زعلان منك ومفيش فايدة وانت مش بتصلي ..
اسأله تفتكر ايه السبب اللي بيخليك تنسى الصلاة يا حبيبي او تكسل عنها؟!
طب هتعمل ايه عشان تواظب على الصلاة؟!
فيبدأ يفكر في حلول تساعده على الإنجاز وينفذها، وتقترح عليه حلول من عندك، ونرجع نقيمها اما نكمل بيها او نستبدلها بحلول جديدة، وهكذا ..
= ممكن نعمل اتفاق في اجتماع العيلة الأسبوعي او الشهري ونناقش مع الأولاد مشكلة أسباب تأخير الصلاة او عدم الانتظام فيها ونسمع منهم مقترحات للعلاج وممكن تقترح عليهم ان وقت الاذان بنقفل الواي فاي او الانترنت والمذاكرة والتلفزيون وووو الخ...
= خليك قدوة ليه في الالتزام بالصلاة
لما ابنك يتعود من صغره يشوفك بتسيب كل حاجة في إيدك لما تسمع الاذان وتصلي بحب بدون ضجر او ملل هيستشعر عظمة الصلاة واكيد هيقلدك ...
= الدعاء
لا تنسى الاستعانة بالله ودعاء سيدنا ابراهيم ( رب اجعلني مقيم الصلاة ومن ذريتي ربنا وتقبل دعاء ) له مفعول السحر في حب الأولاد للصلاة ومواظبتهم عليها بشهادة كثير من الأمهات اللي نجحوا في المهمة دي ..
= ( وكان أبوهما صالحا ) أكثر من الأعمال الصالحة وتصدق بنية ان ربنا يحبب الى أولادك الصلاة والإيمان ويثبتهم عليه ..
= استمر واصبر وثابر
في ناس تهتم جدا ويتابعوا الطفل في الصلاة كل يومين ،تلاتة، او كل اسبوع وبعدين يشتكوا انه لا يستجيب !!!
عشان اعود ابني على الصلاة أو أعوده على أي سلوك دا هيحتاج مني إستمرار ومتابعة من أسبوعين لثلاث أسابيع بلا توقف، ولو نسيت يوم، هبدأ من أول وجديد بلا يأس او ملل ..
المهمة عظيمة يا شباب والاجر كبير وفعلاً يستحق الصبر والمثابرة..
وولادنا غراس وثمار اعمالنا، وعمرك ما هتتعب معاهم وتبذل اي مجهود الا وهتجد آثاره وثماره الطيبة في الدنيا قبل الآخرة ان شاء الله .. وربنا يوفقكم ويعينكم
= في البداية ضروي الطفل يتعرف على ربنا ويحبه، احكي له على النعم اللي ربنا ادهاله، ورحمة ربنا وقدرته وحنانه وحبه لينا والجنة وجمالها عشان يتعلم يعبد ربنا بحب مش بخوف وابعد تماماً عن الحديث عن العذاب والنار وخاصة في مرحلة الطفولة .
= ما قل ودل ..
لما الاذان يأذن لا داعي للمواعظ والخُطب الطووويلة خاصة للمراهقين كلمة واحدة تكفي : الصلاة ، العصر .
= كلفه بمهمة يقدر ينجزها..
من الحاجات اللي بتشجع الولاد على الصلاة انه يكون مسؤول عن مهمة محددة مرتبطة بالصلاة ،ممكن مثلا تتفق معاه انه هو اللي يفكرك بمواعيد الصلاة، انه يصلي بيك إمام ،ان هو اللي يختار مكان الصلاة كل مرة ،انه يفرش سجادة الصلاة انه هو اللي عليه الإقامة بصوت مسموع .
= تواصل معه بحب قبل ما تأمره بالصلاة ..
إظهر دايما حبك ليه، بإحتضانه وتقبيله والجلوس معاه وقت خاص بيه هو بس ،قوله انا بحبك ، هاتله هديه ، ضروري يبقى حاسس ان شخص محبوب ومقبول عشان يتقبل منك اي توجيه ولا يعاند ويرفض ..
= سهّل عليه المهمة
مثلاً وفرله مياة دافية في البرد، اسدال وسجادة صلاة معطرين، مكان مخصص لأداء الصلاة ومكتوب عبارة مشجعة مثلا ( الصلاة نور )(الصلاة عماد الدين) ..
وعلمه ازاي يتوضى ويصلي بالتدريج وبخطوات بسيطة ،
وقفه معاك وانت بتتوضى وخليه يكرر الوضوء أمامك وشجعه ويشوفك بتصلي ازاي وبتقول ايه في السجود والركوع والقيام بصوت مسموع لحد ما تتأكد انه اتعلَّم ينجز المهمة بنجاح .
= إظهر ثقتك فيه
لا داعي للسؤال والحلفان : انت صليت ؟! صليت امتى ؟! ماشوفتكش !! طب احلف كده !!
لكن وصلّه رسالة، انا متأكد انك بتحب الصلاة وهتشعر بالراحة والفرحة بعدها، عشان كده عمرك ما هتكسل عنها ، انت بتتعلم بسرعة و عرفت تتوضى وهتصلي صح ولوحدك في اي مكان حتى لو انا مش معاك ..
= احكيله قصة الإسراء والمعراج وان كل الفروض نزل بيها سيدنا جِبْرِيل على النبي صلى الله عليه وسلم الا الصلاة عرج بالنبي الى السماء لتُفرض فيها لمكانتها الكبيرة، العظيمة في الاسلام ..
= اعمل حفلة لا ينساها
من الحاجات اللي بتأثر في الولاد عمل حفلة لما يتم سن ٧ سنين واعزم فيها أصحابه والناس المقربين منه، وفهمه ان الحفلة دي عشان هو وصل لسن الصلاة وممكن تجيبله هدية ، لعبة كان طالبها مع سجادة صلاة، مسواك، سبحة ، طاقية للولد وإسدال او طرحة للبنوتة مع التورتة والشمع عشان الموضوع يرتبط في دماغه بخبرة سارة ..
= حي على الفلاح
احكيله على شخصيات ناجحة وفالحة في حياتها هو يعرفها شخصيا وبيحبها وشافهم بيصلوا وان التوفيق والنجاح في الحياة مرتبط بالمواظبة والحفاظ على الصلاة..
= التشجيع
صوتك جميل في القراءة ، صلاتك سليمة وصحيحة 100% ، بيعجبني حرصك وحبك للصلاة ، تحكي لتيتة او جدو امامه ان عمر بيحب الصلاة وبيحافظ عليها وبيفكرني انا شخصيا بيها وأحكي مواقف حقيقية حصلت تبين ده، وركز عليها علشان تبرمج دماغه على انه مواظب، ولا للرسائل السلبية المحبطة ..
= ركز على الحلول لا المشكلة
بدل اللوم والعتاب والانتقاد وانا زعلان منك ومفيش فايدة وانت مش بتصلي ..
اسأله تفتكر ايه السبب اللي بيخليك تنسى الصلاة يا حبيبي او تكسل عنها؟!
طب هتعمل ايه عشان تواظب على الصلاة؟!
فيبدأ يفكر في حلول تساعده على الإنجاز وينفذها، وتقترح عليه حلول من عندك، ونرجع نقيمها اما نكمل بيها او نستبدلها بحلول جديدة، وهكذا ..
= ممكن نعمل اتفاق في اجتماع العيلة الأسبوعي او الشهري ونناقش مع الأولاد مشكلة أسباب تأخير الصلاة او عدم الانتظام فيها ونسمع منهم مقترحات للعلاج وممكن تقترح عليهم ان وقت الاذان بنقفل الواي فاي او الانترنت والمذاكرة والتلفزيون وووو الخ...
= خليك قدوة ليه في الالتزام بالصلاة
لما ابنك يتعود من صغره يشوفك بتسيب كل حاجة في إيدك لما تسمع الاذان وتصلي بحب بدون ضجر او ملل هيستشعر عظمة الصلاة واكيد هيقلدك ...
= الدعاء
لا تنسى الاستعانة بالله ودعاء سيدنا ابراهيم ( رب اجعلني مقيم الصلاة ومن ذريتي ربنا وتقبل دعاء ) له مفعول السحر في حب الأولاد للصلاة ومواظبتهم عليها بشهادة كثير من الأمهات اللي نجحوا في المهمة دي ..
= ( وكان أبوهما صالحا ) أكثر من الأعمال الصالحة وتصدق بنية ان ربنا يحبب الى أولادك الصلاة والإيمان ويثبتهم عليه ..
= استمر واصبر وثابر
في ناس تهتم جدا ويتابعوا الطفل في الصلاة كل يومين ،تلاتة، او كل اسبوع وبعدين يشتكوا انه لا يستجيب !!!
عشان اعود ابني على الصلاة أو أعوده على أي سلوك دا هيحتاج مني إستمرار ومتابعة من أسبوعين لثلاث أسابيع بلا توقف، ولو نسيت يوم، هبدأ من أول وجديد بلا يأس او ملل ..
المهمة عظيمة يا شباب والاجر كبير وفعلاً يستحق الصبر والمثابرة..
وولادنا غراس وثمار اعمالنا، وعمرك ما هتتعب معاهم وتبذل اي مجهود الا وهتجد آثاره وثماره الطيبة في الدنيا قبل الآخرة ان شاء الله .. وربنا يوفقكم ويعينكم
اسم الموضوع : كيف اعود أبني على الصلاه
|
المصدر : الامومة و العناية بالطفل
