ليتك تجي وتشوف حالي بلياك

[رااشد]

ياللي غيابك طال وأنا تحراك
حرمتني قربك وأنا ميت (ن) فيك
ليتك تجي وتشوف حالي بلياك
حالي يسُر عداي وشلون يرضيك؟
ليه البطا يانور عيني وانا اهواك
الله يصبرني عليك ويجازيك
تدّكر ايام (ن) مضت عشت وياك
ماكان همي وقتها غير اراضيك
طلبتني قلبي وانا قلت لك هاك
بعطيك قلبي واحفظه بين اياديك
ترعاه بعض احيان واحيان يرعاك
ياكبر حظ اللي بقلبه يراعيك
اسهر مع طيفك واعدد مزاياك
جلا جلال الخالق اللي مسويك
الله عطاك الزين مافيه حلياك
ماتعرف المكياج ربي محليك
جعلك بعد ذولا وذولا وذولااك
لو قلت لك بنساك ماني بناسيك
هاذي هواجيسي من الشوق تنخاك
ارفق على قلبي وخفف تغليك
تعالي يا المزيون والروح تفداك
حالي يسُر عداي وشلون يرضيك؟
م ن

 

[امل مفقود]

إنتقاء جميل .. وطرح راق لي .،
يعطيك العافية وسلمت اناملك ،
دمت بخير .،

 

[رااشد]

العفو امل
شاكر لك مرورك
دمتي بسسعاده لاتنتهي

 

[همس الروح]

نقل موفق واختيار جميل

شكرا لك رحال

احترامي وتقديري لك

 

[رااشد]

نقل موفق واختيار جميل

شكرا لك رحال

احترامي وتقديري لك

انرتي
مشرفتنا همس الروح
شاكر لك مرورك