مدونتي اكتب اليك ياملاكي

[ندى الورد]

نورت مجددا نزاري الحرف

 

[مجيد السيد]

اطلب عليه وكول

موتدري يلمدلل

ماردلك طلب خالي

وبالك تذل الروح

وترخص دمعة أعيونك

مو دمعك علي غالي

مااتبع جدم غيرك

وغير ضحكاتك الحلوة

أبد ماضحكة تحلالي

صارت أطيوفك مثل ظلي

وبطول الوكت وياي

مو بس بليل تبرالي

وأحن ليك وأنته يمي

وأبد ماأرتوي منك

وظل عطشان للتالي

اأطلب كلي كدامك

اعز شي عندي هاي الروح

وماتغلى الروح علغالي

من مدة وانه مهموم

والحزن صاير صديقي

أجيت وغيرت حالي

جنت اكولن مات الشوك بعروكي

وميهزني بحر من الحنين

وطحت مابين روجك العالي

وجنت عايش بلاوهام

ومن عرفتك ياحياتي

كلشي انزاح من بالي

عندي يمك طلب واحد

لو اتصير كل دنياي

لو اتصير جتالي

وانته اطلب كلي كدامك

اعز شي عندي هاي الروح

وماتغلى الروح علغالي

بقلمي

مجيد السيد

 

[مجيد السيد]

نورت مجددا نزاري الحرف

منور بوجودك يا اميرة الحرف والكلمة
تحياتي ومودتي

 

[مجيد السيد]

مو كلمن يسولف غزل
ينحسب عاشك
ولاكل التريدة الروح
اتناله ابسهوله
ادري بطريق العشك وعر
وبيه اسلاك والغام
راح امشي الدرب
لو مفلس ارد
لو انوله
حبيبي لو غبت
لحظات عني
تصير العين حيرانة
والجلمات مشلوله
اظن غاب المرح
بينة من زمان
وما اظن تسمع بعد
بلديرة هلهوله
تعال رادسني حبيبي
وبشوفتك خل تتكحل العين
بوجودك روحي تتورد
وبغيابك روحي مشلوله
تعال انسولف غزل
بس بلعيون
اللسان انعكد
والضحكات بشفافي
خجوله
يل بيك ملتمة
احلى الصفات
حنين وشهامة
وطيب وجلمات
معدوله
ويل سهمك
صوب الدلال صدفة
وصار حبك شتله
وبنص الكلب مزروعة
مشتوله
لو ليله عني تغيب
جنهه عشر اسنين
واه من ليل غيابك
اشثكله اشطوله
ياحبيبي
وياحياتي
وياحلم عمري
مني تزعل
عني ترحل
تنساني معقوله؟
بوجودك روحي تتورد
وبغيابك روحي مسلوله
تنساني معقوله
تنساني معقوله
تنساني معقوله؟
بقلمي
مجيد السيد

 

[مجيد السيد]

اه لو تعلمين

كم اشتاق اليك

في غيابك

وفي غيابك

كم يقتلني

الحنين

وفي غيابك

تمر الساعات والدقائق

صعبة وبطيئة

كانها شهور

وسنين

واقضي ساعات الليل

الطويل

بألم وبكاء

وانين

اولا تعرفين

انني اعشقك

او لا تعرفين؟؟!!

لن اقول لك

احببتك بجنون

ف حبي اليك

اعمق

واوسع

ولن اناديك

ب (اميرتي)

فمقامك عندي اعلى

وارفع

مابين عينييك

وعلى شفتيك

ساكتب حروفي وقبلاتي

اطبع

وساترك على شفتيك اثرا

لن يستيطيعوا ازالته

اطباء العالم

اجمع

قلبي اطهر من

الطهر

وثوبي من البياض

انصع

عندما احادثك

تهرب الكلمات مني

ومن محادثتك

لن ولن

اقنع

عندما يمسك سوء

في محراب عينيك

اصلي

والى الاله

اتضرع

وقلبي يتالم لآلمك

وعيوني ك..جريان

النهر

تدمع

لاتشكريني على مواقفي

ف كل ما اريده

كلمة احبك

اسمع

بقلمي

مجيد السيد

 

[مجيد السيد]

كم وكم اتمنى ان تبقى الابتسامة على شفتيك

اني على استعداد شراء تلك الابتسامة لكِ حتى

لو كلف الامر حياتي.

مجيد السيد

 

[مجيد السيد]

ابتسمي

كلما ارى بياض اسنانك واحمرار شفتيك وعطر

انفاسك

اتذكر نعيم الجنة .

مجيد السيد

 

[مجيد السيد]

يبو طول الحلو ومجنن اهل الشام


تدري ليش انته حلو جي لنك انته خام


مخبوط جبن وعسل والرمش يمكن جام


من كتلك انته البدر صدكني مو اوهام


محبوب من البشر وتحبك الاصنام


هم بيك مرة التقي وتتحقق الاحلام


اشلون اوصل الك ومزروعة بيك الغام


مبخوت ابيع العمر واخذلي بيك اعدام


تتجادح اعيونك جدح وترمي نبل وسهام


تستاهل انته صدك تنتحر بيك ازلام


تدري انته لو من ذهب بمليار كل غرام


بقلمي

مجيد السيد

 

[مجيد السيد]

في الروح مشاعر واحاسيس لو اخرجت للعلن
لنظم الشعراء دوواين غزل تبهر وتسر الناظرين
مجيد السيد

 

[مجيد السيد]

جرح الجسد يتضمد ابساع
بس جرح الكرامة اشلون يتضمد
مجيد السيد

 

[مجيد السيد]

كنت احلم
اصبح قيس زماني
وعندما كبرت
بحثت عن ليلى
والبحث جدا اعياني
ليلى ماهي الا حلم
وحلمي مات في الوجداني
لم اجد ليلى
قد اجدها في عالم ثاني؟؟
مجيد السيد

 

[مجيد السيد]

بحثت عنها في كل مكان
سالت عنها الشجر والاغصان
قالوا لاتفتش عنها
ليلاك ماتت من زمان
لا تتعب روحك
البحث عن ليلى
لاياتيك الا بالاحزان
سالت روحي مرات
وسالت قلبي مرات
هل التقيتم ب ليلى
اتتني منهما
نفس الاجابات
ليلى ماتت
منذ زمن الخواجات
واغرب مافي الامر
ان موت ليلى
اكدته العرافات
مجيد السيد

 

[ملاك الحب]

مدونة رائعة
والمعذرة على التطفل