محمد سعد
نجوم المنتدي
واحد زعلان
حاطط ايدي علي خدي
وعامل فيها واحد زعلان
وبمثل دور عايشه لوحدي
وبطل فيلم واحد غلبان
وتتر بدايته اهو بينزل
وصقف الجمهور علشان
هظهر انا فيه وهمثل
دور البطل " واحد زعلان "
واحد كان نفسه فـحبه فًرًح
يطمس بيها عيون الاحزان
ويداوي جرحه اللي انفتح
ودمه اللي سال ف كل مكان
واحد حزنان علي حبيبته
عشان راحت مرجعهاش
عشان ضيعها من خيبته
وجه يدور عليها مالقاش
عشان كان نفسه في ورده
فعيد الحب يهديها
عشان كان نفسه فـ مخده
صورتها مرسومه عليها
ويحضنها فـ عز الشوق
وقت ما زادت وحشتها
ويحلم بيها ولما يفوق
يصحي علي صوت رنتها
عشان مجلوش بوكيه احمر
ومكتوب فيه لاغلي حبيب
عشان طول عمر شايه ممرر
وشربه نوع من التعذيب
دي قصه واحد زعلان
بيدوق الفرح بالقطاره
دي قصه واحد غلبان
معبي الحزن ف شكــآره
بيلف بيه ياعيني شقيان
وبينفخ همه ف سجاره
وبيدور علي اي مكان
يودي الحزن فيه فـ غواره
خلاص الفيلم فـ نهايته
وهنهيص مع التصقيف
وهنهلل علي سذاجته
وهنقول فيلم حلو خفيف
لكن بطلنا راحت هيبته
وبان بطيبه قلبه سخيف
وسخافته دي ماهيش ذنبه
هو اللي قلبه طاهر ونضيف
ده مش بطل لا ده مبطل
يضحك ف وش الناس ده كئيب
وحزنه ده ابن بلد ومأصل
ماسك فيه ورافض يسيب
لا عامل حساب لكرامته
ولا حتي حساب للناس
ولا خايف علي اهانته
لو اتفرم فيها وانداس
وبيقول ده بس من طيبته
ياعم الطيبه ماتت خلاص
ده مش فيلم ده لعب عيال
لكن همشي وناوي مقعدش
عشان دوام حاله محال
و درامي اوي وميتصدقش
ياعم ده فيلم فكسان
والقصه فيه كانت اوفر
بقي في كده واحد زعلان
وقادر بالشكل ده يعافر
ده الحزن ع الوش بيبان
ومراره علقم كافر
فـ متصدقش واحد زعلان
واحد ع الحزن مش قادر
ياعم ده واحد مخنوق
والدنيا جايا عليه شويه
ومسيره بكره فيوم هيفوق
ويعرف يعيش دنيته ديا
#بقلمي
#محمد سعد
وعامل فيها واحد زعلان
وبمثل دور عايشه لوحدي
وبطل فيلم واحد غلبان
وتتر بدايته اهو بينزل
وصقف الجمهور علشان
هظهر انا فيه وهمثل
دور البطل " واحد زعلان "
واحد كان نفسه فـحبه فًرًح
يطمس بيها عيون الاحزان
ويداوي جرحه اللي انفتح
ودمه اللي سال ف كل مكان
واحد حزنان علي حبيبته
عشان راحت مرجعهاش
عشان ضيعها من خيبته
وجه يدور عليها مالقاش
عشان كان نفسه في ورده
فعيد الحب يهديها
عشان كان نفسه فـ مخده
صورتها مرسومه عليها
ويحضنها فـ عز الشوق
وقت ما زادت وحشتها
ويحلم بيها ولما يفوق
يصحي علي صوت رنتها
عشان مجلوش بوكيه احمر
ومكتوب فيه لاغلي حبيب
عشان طول عمر شايه ممرر
وشربه نوع من التعذيب
دي قصه واحد زعلان
بيدوق الفرح بالقطاره
دي قصه واحد غلبان
معبي الحزن ف شكــآره
بيلف بيه ياعيني شقيان
وبينفخ همه ف سجاره
وبيدور علي اي مكان
يودي الحزن فيه فـ غواره
خلاص الفيلم فـ نهايته
وهنهيص مع التصقيف
وهنهلل علي سذاجته
وهنقول فيلم حلو خفيف
لكن بطلنا راحت هيبته
وبان بطيبه قلبه سخيف
وسخافته دي ماهيش ذنبه
هو اللي قلبه طاهر ونضيف
ده مش بطل لا ده مبطل
يضحك ف وش الناس ده كئيب
وحزنه ده ابن بلد ومأصل
ماسك فيه ورافض يسيب
لا عامل حساب لكرامته
ولا حتي حساب للناس
ولا خايف علي اهانته
لو اتفرم فيها وانداس
وبيقول ده بس من طيبته
ياعم الطيبه ماتت خلاص
ده مش فيلم ده لعب عيال
لكن همشي وناوي مقعدش
عشان دوام حاله محال
و درامي اوي وميتصدقش
ياعم ده فيلم فكسان
والقصه فيه كانت اوفر
بقي في كده واحد زعلان
وقادر بالشكل ده يعافر
ده الحزن ع الوش بيبان
ومراره علقم كافر
فـ متصدقش واحد زعلان
واحد ع الحزن مش قادر
ياعم ده واحد مخنوق
والدنيا جايا عليه شويه
ومسيره بكره فيوم هيفوق
ويعرف يعيش دنيته ديا
#بقلمي
#محمد سعد
اسم الموضوع : واحد زعلان
|
المصدر : أرشيف الخواطر القديمة