مين يبغى رقم ابو صالح 🤣😁

[الصخري g]

‏واحد تزوج زوجة ثانيه في إحدى مناطق المملكه عن طريق ربعه ( أصحابه) اللي سبقوه في هالموضوع

وكل اسبوع يقول لزوجته الاولى: رايح عند الحلال( يعنى الجمال و الغنم ) وبعيد شوي

يوم جاء الربيع قالت زوجته نبي نروح نشوف الحلال
قال: ابشري

راح لربعه( لأصحابه ) قال: وهقتوني ( ورطونى )، ما عندي حلال وش اسوي؟

قالوا :ما يهمك هذا تلفون أبوصالح كلمه يرتب الموضوع .

كلم ابو صالح قاله ؛ انا من طرف فلان

قال ابوصالح : وصلت
، وابشر بالخير انت رقمك ١٧

و نبي 500 ريال اتعاب فزعه
قال: بسيطه وعطاه الفلوس

ابو صالح جهز الخطة وارسل له الموقع

وجاء مع زوجته وعيالهم الصغار للمخيم ،
و السوداني حافظ دوره

يقول: تفضل يا عم ترى الناقة الفلانية ولدت والبعير طاب من مرضه والعلف اللي جبته ماخلص.

والزوجة تسمع قالت : الله يبارك لك في حلالك

ناموا في المخيم
، والسوداني عارف شغله

يوم جاء الصباح جاب كم حيه وكم عقرب في يده

قال لعمه اليوم اقل شي ما ذبحنا الا 5 حيات وعشرين عقرب

قالت زوجته :وبعد مخلينا ننام هنا ولا عاد اجي المخيم خلك انت وحلالك
قم رجعني انا وعيالي للبيت ولا تطري علي مرة ثانيه نجي هنا

بيض الله وجيه ربعه وابوصالح والسوداني وكل ذا بخمسميه ريال

 

[ندى الورد]

هههههههههه
وربي ضحكت من قلبي الله يسعدك
ابن عمي ...اكيد الرجال يبغوا ابو صالح

 

[الصخري g]

هههههههههه
وربي ضحكت من قلبي الله يسعدك
ابن عمي ...اكيد الرجال يبغوا ابو صالح

دوم الضحكه يا رب بنت عمي ندو
لما اتزوج إن شاء الله تعالى بوخذ رقم ابو صالح، بلزم

 

[ندى الورد]

دوم الضحكه يا رب بنت عمي ندو
لما اتزوج إن شاء الله تعالى بوخذ رقم ابو صالح، بلزم

اجل طلعت منهم هخخخخخ

 

[الصخري g]

اجل طلعت منهم هخخخخخ

مزح بنت عمي
الله يسامحك
بحطها في عيوني
وبربطها جنبي مثل الميداليه وين ما اروح

 

[امل مفقود]

يعطيك العافية و تسلم الايادي
على هذا الطرح الجميل
في انتظار لكل جديدك دوما

 

[الصخري g]

يعطيك العافية و تسلم الايادي
على هذا الطرح الجميل
في انتظار لكل جديدك دوما

الله يعافي بدنك ودينك
ربي يسلمك ويسعد قلبك دوم
اشكر مرورك العطر