من أين نبدأ طريق الألف ميل ؟
٠٠٠٠٠
مشوارنا بدايته فين ؟
٠٠٠ عايشين حياه غير الحياه
بيسألونا الف سؤال
وفي القلب وجع وآآه
أحزان وهموم كتيره
والكل من الحيره تاه
الشباب فينا شاب
وأسئله ملهاش جواب
ما تسألوش عن عمرنا بالسنين
ولا بالحساب
إسألونا كم سنه من عمرما
ضاعت سراب ؟
ماتسالوش أيه أحلامنا
إسألونا مين سرق عمرنا
وعيشنا في حيره وعذاب
ما تسألوش
وصلنا للتعليم لغاية فين
إسألونا كام متعلم
إتقفل في وشه الف باب
ما تسألوش أمتى تفرحوا بينا
وهي الفرحه فين؟
إحنا هنكمل سنين عمرنا
بحنين المحرومين
ماتسالوش أتعلمنا ايه من الحياه
ومن السنين؟
إحنا جيل من يوم ولادته
في الحياه متغربين
جينا في أيام صعبه وحياه قاسيه
وقالوا علينا جيل الفاشيلين
عرفونا ياأهل العلم وأهل الخير
من أين نبدأ طريق الألف ميل
٠٠
٠٠ بقلمي ✍
اسم الموضوع : من أين نبدأ طريق الألف ميل ؟
|
المصدر : أرشيف الخواطر القديمة
