يا گلبي الحزن محراب

[امل مفقود]

منين الغوث ؟ اذا چتالك ظنونك
حلمك من يروح بعيد
يتيه وينخطف لونك
شما داريت .. تتدرفع بصدرك آه
وتعرض دمعة بجفونك
شتسد يا باب ؟ .. شما سديت
حزنك يفضح عيونك

يا گلبي الحزن.. مو باب
الحزن ناعور ؟ لو دولاب ؟
لو عين انچفت ع الباب ؟

يا گلبي الحزن غيمة ....؟
واذا مو غيم ، ...
من يغسل ذنوب الباب ؟؟

يا گلبي الحزن ليلة ؟
واذا مو ليل ، چا ليش الغروب صواب ؟!

و اذا يكبر يشيب.. يموت
شعجب حزن المگابر شاب ؟؟

يا گلبي الحزن محراب
الحزن كلسا يذبنه بباب
الحزن من تچهب الصحره
وتصد عنك
وانت تراب ..
الحزن هم فرح... بس چذاب !!







هاشم الخزاعي

 

[رااشد]

يسسلمووو
امل مفقود
على النقل المميز
دمتي بسعاده

 

[امل مفقود]

 

[همس الروح]

نقل موفق واختيار جميل

كل الشكر لك امولة

ودي وحبي

 

[امل مفقود]

شكرا للمرور العطر
محبتي والتقدير