لماذا تفشل في إختيار الناس الصح ؟
حوار صريح جدآ جدآ
٠٠
لماذا تفشل في إختيار الناس الصح ؟
٠٠٠
أولاً : هل لأن الناس الصح بدأوا يبعدوا وينعزلوا عن الناس الفترة دي .
.بدأوا يتجنّبوا التعامل مع الغير ..
معذورين ..فقدوا المِصداقية
في اللى حواليهم ..
ثانيا : هل انت اتعوّدت تغفر للناس الغلط وتفوّت موقف ورا التاني ؛ تسامح كتير وتتحمّل فوق طاقتك
وهمّا بيلعبوا معاك لعبة "اللاّ مُبالاة " ..
ثالثاً : هل انت اتعوّدت تضّحي وتيجي على نفسك في سبيل إرضاء الشخص الغلط
وهو اتعوّد منّك العطاء ؛
فأنت جعلته في خانة " الأنانية "
بدون ما تقصد ..
رابعاً : هل التنازلات الكتير مِنّك طمّعت فيك الناس الغلط .؟
. اللى دايماً بيكونوا في حالة إنتظار لتنازلاتك ؟ ...
وطبيعي الناس الصح مش بتطمع في أيّ تنازلات لأنّهم بيكونوا ولاد أصول اوي ...كبريائهم وتربيتهم بتمنعهم إنّهم يفكّروا يستنزفوك ...
وحط ألف خط تحت كلمة " يستنزفوك " ...
لأن الإستنزاف ده انت اللى بتسمح بيه
من البداية مع الشخص الغلط ..
خامساً : و دي الأهم :
هل طِيبتك الزيادة أحياناً بتكون سبب في بلاءك ...ثقتك اللى بترميها على أي حدّ مجرّد إنه فتح لك نوافذه ؟؟....
النوافذ غير البيبان على فكرة ...
يعني ممكن تثق في حد و يفضل بالنسبة لك كتاب مقفول ..وقتها بتحسّ بالندم إنك منحته الثقة دي بمنتهى السهولة....
طيب والحل آيه من وجهة نظركم ؟
1_إنّك تتوقّع أي شئ من أيّ حد ..
2_تبطّل تنازلات ع الفاضي والمليان ..
3_تقللّ حجم دايرة الناس اللى تعرفهم ..
4_ما تبقاش عميق جداً في علاقاتك .
..في ناس كفاية عليهم كلمة
صباح الخير ..وانتهى
5_ حددّ بالضبط من البداية إنت هدفك ايه من أي علاقة تدخلها ...
ما تجرّبش كتير .
.لأن كتر التجارب هتخسرك
حاجات جوّاك ليها قيمة...
و ساعتها مفيش قدّامك
غير البُكاء على اللبن المسكوب ..؟
٠٠
أريد سماع أرائكم بكل صدق
في هذا الموضوع الهام جدآ
تقديري وآحترامي للجميع
متابعه أرائكم الهادفه بصمت
٠٠
٠٠٠
اسم الموضوع : لماذا تفشل في إختيار الناس الصح ؟
|
المصدر : منتدي النقاش و الحوار