يلي غيابك طال حمد السعيد

[رحال]

ياللي غيابك طال وبحقي اخطيت
هذا شهر ما اشوف للوصل نية

هن كانت اسبوعين لكن تماديت
في غيبتك كنك تنفذ وصية

لعبت باعصابي ولا قلت مليت
لا راح اقول باكر مجية

عانيت بغيبتك انا حيل عانيت
يابغضني للبعد يا رحم حيه

عقبك مشاويري من البيت لليت
اخاف لا دقيت ماني هنيه

الله ياني في غيابك تحريت
اثر المفارق صعب ماهو شويه

هذا شهر وش عاد لو انك ابطيت
والله لتلقى لك هنيا ضحية

البارحة مابين يمكن ويا ليت
وابليس يتركني ويرجع عليه

فكرت لو طول غيابك ولاجيت
يعني كذا روحه ومن غير جيه

خانتني الدمعة وطاحت وصديت
ملعون ابو التفكير يذبح خوية

 

[همس الروح]

اختيار جميل
شكرا لك يا رحال على النقل
وكل عام وانت بخير وعيد سعيد عليك
احترامي وتقديري

 

[رحال]

اختيار جميل
شكرا لك يا رحال على النقل
وكل عام وانت بخير وعيد سعيد عليك
احترامي وتقديري

الجميل مرورك
مشرفتنا المميزه
همسس الروووح
وكل عام وانتم بخيير