لسه الأمل باقي

[محموددد]

ولسه بنوح واقول مواويل
ولسه بنام في حضن الليل
وانا زعلان وقلبي حزين
ولسه عادي برضو بهون
ويجي مكاني حد بديل

وبرضو بخاف واحس بضعف
ورغم الوهن اللي انا حاسه
لسه في عقلي طريق راسمه
لسه احلامي قدامي بتغريني
وبجري وراها برأس مرفوعة
واحس بغصة توجعني
لو بطلت في يوم احلم.

لسه الاحلام قدام
لسه الايام كتار
لسه الامل موجود
لسه بيعلا الصوت
لسه الامل باقي
طول ماحنا عايشين
لسه لحد مايجي الموت.

هبان كداب وانا جوايا العكس
لكني معود نفسي وكل الناس
أني خصيم اليأس
وأني ببث الأمل
بختار كمان الجمل
مش برمي في كلام
واطرح حلول وحلول
واعمل كل ما لم يتعمل
وفي نيتي الخير
وحب الخير للغير
ودا شئ لقيته ف نفسي
من يوم ما جيت ع الدنيا.

قد اكون كداب وابان عكس اللي جوايا
لكن ف قلبي لسه فيه نور بشوفه ف اي مرايا
فبكون عايش راضي..عشان
لسه الامل موجود
طول ماحنا عايشين
لسه الامل باقي
لحد مايجي الموت
لسه الحياة تستاهل
نحارب فيها ونقاتل
ونستقتل ع الفرصة
نمسك فيها ونتبت
ونبني عليها احلامنا
لسه الحياة قدامنا
لسه هنفشل ياما
لسه هنبكي ياما
لسه هنحزن ياما
لكن في النهاية
هننجح في يوم
ونوصل لاخر السكة بالسلامة.

 

[امل مفقود]

تسلم الايادي ويعطيك العافية
ع طرحك
بانتظار المزيد

 

[الاكليل]

الله عليك اخي الرائع
جميلة حقيقه
اسعدني قلمك

اشكرك

 

[همس الروح]

جميلة اللهجة المصرية الشعبية

كل الشكر والتقدير والاحترام لك

سلمت يداك يا محمود