-
- إنضم
- 6 يناير 2022
-
- المشاركات
- 25,028
-
- مستوى التفاعل
- 11,555
- مجموع اﻻوسمة
- 13
محن السره
مِحَن السُرّة
السُرة بت الباهي قامت نص الليل فَقَعتها صرخة و تكورك
واي سجمي و سجم خشمي انا الحقيني يا يُمَّه
يا أبوي الباهي الحقني
أنا بموت و تكورك و تولول الفريق كلو صحى الجيران جو مطفرين بالحيطة الشفع صحوا من النوم و البت طقت الكوراك صحت القريه كلها
و تعال شوف الشايل ليهو لمبة و الشايل بطارية و الأعمى شايل المكسر الناس إتخمخموا و جو نص الليل حوش الباهي اتملا ناس
أبوها جاء جاري ولّع فيها البطارية مالك يا بت بسم الله قالت ليهو يدي فيها حاجه زي الجمره كشف البطارية لقاها ليك عقرب كبيرة قرصت السرة بت الباهي و تعال شوف أبوها كتل العقرب و ساقها و داها لي شيخ عصام ود النعمة و شيخ عصام ده شدة ما وجيه مكسر بنات الفريق كلهن زول ما شاء الله طويل و أصفر زي منقة شندي و متعلم و راقي خلاس و السرة بت الباهي بتحبه حب جنوني عديل لكن بي قلبها ساي زول عارفها ماف و هي زاتها السرة عسل بس فايتة البنات في السماحة ما ياها البيضاء أم عيوناً كبار و الشعر ده حده الضهر
بس شيخ عصام بدأ يقرأ ليها و مسك إيدها مكان العقرب السرة سكتت ساي تقول صبت فوقها مطره
و كل ما شيخ عصام يزح يده وااااي تكورك، شيخ عصام يمسك يدها السرة تسكت!! عاد سويتيها واضحة يا السرة
ابوها حاج الباهي اتضايق بالحيل لكن سكت قال خليه أعالج البت و نشوف اخر المسأله شنو
و بقوا كل ما شيخ عصام يزح يده السرة تكورك وكل ما يختها تسكت
المهم العقرب بردت شويه السرة بقت تتبسم لي شيخ عصام و تتكشم زي نار القصب
شيخ عصام عجبته السرة بالحييييل قامت السرة قالت ليه بالراحة
تعرف يا شيخ عصام أنو أنا جبته العقرب براي وختيتها جمبي وقعدت أكورك
شيخ عصام لا حولا ولا قوة الا بالله لي شنو يا السرة عذبتي الناس ديل كلهم و صحيتي الحلة كلها
السرة: هي نان أنت معذبني أنا و حاميني النوم ناس الحلة النايمين لها شنو!؟
شيخ عصام كورك لي حاج الباهي قاليهو بتك بقت كويسة
قام حاج الباهي غمت ليهو قروش شيخ عصام حلف ما يشيل قرش عمك الباهي إتكيف منه شديد و شكره و ساق بتو وأي زول مشي نام
اليوم التاني شيخ عصام جاء خطب السرة من أبوها واداها ليهو و الجمعة العقد
السرة قالت لي شيخ عصام لو ما جيت لي أبوي الليلة أو باكر فكرت أجيب لي دابي أنومو جمبي !! قاليها مجنونة إنتِ بتعمليها
.
منقول
السُرة بت الباهي قامت نص الليل فَقَعتها صرخة و تكورك
واي سجمي و سجم خشمي انا الحقيني يا يُمَّه
يا أبوي الباهي الحقني
أنا بموت و تكورك و تولول الفريق كلو صحى الجيران جو مطفرين بالحيطة الشفع صحوا من النوم و البت طقت الكوراك صحت القريه كلها
و تعال شوف الشايل ليهو لمبة و الشايل بطارية و الأعمى شايل المكسر الناس إتخمخموا و جو نص الليل حوش الباهي اتملا ناس
أبوها جاء جاري ولّع فيها البطارية مالك يا بت بسم الله قالت ليهو يدي فيها حاجه زي الجمره كشف البطارية لقاها ليك عقرب كبيرة قرصت السرة بت الباهي و تعال شوف أبوها كتل العقرب و ساقها و داها لي شيخ عصام ود النعمة و شيخ عصام ده شدة ما وجيه مكسر بنات الفريق كلهن زول ما شاء الله طويل و أصفر زي منقة شندي و متعلم و راقي خلاس و السرة بت الباهي بتحبه حب جنوني عديل لكن بي قلبها ساي زول عارفها ماف و هي زاتها السرة عسل بس فايتة البنات في السماحة ما ياها البيضاء أم عيوناً كبار و الشعر ده حده الضهر
بس شيخ عصام بدأ يقرأ ليها و مسك إيدها مكان العقرب السرة سكتت ساي تقول صبت فوقها مطره
و كل ما شيخ عصام يزح يده وااااي تكورك، شيخ عصام يمسك يدها السرة تسكت!! عاد سويتيها واضحة يا السرة
ابوها حاج الباهي اتضايق بالحيل لكن سكت قال خليه أعالج البت و نشوف اخر المسأله شنوو بقوا كل ما شيخ عصام يزح يده السرة تكورك وكل ما يختها تسكت
المهم العقرب بردت شويه السرة بقت تتبسم لي شيخ عصام و تتكشم زي نار القصب
شيخ عصام عجبته السرة بالحييييل قامت السرة قالت ليه بالراحة
تعرف يا شيخ عصام أنو أنا جبته العقرب براي وختيتها جمبي وقعدت أكورك
شيخ عصام لا حولا ولا قوة الا بالله لي شنو يا السرة عذبتي الناس ديل كلهم و صحيتي الحلة كلها
السرة: هي نان أنت معذبني أنا و حاميني النوم ناس الحلة النايمين لها شنو!؟
شيخ عصام كورك لي حاج الباهي قاليهو بتك بقت كويسة
قام حاج الباهي غمت ليهو قروش شيخ عصام حلف ما يشيل قرش عمك الباهي إتكيف منه شديد و شكره و ساق بتو وأي زول مشي نام
اليوم التاني شيخ عصام جاء خطب السرة من أبوها واداها ليهو و الجمعة العقد
السرة قالت لي شيخ عصام لو ما جيت لي أبوي الليلة أو باكر فكرت أجيب لي دابي أنومو جمبي !! قاليها مجنونة إنتِ بتعمليها
. منقول
اسم الموضوع : محن السره
|
المصدر : القصص المنقولة
