هذيان عقل ومراعاة قلم .. مستمرة مفتوح للكل ميت اهلا وسهلا

[Alexandera]

؟!
.
.
.
احيانا او لو نقول أغلب الأحيان بنتوقع كتير ونحنا بنعرف انو مرح يصير
بنستنى من غيرنا المستحيل ونحنا متأكدين انو شو مصار مرح يحصل
بنتأمل انو مع الأيام او الشهور او حتى السنين يتغير ومبتغير
وبنضل والحمد لله نرجو ومبينقطع عنا الرجا
وبيضل الحال حالهم زي مهوا بيضلو
يكسرو ويجرحو ويخربو

المشكلة مو هون المشكلة انا بنعرف انو مرح يحصل ولا رح يصير ولا عمرو رح يتغير
ولما نخوضو وننكشم بالآخر بنزعل وبيحز عنا بالخاطر
طيب مرة وتنتين وتلاتة ليش كمان بالرابعة بنزعل
كتير بنقول الناس بتتغير بس لأ احنا بنتأمل
كل شي بضل زي مهوا واللي فيه خصلة لو شو مصار مرح تتغير
بعرف بيحاول يغير بس مستحيل يتغير


وبالأخير بقول مجرد اوهام


.
.
.


موضوع مفتوح لخواطركم بخط القلم حياكم


يسعد مسى الغالين بكل خير

تحياتي " Alexandera "

 

[جنة المنتدى]

مجرد أوهام نعطي الفرص كثيرآ
ونعيش مع الذكرى والآحلام
مجرد أوهام نشتاق ونسهر ونحتار
وفي النهايه لاشئ ياقلبي يغير الأقدار

٠٠٠

مساحه رائعه آختي النشيطه
مساء الجمال

٠٠

 

[LioN KinG]

مساء طيب وعطر بذكر الله

 

[ندى الورد]

مساحة لامستني ياااقمر

الامل في الله تعالى تصدقي يادرة

بنحاول ننقنع نفسنا اننا راح نتغير

وراح يتغيروا مع الزمن ولكن نوصل لنقطة الاوهي لاهم تغيروا ولااحنا تغيرنا ......ونترك الامر مفتوح

 

[ندى الورد]

اقنع نفسي مرارا وتكرارا انني

سوف اتغير واصبح قاسية امامك

ولكن سرعان ماسلم بمجرد طيفك

ياتي كبرق صاعق في مخيلتي

اذرف دمعه كانت متحجرة سنين

ولكن تخونني الدمعه وتنزل

 

[ندى الورد]

العقل احيانا يصاب بالهذ يان

والقلب يصاب بالعمى ويستسلم عندما يراااك

 

[ندى الورد]

صباح يشوبه شيى من الضبابية

اتمنى تشرق شمسي قريبا

ويزول ذاك الضباب

وظني بالله قوي ان سيتغير كل شيى الى االافضل

 

[Alexandera]

بتمر وتمر الأيام ولساتنا عنفس الحال

لاعدو قرب ولا قريب عنو عداوتو بطل

.
.
.

وبعد مرور الوقت

ومع طول هالأيام

وعلى حلاوة هالعشرة

وجدت انو الإبتعاد احسن طريق

بس في عندي شوي حكيات بدي وصلهم


لما تحاكي حدا وتندمج معو بالحكي

وتحب حكياتو بعدا تصير تستنى الوقت ياللي رح تحاكيه فيه

ابدأ لتظن انو هوا بحس زيك

مكل قلوب البشر عبعضها

البعض بكون متاقل وصابر عليك

ومهما حاول يخفى سبحان الله بتبين

والبعض وقت متكون موجود بيضل يتملق

ولما تغيب عنك بشي مبسأل

واللي بوجعو القلب أكتر ..

ياللي بيجبرو حالهم يحاكوك وبيضلو يجاملو

.

.

.

بنمشي بهالحياة وياكتر متجرحنا وبنعدي

لكن كتير صعبة لما تكون من شخص غالي عليك بتعزو


..بالأخير برجع وبقول افضل صديق لإلك ذاتك..


​

 

[Alexandera]

عمرو الحياة موقفت عشخص
الحياة اخد وعطى
يا كتر مظنون لإلنا تخيب
ويا كتر ما الأمل عنا بمل
بس بنمر وبنرجع نبتسم
بدي اعرف .. ؟!
ليش طيب بنزعل
مدام بنعرف نعدي ونمسح
ليش منجلد قلوبنا
ونعدم احاسيسنا .. ؟!
برجع اقول..
بس لأ هيك مانو منيح ..
طيب ليش مانو منيح
مفي شي مستاهل
الحياة بتمر ومبترجع
ليش منطنش المر .. ونبني الحلو ... ؟!
حتى لو ما لحقنا عليه منورثو لحبايبنا
.
.
.
بس بيرجع عنا الضمير يأنب
وبيضل العقل يفكر
والقلب معهن بينزف

...وهاد حالك يا انسان ...

 

[Alexandera]

ليش لما نتعلق بشخص بيتركنا

بيجي فجأة بين ضحكات وبسمات

يحكي كلمة كلمتين ونص ويبعد

بدون إنذار بدون مقدمات بدون اسباب

مبعرف هالوقت اللعيب فيا ولا فيه

بيقفي الواحد ومبحكي شي

بتحاول بعدا تفهم تسأل مبعطيك مجال

ولو سألت بيتجاهل

طيب ليش ميحكي بصراحة

ليش ميقول طفشت أو خلص مبدي حاكيك

بس بيعطي ضهرو ومبيعود يسأل

وليش بعد هاد بنحس بتأنييب الضمير

وبنضل نعطيه أعذار

وكمان بنحس حالنا غلطنا بشي

أو بحقو يمكن مقصرين


.

.

.

​

 

[Alexandera]

بعض الأحيان بيجذبك شخص
أما لطرقة كلام او اسلوب أو بعض الافعال
بتحسو كتير زيك بتحب تصرفاتو
وبتتمنى تضل طول يومك معو
كل هاد وانتا لسة مبتعرفو
بعدا بتتعرف عليه بترتاحلو وتتأكد
اني زي مشفتو قبل متعرفو
بتصير تحكايه بكل اريحيه
بتظن انو زيك بحبك وبغليك
بس بعدا بشوي بتكتشف انك كنت بمقام اتقل شخص عليه
وقتا بتتأكد انو مكل اللي بتحس فيه
متساوي وزي بعضو بقلوب البشر
بتبعد وبكون زي النار عقلبك
اكيد بتراودك نفسك ترجع
بس رجوعك بكون صعب
وحتى لو رجعت مبتكون متل اول
.
.
.



​

 

[أموي وأفتخر]

عندما تفشل غير اسلوبك
فتغيير الاسلوب حتما سيؤدي الى تغيير النتائج
لكن اعادة المحاولة بنفس الاسلوب
سيعطي نفس النتيجة

 

[Iceman]

لاشيء يساوي لمحا منك
وكل الافلاك تدور لاجلك

وان ملكت الكون دونك
اراني لاشيء حقا املك


مساحه رائعه
كل التقدير

رجل المطر

 

[Alexandera]

وكلنا لله رحل ...
.
.
.

 

[Alexandera]

بتمر عليك لحظات..
مقهور على حالك
بتحس انك وحيد
بتنغم وتنكتم
لكن مع هادا كلو بتضل تتظاهر بالقوة
وبلحظة زي ومض العين بتمر
بتلاقي الناس كلها ابعدت عنك وبنفس الوقت
وقتها جد بتحس بالألم
بتحس حالك مكروه مذموم
بتحس بصعوبة كيف رح مر
وكيف عن هيك مشكلة رح عدي
بتكرر وتتكرر لين ما تبطل تحس
كان قربو بترحب وبتضل تجامل
وكان ابعدو بتهز راسك وبدعوة حلوة
وكلمة طيبة مع بسمة خفيفة بتودعهم
وبتحكي صار القلب زيو زي الحجر
لا بكى رح يأثر علي
ودموعي من هالعين ان نزلت
ولا ضحك عوجي رح يبين
وبسمة صغيرة من ثغري رح تبين
وعن وجنتي ان شاء الله مرح تختفي

.
.
.

 

[آيہلا]

انسكب الشوق على جسد الورق
فنمى الحرف منكسرا ألم
..

اسامر الليل فيك
اعاانق الوحدة
اصافح الندم
ذاك الحب في اوارق الخيال
ارواني من زاد الغياب


عذراء

 

[Alexandera]

بنعيش عمر طويل ومحدا بسأل
ووقت الهم الكل بيتملق
بنروح وبنيجي
والحياة مع الكل مش بس معنا بتجري
والكل ورى مصالحو بيدور


بس بدي اعرف مجبورة انا اجامل !؟

 

[Alexandera]

الهمني يارب صبرًا .. ~
عجزت من بعض القلوب تحجرت
وأودعت رجائي إليك تحسبًا .. ~
ولقد علمت بغير دعائك مالي حاجة
.
.
.

 

[Alexandera]

حبيت افضفض بس حتى الحروف مني طفشت
.
.
.

 

[Alexandera]

ليت الحرف مني ينسكب
ومعو الهم من صدري ينسحب
وليتني متل الطفل
بعيوني بشوف الدنيا غير شكل
وبراءة شوف كل الناس سوى
والنفس ما كانت تعرف الهوى
ليت الناس تحكي وتعاتب
مو تمشي ولا حتى بنظرة تراقب
ولا حتى عن حالك تسأل
و ردك لرحيلو ترفض
وليتها عن همها تشكي وتفضفض
ولزعلها التبرير والسبب تطلب
.
.
.