وحدك گمر والوادم اهــــــواي

[امل مفقود]

هاي السنة الما بيها غيــــــــرة
باگت احلام اشــ جم ظفيرة؟
المفروض ما نحتفل بيهــــــــا
ولا نحلف بريحة ثديهـــــــــــا
باعت ولدنه اعله الحفـيــــــرة

وحدك گمر والوادم اهــــــواي
عفت السمه وصليت ع الماي
يوليدي ما حطيتنـــــي بـ راي
كونك تريد لغير ديـــــــــــرة

وكلها بغيابك صارت ذنـــوب
صورتك والشباج والبـــــوب
يهدني ذني يگضني الغروب
والليل والنجمة الصغيـــــرة

امي الوحيدة الدفنت الليل
يرحمها لو يعزف مواويــــل
لو حدّر الشمام والهيـــــــــل
هب النســـيم وجاب سيرة

من ينعى ابوك يسكّت الناي
بطور الحزن محبوبتك هاي
يمشي الفرات ودجلة حفاي
بجنازة المتروس غـــــــــيرة






عماد المطاريحي

 

[رحال]

السلام عليكم ورحمة الله وبركاته
امل مفقود
طرح جمييل تسلم اديك لاخلا ولاعدم

 

[امل مفقود]

وعليكم السلام والرحمة

مشكور اخي على مرورك الطيب وردك الاطيب،
لك مودتي وتقديري.

 

[همس الروح]

الله جميلة جدا
سلم ذوقك الراقي واختيارك يا حبيبتي
ودي وحبي

 

[امل مفقود]

اسعدني وشرفني المرور الراقي
احترامي وتقديري