ياراحة البال بالله وين هالغيبه ودتني

[رااشد]

ياراحة البال بالله وين هالغيبه
ودي تشوفين وين الضيق وداني
عقبك وانا بين تشريقه وتغريبه
لا غابت الشمس قلت الصبح ينساني
طبعي احب الوفا والصدق والطيبه
ولا الوح لكل من مر وتعداني
بعض الصداقات لا عز ولا هيبه
حلوين الالسن قليلينن بالاحساني
النعم له ناسه وللضلع الخيبه
ودي برجل على الطيب يتحداني
ماهوب رجل تحزم في عذاريبه
من عقب ماهو صديق صار قوماني
وشلي برجل ليا كمل مطاليبه
شال القناع وتبين وجهه الثاني
ماقول قربه لياعفته اضحيبه
الزود فرقاه وقربه لي نقصاني
والناس بالمستوى كل وترتيبه
احد يشرفك واحد معه تنهاني
ارقب طويل الرجم وانصاه وابديبه
تشيلني عزتي وعزوم جنحاني
مايسأل المرء يسأل عن اصاحيبه
ان قيل خسران والا قيل كسباني
والطيب ليا دعاني قمت احييبه
والا الردي يبشر بحبه ونيشاني
عشنا وشفنا الزمن واصعب تجاريبه
واحيان ندفع ثمن والدرس مجاني
يعل ضاميه لا صفيت مشاريبه
واكيد محدن يصدر منه روياني
لكن عسى الله يستر من عواقيبه
وانك على نيتي يارب تجزاني
مالي ومال التعب والشك والريبه
ودقايق الوقت تمشي والعمر فاني
هذي مقادير والمكتوب راضيبه
به شي يامرني وبه شي ينهاني
ولازلت احب الوفا والطيب اماريبه
وصية من وصايا عود رباني

م ن

 

[امل مفقود]

سَلِمت الأنَامِل علَى هذا الإنتِقَاء
بُورك فِي جهُودك المُميزة

 

[رااشد]

شاكر لكم
مرورركم المميز
حفظكم الله

 

[احســـاس]

ارحب هلا يالخوي والفين ترحيبة
رحال ابدعت في نقل به احساني

يا ما اخذنا من الايام تسحيبه
سحبة علينا وسحبه شكلها ثاني

الطيب اللي تعرف الناس من طيبه
يدفع ثمن في حياته كنه الجاني

حاولت اجاريك في منقول مدي به
اعجبني النص فأتبعته بقيفاني

وسلامتك ومن يوحي
بقلمي المتواضع
احســـاس

 

[همس الروح]

كل الشكر لك رحال
على الانتقاء الجميل والنقل لنا
احترامي وتقديري لك

 

[رااشد]

ارحب هلا يالخوي والفين ترحيبة
رحال ابدعت في نقل به احساني

يا ما اخذنا من الايام تسحيبه
سحبة علينا وسحبه شكلها ثاني

الطيب اللي تعرف الناس من طيبه
يدفع ثمن في حياته كنه الجاني

حاولت اجاريك في منقول مدي به
اعجبني النص فأتبعته بقيفاني

وسلامتك ومن يوحي
بقلمي المتواضع
احســـاس

يامرحبا واهلى وسهلا بأحساس
ضيف ن عزيز وبالقواافي مميز
تفدااك روحي يالخوي وهلا بك
بمتصفحي المتقول النال ذوقك
شرفتنا ياخوي ولن الفخرر بك
ووجودك الغالي زااد المحبه
ومشكور يالغالي ومشكور يالذوق
على كلام انزين من فكر احساس
نورت يالغالي ونورت يالزين وممنون
لوجوودك وكل الهلا بك⚘

 

[رااشد]

كل الشكر لك رحال
على الانتقاء الجميل والنقل لنا
احترامي وتقديري لك

انرتي فاضلتي
المشرفه العريقه
همس الروج نورتي