📌 خربشات خارجة عن القانون 🚨

[آسلين]

بسم الله

جمعة مباركة

قررت افتتح هاي المدونة غير عن قبل ان ياسرني لانها شاعرية بحت وباللغة الفصحى

هنا سوف اطلق العنان لنفسي وافضفض واتكلم بجنون عن كل افكاري لا اهتم لا للغة ولا لشيء
باختصار مجرد كلام بشكل عفوي واخباري

رح تكون مدونة غير مرتبة زي حياتي لن اهتم بالشكل والتنسيق واللون



أيها السادة والسيدات استعدوا

واحد

اثنين

انطلاق خربشات خارجة عن القانون 🏳 \\ لن انتظر رقم ثلاثة

 

[آسلين]

ما بتحمل اشوف حدا يتهجم على الاخرين في الطالعة والنازلة

فيي هورمونات غريزة فطرة سموها شو ما تسموها


الدفاع عن المظلومين

رسالتي في الحياة

+

اليوم في عضو بعث الي تهديد واعلى ما في خيلك وووو

متوقع مني ارد عليه خاص

لا عذرا يا اخ انا اخلاقي ما بتسمح لي ارد على الاساءة بالاساءة

البعض بس يغضب بحكي كلام خارج عن السيطرة ممكن يكون كلام مكبوت كلام فارغ فقط يريد ان يجرحك

ياااه ما رح اكبر الموضوع لانو لا يسوى



المهم عن أبي هريرة رضي الله عنه أن رجلًا قال للنبي صلى الله عليه وسلم: "أوصني، قال: لا تغضب، فردَّد مرارًا، قال: لا تغضب". رواه البخاري.

لان العاقبة ما بعد الغضب وخيمة مرات ما بنحسبها صح واحنا الغضب معمي على عيونا

 

[آسلين]

باقي عشر دقايق عبال ما يأذن

تسجيل خروج مؤقت

مخططاتي اصلي اقرا الكهف

واستقبل بعض الزوار



صاروا سبع دقايق
كنت بدور على تغريدة كتبتها

بدي اعمل ريتويت هون

عن ابن عمر رضي الله عنهما قال : قال رسول الله صلى الله عليه
وسلم : ” من قرأ سورة الكهف في يوم الجمعة سطع له نور من تحت
قدمه إلى عنان السماء يضيء له يوم القيامة ، وغفر له ما بين الجمعتين “.

 

[آسلين]

واخيرا وصلت ضيفتنا

المهم

اليوم في عضو بعث الي تهديد واعلى ما في خيلك وووو

العضو طار شاكرة لإدارتنا المتعاونة

 

[آسلين]

بكرا يوم حافل بمعني الكلمة
رح اكون مشغولة جدا واصحى قبل الشحادة وبنتها
خدمة عسكرية في معسكرنا

المهم بستنى تصير 12 صفر صفر واسجل خروج
بحس باقي دقيقتين لازم اضل فيهم ما بعرف ليش

 

[آسلين]

تعابنة

 

[آسلين]

مساء الورد

مدوا ايديكم نتقهوى سوا

صحيت متأخر لهيك النظام خربان وفطور وقهوة في هالوقت

بذلت مجهود امبارح يعطيني العافية

 

[آسلين]

المهم خلنا نكمل

كان الي فترة طويلة بلا هدف شعور غريب محزن
الي عاش حياة الضغط واهداف وبرنامج وفجأة يلاقي نفسو بلا هدف
استغرب واتعجب شوي كنت اتمنى لو تبلش الدراسة او اتعلم دورة معينة
حاليا مش عارفة ملخبطة جدا تمنيت لو ما معي رخصة حتى اعبي فراغ الوقت الي عندي

اقترح علي خالي اشتغل عندو سكرتيرة في شركتو بس مش عارفة بخاف التهي عند دراستي بالشغل
وبنفس الوقت الملل بقتلني ... حتى الافلام والمسلسلات ختمتهم تقريبا كنت احضر حلقة واقطع بالنص

امبارح حضرت فيلم فرنسي روووعة مزيج بين الكوميديا والاكشن والدراما رائع فعلاً يستحيل انو الاقي فيلم ولا مسلسل
من بعدو ...

شغلة اخيرة بمووووووت فعليا ولا احضر مسلسل ولا فيلم مرة ثانية لو كان من زمان حضرتو

 

[آسلين]

من العادات الجاهلة الي زمان كانت منتشرة عنا

كان في مثل قديم يعني شو بدي اقول مثل وصل مرحلة تصديق بشكل رهيب

الي هو ما بعد الالف الفين

المثل كان قبل سنة الالفين قديم جدا المقصود فيو رح تقوم القيامة قبل الالفين

سبحان الله عشنا بعد الالفين 21 سنة ونسينا المثل وضحكنا على الي كان مصدقوا

وفعلا كانت عنا معلمة مسيحية بتعلمنا انجليزي مرة حكتلنا عن راس السنة 2000 وكيف الكل خايف
وماسك الصليب ومغمض سنة رعب بالنسبة الهم خلص الفين كثيرة من بعد ولادة المسيح
ورقم مميز ليوم القيامة استغفر الله العظيم ..


حتى المعلمة بنفسها كانت تحكي الموضوع بشكل ساخر


بعرفش شو خطرلي احكي عن الموضوع

 

[آسلين]

شجرة اللوز

لها حيز في ذاكرة كل فلسطيني

وبالذات اذا كانت شجرة جيرانهم

يكون طعم اللوز الأخضر غير ازكى

لا اعرف السبب

أيام الطفولة الله يسامحنا بس

صراحة مرات بجي على بالي اروح عند على دار جيرانا بس اشوف الشجرة

علما انهم رحلوا زمان وهجروا البيت انتقلوا على مدينة ثانية

 

[آسلين]

قمة التفائل تنتظر وتنتظر بتململ

وبالأخر يروح انتظارك على الفاضي

بتحسها هيك زي صفعة قوية بنص خلقتك

الاشي الوحيد الي بالحياة لا أطيقه ونفسي احذفوا عن الوجود
الانتظار >> واذا لا الناس الي بتتاخر وما بتحترم المواعيد

انا مع حركة تأديبهم وما تجيهم تسكر بوجهم
حتى يشربوا من نفس الكاسة

تفكير شراني ولكن حقاني اكثر

 

[آسلين]

فاة النائب العربي في الكنيست الإسرائيلي سعيد الخرومي بسكتة قلبية عن عمر 49 عامًا​

أمضى سنين عمره في خدمة قضايا النقب رئيسًا للجنة التوجيهية العليا لعرب النقب ورئيسًا لمجلس شقيب السلام

توفي فجر اليوم الأربعاء، بسكتة حادة النائب العربي عن القائمة الموحدة في الكنيست سعيد الخرومي عن عمر 49 عامًا.

وترك خبر وفاة الخرومي المفاجئ صدمة كبيرة في نفوس الكثيرين من بينهم أعضاء الكنيست والوزراء الذين عملوا الى جانبه طيلة سنوات.


رحمة الله عليه

 

[آسلين]

@اميرة بهدوئي

2021\9\1

باقي على الدراسة ليلتين من الراحة
استمتعي فيهن واستغليهن منيح

حضرتي اغراضك دفاترك ؟؟

الحلو تعرفي شو هو ؟؟ انك اذا ثانوي كل موضوع بدو بحث مشترك
وكمان تقارير المختبر وغير البرزنتاشن والاورل

 

[آسلين]

صباح الفل

مش عارفة شو احكي بس حبيت اصبح عليكم

 

[آسلين]

اشتقت لايام كانا نركض نحضن ابوي بس يرجع على البيت ويرفعنا فوق بالسما زي يطيرنا

اليوم الاطفال ما بقدروا نعمة القاء

 

[آسلين]

نفسي اعرف هدول مشاهير تويتر منين بجيبوا كل هالحكي كل ساعة قصة عبارة صورة

انا لو احكي هيك بفضح اسراري من كثر البرم عنجد قدرتهم على النشر والكتابة كل الوقت عجيبة

انا بين التغريدة والثانية لازم اقل اشي اسبوع

 

[آسلين]

مشغولة جدا هاي الفترة ومشوشة اكثر
احتاج وقت ارتب اموري
وما شاء الله الشبكة كثير بتساعد متضامنة مع انشغالي

 

[آسلين]

اسباب اختيار لاسم فلامنكو


1 يرمز طائر الفلامنكو للاتزان والاستقرار النفسي، ويدل على محاولة الشخص التخلص من مشاعره السلبية

وأن يقتنع بما لديه ليحصل على شعور الامتنان بما لديه، وهو رمز للمشاركة والمخالطة الاجتماعية، وترمز إلى محاولة

الشخص أن يتخلص من الألم ويقوم بتحويله إلى سعادة وطاقة.



2 رقصة الفلامنكو الاسبانية

 

[آسلين]

نبذة عن التنمر

​

! أمل النسيان !​

...

 

[آسلين]

مستحيل احضر مسلسل ولا فيلم عربي

يعني بالكثير بحضر مصري غير هيك ابدا NEVER

بحس الدراما العربية بضحك بما ان الاسلام حط حدود ليش ما نحترمها بلاش بضحك علي بعض

على قولة عادل الامام بتحطوا نفسكم بمواقف باااايخة




بحترم البرامج المحترمة الهادفة غير هيك


بالنسبة الي الدراما المصرية التوووب في الدراما الباقي اسراف اموال على الفاضي

اخر فيلم عربي حضرتو يا رب كان لتامر حسني اظن الي بسرق نسيت الاسم صراحة كان منيح