مو كلمن يسولف غزل ينحسب عاشك

[مجيد السيد]

مو كلمن يسولف غزل
ينحسب عاشك
ولاكل التريدة الروح
اتناله ابسهوله
ادري بطريق العشك وعر
وبيه اسلاك والغام
راح امشي الدرب
لو مفلس ارد
لو انوله
حبيبي لو غبت
لحظات عني
تصير العين حيرانة
والجلمات مشلوله
اظن غاب المرح
بينة من زمان
وما اظن تسمع بعد
بلديرة هلهوله
تعال رادسني حبيبي
وبشوفتك خل تتكحل العين
بوجودك روحي تتورد
وبغيابك روحي مشلوله
تعال انسولف غزل
بس بلعيون
اللسان انعكد
والضحكات بشفافي
خجوله
يل بيك ملتمة
احلى الصفات
حنين وشهامة
وطيب وجلمات
معدوله
ويل سهمك
صوب الدلال صدفة
وصار حبك شتله
وبنص الكلب مزروعة
مشتوله
لو ليله عني تغيب
جنهه عشر اسنين
واه من ليل غيابك
اشثكله اشطوله
ياحبيبي
وياحياتي
وياحلم عمري
مني تزعل
عني ترحل
تنساني معقوله؟
بوجودك روحي تتورد
وبغيابك روحي مسلوله
تنساني معقوله
تنساني معقوله
تنساني معقوله؟
بقلمي
مجيد السيد

 

[رحال]

كلمات جمييله
اخ مجيد وذائقه راقيه
جدا تسسلم الايادي
بارك الله بك ننتظر
جديدك

 

[همس الروح]

جميلة جدا

مجيد السيد

قلمك جذاب ومميز

احترامي وتقديري لك ولقلمك

 

[ريم]

طرح رآقي گ روحـگ
لآعدمنا جمآل ذآئقتگ
وبآنتظار جديد آبداعكگ دائمآ
ودي لك​