ياطول هالشارع

[عابر السبيل]

ياطول هالشارع ويا قل ماشيه
تسهر مصابيحه معه كل ليلة

الناس نامت وانا من صواحيه
وكل ن يعاتب بالمصدّه خليله

احيان يلقى هامل القلب ماضيه
واحيان بيته في الشوارع يشيله

واحيان يبكي من زمانه خواليه
وعصرن تولّى مايجي فيه حيله

ياكم افل القلب حيران واطويه
باق ن بقلبي لك م اللواعج فتيله

يموت بعض الليل والموت نحييه
والتايه اللي ضاع لاجلك دليله

خيم ظلامك والمصابيح تتضويه
وترعاه عينن م السهر له كليله

ضاعت خطاوي الليل من رجل ماشيه
ولا لي على لاماك فرد الوسيله

الله ياللي اضحكه ثم ن ابكيه
ماعن في بالك رفيقن تجي له؟؟؟؟

لو انت بيتن راح عمري واغنيه
ولو انت حرفي صار سطري خميلة

كم افقدك لا من عطى الليل تاليه
ويجلب علي الهم رجله وخيله

يكتب فوادي والاحاسيس تمليه
حرفن واطفي م اللواهب مليله

الله ياخدن لادن الطل يسقيه
وعينن هدبها فوقهنه ظليله

لو هو يجي بالسوق والله لاشريه
يدفع بها المفتون جل الحصيله

مير البلاء ماعاد ندري باراضيه
وديارها وشم ن والهبايب تشيله

رسوم المباني حرف والذواري بتمحيه
تشيلها هب الهبوب ب شليله

يدمدم لها رعدن والمسايل جواريه
وريح الندى بن ن تنفس ب هيله

بعض المباني شاهدات ن سواريه
تحكي زمانن ما جرى لي مثيله

عابر السبيل

 

[همس الروح]

الله الله على القصيدة الجميلة

كل الشكر والتقدير والاحترام لك يا شاعر

 

[رحال]

قصيده رائعه بكل
محتوااها جمال وذائقه
سلمت يدااك يآلق على ماجاد
به قلمك المميز

 

[ندى الورد]

يدمدم لها رعدن والمسايل جواريه
وريح الندى بن ن تنفس ب هيله

بعض المباني شاهدات ن سواريه
تحكي زمانن ما جرى لي مثيله

القصيده كلها رائعه بس هذي اقتبستها لان فيها
شي جمال على جمال صح لسانك وعلا شانك شاعرنا

 

[عابر السبيل]

القصيده كلها رائعه بس هذي اقتبستها لان فيها
شي جمال على جمال صح لسانك وعلا شانك شاعرنا

يا مرحبا ب ملكة النجوم توي عرفت النجوم ممالك
تشرفت كثيرا باطلالتك التي تضفى على النص شرفا وجمال

 

[الجوري]

انا حد معجب جدا بقصائدك
وبكلاما
باللهجه
يسلم البوح ويسلم ناظمو