🚶🏼‍♀️

[رند]

في التاسع من آيار هدوء يعم من كل حدب وصوب ما عدا بقعة صغيرة يعم بها ضجيج يحمل بين ثناياه الفرح والسرور والتوتر خليط من المشاعر يحملها افراد مختلفين يستحال جمعهم بمكان واحد فهم أفراد عوالم مختلفة ولكن جمعتهم احدى المستشفيات في اروقة قسم الولادة ينتظرون قدوم طفلتهم الصغيرة مهجه الفرح لاسرتها ومن حولهم العمال يتقادمون لأخد الأموال فجدها يعبر عن فرحه بتوزيع الأموال بالارجاء ، صوت القابلة أخترق قلوبهم وهي تخبرهم بقدوم طفلتهم فلا يوجد غيرها بقسم الولاده عمت الضحكات والمباركات القسم .
عيون تتأملها بفرح وتعجب وشفاه تردد ما شاء الله كأنها لعبة ليزينوا رقبتها بسنسال يحمل أسمها رند .

 

[رند]

ع اسأس هعمل اجواء وحركات وبركات وكذا اعرفكم ع نفسي كتبت 3 مرات وما بعرف كيف اطلع من الموقع ↑اخخخخ يالقهر


المهز هعرفكم علي أكثر وحبيت ابدا مدونتي باشي ملموس يخصني لاني كرند بحب اعرف معلومات عن الشخص الي بقرأ اله مهما تكون بسيطه ما بحب الأشياء المبهمه »ولو اشوف صوركم ع الحقيقه بنبسط جدا




ما بحب اخفي حالي ورى اسماء دائما بحب اعرف حالي باسمي لو تحمست شوي افرجيكم شكلي »اهزر معكم بس انتوا فرجوني اشكالكم





فتحت مدونه جديده عشان أنا حرى

وإذ تركت هون اعرفوا لانه ما في حد احكي معه لأنه أنا حد بحب الاهتمام اهتموا في شوي




المهم المدونه هتكون مصدر الفرح الي » لا تهتموا بكلشي يكتبوا أو تحللوا لانه أنا شوي غامضه




المهم نكسب الصلاه ع النبي
ونقول بسم الله

يارب تكون شاهده الي لا علي

 

[رند]

حاسه قلبي بده ينفجر من الزعل مش قادرة اتحمل صراحه
بس كل حزن نهايته فرح

حزينه جدااااااااا ممكن هذا أعمق حزن بحياتي كلها وحتى لمستقبلي بس صراحه متفائله بنهاية الخير في
لانه وعدني ربي في بس بده وقت جد من كل قلبي برجوا أنه يكون هالمره زي دائما أنا بتوهملي أنه مو عامله منيح واكون مبدعه صراحه يارب ,



جد قلبي ما بتحمل الفكره اصلا حتى تفكير مو قادره افكر بس عارفه أنه لو ما صار هالاشي ممكن اموت من القهر بس اكيد ربنا هيجبر بخاطري جدا متفائله لانه هذا دعاء سنين صرلي بدعي واثقه بكل ثقه أنه هيتحقق حتى بحس لو ما كان مكتوبلي من كثر يقيني بربنا هيكرمني في كمان الاشي الي بنبع بقلبي تفاؤل أنه ربنا الهمني دعوة برمضان غريبة عجيبة وكنت ادعيها ما بعرف بس ربنا ربط ع قلبي بهاي الدعوه ف جد متفائله اوك احيانا بطمس التفاؤل بس ربنا وعدني أكثر كلما بتتردد ببالي



دائما لما يخطر ببالي الاسوء دائما بردد بسرعة ربنا وعدني في

من قلبي برجوا أنه يتحقق ودعائي يغلب قدري

 

[رند]

احكيلكم مقتطفات من طفولتي بضحك عشان نغلب الحزن


هذا يا اعزائي أنا ملامحي جدا بعيده عن تصرفاتي اوك يعني جد ملامح وجهي بتنقدني يعني ما حد بتوقع من كل هالبراءة هالتصرف احكموا بعدل يعني صراحة أنا مو شريرة هو اجى فيي

كان يا مكان في قديم الزمان رند كانت طفلة صغيرة
كان في ابن جيرانا ﴿تعريف صغير عنه أصغر مني بسنة وبكون ابن عمة ماما ﴾
هذا الولد أهله مش طبيعيين مسخرجيه ع الأخر حتى على ولادهم يعني انتوا متخيلين كانوا ينادوه يا حبيب رند المشكلة أنا صغيرة لا بفهم بالحب ولا بطيخ لهلا ما بفهم طبعا ما بنادوه قدامي بس لبيتهم وبنادوه أخته يا حبيبه ابراهيم وخلوا اخوي بحب سارة المهم ما علينا
أنا كنت طفلة مرتبة ومزيونة وأنيقة ولطيفة وبريئة لعبة اسم الله علي
رند بأحد الايام سمعتلكم أنه ابن جيرانها بحبها تسكت وتهدأ لا والله كيف يحبني عفوا مين سمحله كيف يسترجي شو عملت (طبعا أنا ما كنت اسمح لحد يحبني اعوذ بالله شو يعني حب ما حبه ﴾ ف رحت عند أخوي وصاحبه والنيران بتطلع من راسي شو يحبني يعني ولعت معي يا جماعة المهم أنا بعرف أنه الولد بحب الحيوانات وكذا وما بخاف منهم ف رحت أنا وأخوي وصاحبه ودينا ع واد عنا بالحارة طبعا بعيد عنا شارع وحكيناله في هناك كلب طبعا احنا اجينا ع الوتر الحساس عنده وتنزل بهالواد يحكيلنا وين الكلب لتحت أنزله بعدين احزروا رند البريئه شو حكت لمعاونيها يعملوا يربطوا بالشجرة فكركم هون انتهينا لا والله وخليتهم بسلك يضربوه طبعا أنا ما لمسته ابدا
بعدين رند تهربلكم ع البيت مالنا يا جماعة الهرب ثلتين المرجلة وبعدين معاونيني لحقوني بعرفش كيف الولد فك حاله صراحه
بس طبعا يعني واحنا بنضربه ناسيه شو حكتله صراحه بس اعتقد هذا عشان تحبني بعدين راح الولد لامه بعيط وطبعا نادتنا وتكلها كل السالفة من طق طق للسلام عليكم بس ما جاب سيرتي من الحب ماقتل حط كل المشكلة باخوي وصاحبه والمشكله أنا رأس البله الولد مفتون

معلومة عني ¹
أنا كنت ناسية هي القصة ف مين ذكرني فيها صاحب أخوي هو قدي ، أنا لما كبرت شوي بطلت احكي معه ولااسلم ولا حاجه ف مره كان قاعد عنا بحكي لاخوي اختك مفكره حالها بريئه وحكاله القصه وانا انصدمت صراحه

معلومة ²
انا ماما ما كانت تخلينا نطلع ابدا ع الشارع ما كنا نعرف الشارع بس كنا نروح حتى ع السوبر ماركت مع بابا ونرجع ولكم كانوا نسوان الحارة يوقفوا ع الشباك عشان يشوفونا لانه جدا كنا محترمين مرتبين بس الي غير الحال لما أهل ابن جيرانا نفسهم يب هو الي ضربته انتقلوا مقابيلنا علمونا ع الشوارع واحنا قمنا بالواجب النسوان الي كانوا يستنونا ع الشباك عشان يشوفونا صاروا يترجونا ننضب بالبيت
وتوته توته خلصت الحنونه حلو ولا كتكوته
بس صراحة ما شاء الله عني لطيفة وقد حالي