چا وينه الفرح وينه ؟

[امل مفقود]

وتعنّيتك
لگيت عيون تفّاگه
ولگيت العيد
لليگدر عله سياگه
ولگيت صواب حافي
ونِشفَن رياگه
بختكم .....
بخت كسرى اِلماحفَظ طاگه
وتعنّيت الصِدِگ .. ثاري الچِذِب باگه
وتعنّيت الجروح ، الحَطَّن زواگه
ألف ناگه بحنينك
يل بچيت بشوگ الف ناگه
وگِلِت هم يوم تنسانه ؟
گِلِتلَك يوم نتلاگه ،
وتلاگينه ، شتلاگينه ؟
يتيم ودمعِته بعينه
ولا مَرّ بيه فرح للشيب
جرحه بحَلِگ سچينه
تلاگينه بصبر صفصاف ...
مَلْ
شِتخلّف سنينه ؟
ولِچمنه جروحنه بعاشور ..
كلمن يبچي لِحسينه
وألف موعد فرح بالريح ،
چا وينه الفرح ، وينه ؟
الشباب الماوفه الديّان ، بالشيب انطلب دينه
ولِفونه اليوم ديّانه
حلم محروم ، عرَّسْ من تلاگينه
حلم محروم ، يتنانه
أصير انته
وتصير آنه






عامر عاصي

 

[رحال]

تسسلمي
امل مفقود
على النقل القيم
دمتي لووووووود

 

[امل مفقود]

 

[همس الروح]

سلمت يداك على النقل الجميل

كل الشكر لك يا حبيبتي

ودي وحبي

 

[امل مفقود]

شكرا للمرور العطر
محبتي والتقدير