مالا يفهمه الرجال
رأيت هذا أردت مناقشتكم فيه
ما رأيكم
ما لا يفهمه الرجال !.
بحر "الستات" واسع وغويط وغير قابل للتنبئ بأحواله وتقلباته وأحياناً بتبقي السباحة فية من دواعي الخطر !، لكننا جميعاً –كرجاله- ندعي إننا خبراء في العوم بجدارة.
والرجالة في (العوم) انواع.. فيه اللي لابس عوامة وبيعوم علي وش المياة وبياخدوا طيار علاقته بالست اللي في حياته مكان ما يروح فشلت علاقتهم او نجحت، ونوع أخر بيعمل زي مشهد الأطفال لما بيفتكروا إنهم بيعرفوا يعوموا وهم رجلهم لمسة الرملة وبيلعبوا علي الشط لكن لو دخل لجوة في بحر علاقته بست وإتعمق فيها بيغرق، ونوع أخير هو فعلاً بيعرف يعوم كويس ودة بينتهي بية الحال إنه بيتعب من كتر العوم او بيضيع جوة عاصفة أقوي منه وفي الحالتين البحر بيبلعه.
مُشكلتنا الكبري في مجتمعنا إن (ثقافة) الراجل ومعلوماته عن الجنس الأخر بيجيبها من موروثاتنا الدارجة والخبرات الغلط المتداولة بينا كذكور ومن كلام أصحابة ونصائح أبوه (اللي كان خاربها وهو في سنه) وأمثال السيدة الفاضلة والدته، لذلك هتلاقي تفكيرنا جميعاً كرجالة متشابه لحد الإستنساخ، ودة بياخدني لفكرة "ما لا يفهمه الرجال" عن الكائن اللي بيشاركه حياته علي هذا الكوكب.
ما لايفهمه الرجال هو إن الست نازلة من عند ربنا ب (سوفت وير) مختلف عنه كلياً ببساطة هو (عقله) اللي بيدي أوامر لقلبه ولكل حاجة فية عشان تشتغل وهي (قلبها) هو اللي بيقول لعقلها وكل حاجة فيها تشتغل ازاي وتعمل اية والأثنين عكس بعض تماماً ودة لحكمة من اللي خلقهم؛ ما لا يفهمه الرجال بل وبيرفضوا يصدقوه هو إن الست مخلوق (اذكي) من الراجل وقبل ما تقاوح أرجوك تأمل معايا كدة حدوتة أول راجل وست في التاريخ وازاي أقنعت راجل -زيي وزيك- يسيب (الجنة) وينزل يتفحت علي الأرض واحنا من بعده وكل دة.. بتفاحة !.. ما علينا؛ ما لايفهمه الرجال هو إن كل ست مخلوقة جواها الصفة ونقيضها يعني (عنيدة) بس تسمع كلامك لما تحترمها وتحبها، (قوية) بس ضعيفة قدام مشاعرها ليك عشان بتحبك مش عشان هي كائن ضعيف، عندها (قوة احتمال) وصبر طول ما انت بتقدر دة غير كدة مش هتلاقيها وانت وشطارتك تقدر تطلع اجمل مافيها وتاخده او اسوء ما فيها ويطلع عليك؛ ما لا يفهمه الرجال إن (مُخ) الست بطبيعته زحمة وبيفكر في عشرة مليون حاجة في وقت واحد ومعندهاش الأوبشن بتاع إنها تعمل (ترن أوف) لدماغها وتقعد بالساعات تفكر في الولا حاجة زينا وإن ذاكرتها بتخزن كل شئ بأدق تفاصيله وممكن تسمع لك عمايلك السودة والبيضه وكل خناقاتكم وأوقاتكم الحلوة باليوم والساعة بطريقة تحسسك بعجزك قدامها وساذج قوي الحقيقة الراجل اللي بيظن إن في ست ممكن تنساله حاجة او تنسي عموماً؛ ما لا يفهمه الرجال نهائي هو إن مفيش ست بتقبل تتحب بس بشرط.. تخس، تتحجب او تقلع الحجاب، تسيب الشغل، تقطع مع أصاحبها، ماتقولش لأ، الخ.. وعايز تعرف انت بتحب واحدة بجد او لأ شوف انت بتقبلها وبتحبها في كل احوالها وبكل اوضاعها وبطبيعتها زي ما هي كدة ولا بتحبها تفصيل علي مقاس دماغك؛ ما لا يفهمه الرجال هو الفرق بين (خوف) الست منه او حتي تكبير دماغها تجنباً للنكد والمشاكل وبين إحترامها الحقيقي لي وفي مننا بيتباهي بخوف الست منه مُدعي إنها كدة بتحترمه ولا يعلم الراجل عادةً الفرق الكبير بين واحدة بترضية عشان بتحبه وبين اللي بتهاودة وبتاخده علي قد عقله؛ ما لا يفهمه الرجال -المتجوزين تحديداً- هو إن معدل شعور الست (بضغوط الحياة) ضعف الراجل برة البيت وأربع أضعافه جوة البيت (ودي دراسة حقيقية موجودة) فافضلاً بقي وليس أمراً (زُق) معاها الحياة عشان تمشي؛ ما لا يفهمه الرجال –ودول كتير جداً- إن الست يوم ما تحب تمشي هاتمشي لو إتهد العالم من حواليها لكن برضه الست مابتمشيش غير بعد مليون جرس إذار وألف محاولة لإنقاذ الحب قبل يموت؛ ما لا يفهمه الرجال بالمخصتر المفيد إن الست عندها تعمل اي حاجة إلا إنك تهوب ناحية كرامتها هي في كرامتها مابتهزرش ودة درس بيفهمه الراجل تملي بعد فوات الأوان؛ ما لا يفهمه الرجال هو إن تسعة وتسعين في المية من علاقة الست بيه قائمة علي (ثقتها فيه) مش حبها لي زي ما احنا فاهمين لذلك هي ممكن تقع في حبك في شهر بس تاخد سنين عشان تثق فيك وقد لا تثق في النهاية وتقولك خد باب قلبها في إيديك وإتفضل من حياتها؛ ما لايفهمه الرجال وكتير بيبقي سبب شكوتنا هو إن الست بتلاقي متعة وسعادة كبيرة في الكلام (هاكون مؤدب ومش هاقول رغايين) لكن الست بتحب تشارك مشاعرها وأفكارها وأحداث يومها وأكبر مطلب لكل ست هو حد يسمعها بإهتمام فقط ودة اللي عمرنا مافهمناه ولا هانفهمه؛ ما لا يفهمه الرجال هو إن تقلبات الست النفسية و(موودها) عامل زي الجو انت ماتقدرش تتحكم في تغيراته ولا تثبته علي حال أوقات هيبقي الجو حلو والشمس طالعة وأوقات هيبقي مطر وعواصف وممكن تقلب تسونامي ياخدك في وشه ودي حاجة ولا أجدع راجل يقدر يتوقعها او يتحكم فيها فاريح نفسك؛ ما لا يفهمه الرجال هو أهمية ( لون شعر) الست في حياتها -وانا كنت زيك- وقد اية فرق بسيط في درجة لون ما يفرقهاش أعظم خبير الوان او قصة شعر جديدة ممكن تفرق في مزاجها وحالتها النفسية ودرجة ثقتها في نفسها والعكس يقدر يحطها في اسوء حالاتها والاسوء من كل دة هو عدم ملاحظة الأعمي مننا هذة التفاصيل وتعبيره عن اعجابه بيها حتي لو مش شايف اي فرق.. عاديها !؛ ما لا يفهمه الرجال هو إن (الروتين) والملل عند الست بيقتل الحب برصاصة في دماغه والجنان واللحظات الحلوة اللي مش محسوبة ممكن يخلوا الرصاصة دي تقلش والحب يعيش؛ ما لا يفهمه الرجال هو إن الست بتتعامل بمبداء (الكيف) مش بالكم يعني وردة واحدة ليها نفس تأثير بوكية ورد بحاله المهم عندها مش انت بتعمل اية لكن بتعمله ازاي وصادق فيه او لأ وكذلك أخطائك فمجرد نظرة او كلمة عابرة لست أخري مثلاً هاتبقي طول عمرك عينك زايغة وخاين بطبعك حتي لو انت نظيف ومالكش سوابق معاها.
عزيزي الراجل.. الست طول الوقت بتقييم مشاعرها وأفعالها وعلاقتها بيك وبتديلها (نُقط).. نقط لاد اية بتحبك ؟، اد اية بتهتم بيك ؟، اد اية عارفة اللي بتحبه واللي بيسعدك ؟، اد اية بتضحي عشان العلاقة وعشانك ؟.. والمشكلة بتيجي من هنا بين الأثنين أول ما الست بتبداء تحسب مجموع نقطها ويطلع أكبر من مجموع نقط اللي حصل عليها الراجل اللي معاها دة لو ماخدش (صفر) يعني، ملخص القصة كلها هي إنك تفهم إن الأهم من إنك تكون بتحبها إنك تعرف تخليها هي تحبك.
ما رأيكم
ما لا يفهمه الرجال !.
بحر "الستات" واسع وغويط وغير قابل للتنبئ بأحواله وتقلباته وأحياناً بتبقي السباحة فية من دواعي الخطر !، لكننا جميعاً –كرجاله- ندعي إننا خبراء في العوم بجدارة.
والرجالة في (العوم) انواع.. فيه اللي لابس عوامة وبيعوم علي وش المياة وبياخدوا طيار علاقته بالست اللي في حياته مكان ما يروح فشلت علاقتهم او نجحت، ونوع أخر بيعمل زي مشهد الأطفال لما بيفتكروا إنهم بيعرفوا يعوموا وهم رجلهم لمسة الرملة وبيلعبوا علي الشط لكن لو دخل لجوة في بحر علاقته بست وإتعمق فيها بيغرق، ونوع أخير هو فعلاً بيعرف يعوم كويس ودة بينتهي بية الحال إنه بيتعب من كتر العوم او بيضيع جوة عاصفة أقوي منه وفي الحالتين البحر بيبلعه.
مُشكلتنا الكبري في مجتمعنا إن (ثقافة) الراجل ومعلوماته عن الجنس الأخر بيجيبها من موروثاتنا الدارجة والخبرات الغلط المتداولة بينا كذكور ومن كلام أصحابة ونصائح أبوه (اللي كان خاربها وهو في سنه) وأمثال السيدة الفاضلة والدته، لذلك هتلاقي تفكيرنا جميعاً كرجالة متشابه لحد الإستنساخ، ودة بياخدني لفكرة "ما لا يفهمه الرجال" عن الكائن اللي بيشاركه حياته علي هذا الكوكب.
ما لايفهمه الرجال هو إن الست نازلة من عند ربنا ب (سوفت وير) مختلف عنه كلياً ببساطة هو (عقله) اللي بيدي أوامر لقلبه ولكل حاجة فية عشان تشتغل وهي (قلبها) هو اللي بيقول لعقلها وكل حاجة فيها تشتغل ازاي وتعمل اية والأثنين عكس بعض تماماً ودة لحكمة من اللي خلقهم؛ ما لا يفهمه الرجال بل وبيرفضوا يصدقوه هو إن الست مخلوق (اذكي) من الراجل وقبل ما تقاوح أرجوك تأمل معايا كدة حدوتة أول راجل وست في التاريخ وازاي أقنعت راجل -زيي وزيك- يسيب (الجنة) وينزل يتفحت علي الأرض واحنا من بعده وكل دة.. بتفاحة !.. ما علينا؛ ما لايفهمه الرجال هو إن كل ست مخلوقة جواها الصفة ونقيضها يعني (عنيدة) بس تسمع كلامك لما تحترمها وتحبها، (قوية) بس ضعيفة قدام مشاعرها ليك عشان بتحبك مش عشان هي كائن ضعيف، عندها (قوة احتمال) وصبر طول ما انت بتقدر دة غير كدة مش هتلاقيها وانت وشطارتك تقدر تطلع اجمل مافيها وتاخده او اسوء ما فيها ويطلع عليك؛ ما لا يفهمه الرجال إن (مُخ) الست بطبيعته زحمة وبيفكر في عشرة مليون حاجة في وقت واحد ومعندهاش الأوبشن بتاع إنها تعمل (ترن أوف) لدماغها وتقعد بالساعات تفكر في الولا حاجة زينا وإن ذاكرتها بتخزن كل شئ بأدق تفاصيله وممكن تسمع لك عمايلك السودة والبيضه وكل خناقاتكم وأوقاتكم الحلوة باليوم والساعة بطريقة تحسسك بعجزك قدامها وساذج قوي الحقيقة الراجل اللي بيظن إن في ست ممكن تنساله حاجة او تنسي عموماً؛ ما لا يفهمه الرجال نهائي هو إن مفيش ست بتقبل تتحب بس بشرط.. تخس، تتحجب او تقلع الحجاب، تسيب الشغل، تقطع مع أصاحبها، ماتقولش لأ، الخ.. وعايز تعرف انت بتحب واحدة بجد او لأ شوف انت بتقبلها وبتحبها في كل احوالها وبكل اوضاعها وبطبيعتها زي ما هي كدة ولا بتحبها تفصيل علي مقاس دماغك؛ ما لا يفهمه الرجال هو الفرق بين (خوف) الست منه او حتي تكبير دماغها تجنباً للنكد والمشاكل وبين إحترامها الحقيقي لي وفي مننا بيتباهي بخوف الست منه مُدعي إنها كدة بتحترمه ولا يعلم الراجل عادةً الفرق الكبير بين واحدة بترضية عشان بتحبه وبين اللي بتهاودة وبتاخده علي قد عقله؛ ما لا يفهمه الرجال -المتجوزين تحديداً- هو إن معدل شعور الست (بضغوط الحياة) ضعف الراجل برة البيت وأربع أضعافه جوة البيت (ودي دراسة حقيقية موجودة) فافضلاً بقي وليس أمراً (زُق) معاها الحياة عشان تمشي؛ ما لا يفهمه الرجال –ودول كتير جداً- إن الست يوم ما تحب تمشي هاتمشي لو إتهد العالم من حواليها لكن برضه الست مابتمشيش غير بعد مليون جرس إذار وألف محاولة لإنقاذ الحب قبل يموت؛ ما لا يفهمه الرجال بالمخصتر المفيد إن الست عندها تعمل اي حاجة إلا إنك تهوب ناحية كرامتها هي في كرامتها مابتهزرش ودة درس بيفهمه الراجل تملي بعد فوات الأوان؛ ما لا يفهمه الرجال هو إن تسعة وتسعين في المية من علاقة الست بيه قائمة علي (ثقتها فيه) مش حبها لي زي ما احنا فاهمين لذلك هي ممكن تقع في حبك في شهر بس تاخد سنين عشان تثق فيك وقد لا تثق في النهاية وتقولك خد باب قلبها في إيديك وإتفضل من حياتها؛ ما لايفهمه الرجال وكتير بيبقي سبب شكوتنا هو إن الست بتلاقي متعة وسعادة كبيرة في الكلام (هاكون مؤدب ومش هاقول رغايين) لكن الست بتحب تشارك مشاعرها وأفكارها وأحداث يومها وأكبر مطلب لكل ست هو حد يسمعها بإهتمام فقط ودة اللي عمرنا مافهمناه ولا هانفهمه؛ ما لا يفهمه الرجال هو إن تقلبات الست النفسية و(موودها) عامل زي الجو انت ماتقدرش تتحكم في تغيراته ولا تثبته علي حال أوقات هيبقي الجو حلو والشمس طالعة وأوقات هيبقي مطر وعواصف وممكن تقلب تسونامي ياخدك في وشه ودي حاجة ولا أجدع راجل يقدر يتوقعها او يتحكم فيها فاريح نفسك؛ ما لا يفهمه الرجال هو أهمية ( لون شعر) الست في حياتها -وانا كنت زيك- وقد اية فرق بسيط في درجة لون ما يفرقهاش أعظم خبير الوان او قصة شعر جديدة ممكن تفرق في مزاجها وحالتها النفسية ودرجة ثقتها في نفسها والعكس يقدر يحطها في اسوء حالاتها والاسوء من كل دة هو عدم ملاحظة الأعمي مننا هذة التفاصيل وتعبيره عن اعجابه بيها حتي لو مش شايف اي فرق.. عاديها !؛ ما لا يفهمه الرجال هو إن (الروتين) والملل عند الست بيقتل الحب برصاصة في دماغه والجنان واللحظات الحلوة اللي مش محسوبة ممكن يخلوا الرصاصة دي تقلش والحب يعيش؛ ما لا يفهمه الرجال هو إن الست بتتعامل بمبداء (الكيف) مش بالكم يعني وردة واحدة ليها نفس تأثير بوكية ورد بحاله المهم عندها مش انت بتعمل اية لكن بتعمله ازاي وصادق فيه او لأ وكذلك أخطائك فمجرد نظرة او كلمة عابرة لست أخري مثلاً هاتبقي طول عمرك عينك زايغة وخاين بطبعك حتي لو انت نظيف ومالكش سوابق معاها.
عزيزي الراجل.. الست طول الوقت بتقييم مشاعرها وأفعالها وعلاقتها بيك وبتديلها (نُقط).. نقط لاد اية بتحبك ؟، اد اية بتهتم بيك ؟، اد اية عارفة اللي بتحبه واللي بيسعدك ؟، اد اية بتضحي عشان العلاقة وعشانك ؟.. والمشكلة بتيجي من هنا بين الأثنين أول ما الست بتبداء تحسب مجموع نقطها ويطلع أكبر من مجموع نقط اللي حصل عليها الراجل اللي معاها دة لو ماخدش (صفر) يعني، ملخص القصة كلها هي إنك تفهم إن الأهم من إنك تكون بتحبها إنك تعرف تخليها هي تحبك.
اسم الموضوع : مالا يفهمه الرجال
|
المصدر : منتدي النقاش و الحوار
👩🦰👩
