الإبحار الثاني
عند نور *
خلصت من المدرسة ووصلت للبيت
وانتبهت على رسائل بسام كان مرسل لها
صور له مع سحر بالكوفي : اذا ما كانت احلى خلفيه لجوالي
ردت عليه بتسليك :
بسام : وشذا الاشعار الحلوو وصلتي البيت ؟
نور : اي
بسام : تدرين من كثر ما حبيتك صرت اتكلم عنك لاخوي وصار يعرفك
نور بتسليك : يروحييي استحيت
بسام : يالبى الي يستحون عاد انتي تعرفين اخوي قد تكلمت عنه بحسابك القديم
نور وهي ما تدري من اخوه : ايي اي اعرفه
بسام : يبب النفسيه ذاك تصدقين انصدم اني حبيت وانا الي كنت ما احب احتك في البنات
نور والنوم في عيونها : ياحبيبي
ابتسم بسام وارسل لها قلوب
تجاهلت رسالته ونامت
في الليل *
صحت وهي تنزل للمطبخ وانتبهت ان اهلها مو بالبيت : مو جديدة والله
اخذت تفاحة وراحت للصاله
فتحت جوالها وشافت ثلاث مكالمات من رقم غريب عقدت حواجبها واتصلت عليه
ووصلها صوت ضخم وحاد : اذا تبين بسام مشغول دقايق وبيتصل عليك
نور بخوف من نبره صوته : من انت ؟
قفل المكالمه بعد ما سمع سؤالها وهو ينادي على بسام الي كان ياخذ له شور
عند ريلام *
وقفت مع اللاعبين بملل من وزعهم ثنيان فريقين
ثنيان وهو يمشي في النص : المطلوب الحين التركيز لاني برمي عليكم الكورة والمطلوب تردونها لي طبعا مراح ارميها عليكم بالترتيب برمي عشوائي الي مو منتبه راح يطلع برا
تنهدت بطفش من تدريباته السخيفه بنظرها
وشهقت من حست الكورة ضربت صدرها
رفعت راسها له : سلامات ما قلت انك بديت ؟
ثنيان وهو يتقدم لها : على برا
ريلام : لا يشيخ شذا الغش المفروض تعلن صافرة البداية
ثنيان وهو يناظر ساعته : ما تفهم انت على برا
ريلام : منزين تدريباتك عاد لاعب عالمي طل
خزته من رفع راسه لها وشاتت الكورة ووقفها ثنيان برجله : شسمه ذا ؟
واحد من اللاعبين : سيف
ثنيان : ذكرني بعد التمرين باسمه
كمل تدريباته وهو متجاهل نظرات
الي قاعده على الكرسي وتخزه بقهر
قامت وهي تتوجه لداخل النادي وتاخذ كورة
وطلعت للملعب وهي تتدرب لحالها
شاتت الكورة بقوة للمرمى وانتبهت على سبقها وهو ياخذ الكورة : الشغلة عناد يعني ؟
تاففت وهي تتقدم لعنده : هات الكورة
ثنيان : اقبل بالطرد واطلع برا الملعب
ريلام : فوق راسك انا ؟
ثنيان : بما اني انا المدرب فالملعب لي
ريلام : مصدق عمرك انت هات الكورة
ثنيان مسك الكورة وهو يرميها للسماء برجله
رفعت راسها وهي تناظر الكورة كيف طارت لبعيد
ثنيان : على برا وفيك خير ادخل بكورة ثانيه
خزها وتقدم وهو يدفها من كتفها
انقهرت منه : نشوف يالعالمي انت
وراحت وهي تجيب كورة ثانيه
بالملعب *
كان يدرب اللاعبين ومو منتبهه للي دخلت بالكورة
وهي تروح للجزء الثاني من الملعب انتبه على
اللاعب الي كان معه كورة غير الكورة الاساسيه
لف وشافها تصرخ على اللاعب: ارميهاا لييي
اخذ نفس وهو يعقد حواجبه بعصبيه ويكلم اللاعب : اعطيني الكورة
رماها اللاعب على ثنيان ومسكها وتوجه لريلام
قرب منها وهو يمسك قمصيها وشد عليه : تستهبلل انتت ؟ جااي تلعبب اطلع برا
ريلام بلعت ريقها من ملامحه الي تغيرت : اعصابك
وبعدين الملعب كبير وما اظن خربت عليك تدريبك
ثنيان : جد والله ؟
دفها وهو ينادي على الرئيس
لف وهو يناظرها من فوق لتحت
الرئيس : تفضل شبغيت ؟
ثنيان : ابد بس حبيت اقولك ان لاعبكم جاي يلعب مو يتدرب
تدخلت ريلام : لا تكذب قاعد اتدرب بس مو مءء
قاطعها ثنيان وهو يناظر الرئيس: اطلب طرد له
وسعت عيونها من طلبه
الرئيس: حصل خير وانا بتفاهم معه تقدر تتفضل
راح ثنيان بعد ما خزها
الرئيس: شاللي حصل ؟
قالت له ريلام السالفة
الرئيس: طيبب يا سيف تقدر تتفضل وتعتذر من ثنيان لانه اليوم بمثابة مدربك والي بيقوله بيصير حتى لو طردك
ناظرت في الرئيس ولفت وهي
تناظر الي كان يرمي الكورة
الرئيس: من صالحك تعتذر منه يا سيف لان محد يقدر يتدخل لو طردك
وراح ضربت رجلها بالارض ومشت للي كان قاعد بالمقاعد وبيده قارورة مويه
وصلت له وقام ثنيان وهو يتجاهلها ويناظر اللاعبين
ريلام : شسمه بخصوص الي صاءء
قاطعها ثنيان وهو ينزل راسه لها: سمعني اعتذارك ؟
ناظرته لثواني بصمت ونطقت : اعتذر عن الي صار
ثنيان : والحين اعتذرت على برا
عند نور *
راحت لغرفتها بملل وهي تتابع مسلسلها
صرخت من قطع عليها المسلسل اتصال بسام
نور : وجععع وشش يبيي ذاا ؟
رفضت المكالمه ورجعت تكمل مسلسلها
غمضت عيونها بعصبيه من رجع اتصل
قبلت وهي تحاول تكون هاديه ولا تفصل عليه
بسام : شفييك ما رديتي؟
نور : بالغلط
بسام : عوافي اتصلتي علي وكنت اتروش بغيتي شي؟
نور: لا لا
بسام : تمام ترا الي رد عليك اخوي ماعليك منه
بلعت ريقها من صوته الضخم
والحاد بجنب بسام وردت : لا عادي يالله انا مشغوله بقفل
بسام باستغراب وهو الي كان في العاده يقفل : تمام
قفلت منه وهي تحط يدها على صدرها : يمههه ذا صوت ادمي !!وشذا الصوت يخووف
رجعت تكمل مسلسلها ونامت
بالصباح *
صحت وراحت على المدرسه وصلت وهي تجلس مع سحر : سلام
سحر: وعليكم السلام
قالت لها نور عن مكالمة امس
سحر : اووف اخوهه !! يووه عاد ذاك يخوف
نور: قد شفتيه ؟
سحر: لا بس كان يتكلم لي عنه
سكتت نور من دخلت الاستاذة
رجعت للبيت بدون اي احداث تذكر
صحت وهي تكلم بسام وتبادلوا المكالمة
وحست انها تعودت عليه واذا ما كان حب
ضربت راسها : وجعع لا تنسين ان سحر تحبه
عند ريلام *
ناظرت في ثنيان بصدمه وخزته وهي تطلع برا الملعب بعصبيه : الله ياخذكك
دخلت للصاله الرياضية وهي
تتدرب على الاثقال بكل قهر وعصبيه
بعد دقايق شالت سماعتها وهي
تناظر الي دخلوا وفي مقدمتهم ثنيان
خزته ورجعت تركب سماعتها وتتدرب
صفق ثنيان بايدينه وهو ينادي على كل اللاعبين
تجمع الكل لعنده رفع راسه وشافها مو منتبه لهم
مشى باتجاهها وهو يشيل سماعتها عن اذنها
وسرعان ما فزت وهي ترمي الثقل على الارض
ورجعت على وراء بخوف من طاح الثقل بقوه تعثرت رجلها وكان قريب منها حط يده وراء خصرهاا وهو يشد عليها قبل تطيح نزل نظراته لعيونها وهو يناظرها ثبت عيونه بعيونها وكانه يتحداها تكسر نظراته
مرت دقايق وهم على هذا الحال
حست على نفسها وهي تضرب صدره بيدها
قامت وهي تبلع ريقها وتناظر اللاعبين الي كانوا يناظرونهم
ثنيان وهو متجاهل لكل الي صار : قدامي
مشت قدامه وهي توقف مع اللاعبين
ثنيان : لين هنا وخلص دوري في تدريبكم
اتمنى انكم استفدتوا واتمنى ما تكون اول واخر مره ادربكم وطبعا الجدول الغذائي
بتاخذونه من الرئيس وبيكون نفس جدولي
شكروه اللاعبين وهم يتقدمون يتصورون معه
ناظرته من فوق لتحت وبنفسها : ياليت الثقل طاح على رجلك وتفكنا
تركتهم وهي ترجع تتدرب
دخل الرئيس : السلام عليكم انتهى يومكم مع ثنيان بكره ان شاء الله راح تنتقلون للتدريب على مباريات الدوري
ابتسمتت بحمااس وهي تنتظر ذي اللحظه
واخيرا بتتدرب على مباريات
لفت وهي تناظر اللاعبين وشهقت من طلع بوجهها : بسم الله
ثنيان وهو يناظرها ببرود : اذلف عن طريقي
عند ريلام *
ناظرته وهي تبعد عن طريقه
راح ثنيان وبقى ريلام واللاعبين
توجهوا اللاعبين لغرفة التبديل
دخلت وهي تناظرهم يفصخون قمصانهم
تقرفت وهي تغير ملامحها رفعت راسها للاعب
اللاعب : شفيك مستحي ؟
لفت على اللاعب الثاني الي رد عليه: ذا يستحي ؟ مسترجل على لاعب اشهر منه ومسوي فيها المحترف
ضحك الكل وهم يناظرونها
اللاعب ؛ بدل بدل لايكون عاجبتك اجسامنا ؟
تقدم واحد منهم لعندها : شفيك لا يكون ميولك ضارب ؟
ضحكوا الكل وهم يناظرونها
دفت اللاعب الي قدامها بتافف : فارق بس
ومشت وهي متجاهله نظراتهم لها
وقفت عند دولابها وهي تفصخ قميصها
حمدت ربها انها كانت لابسه مشد رياضي
غمضت عيونها من سمعت واحد منهم : شذا الجسم البناتي ؟
رد عليه اللاعب الثاني : اشك انه بنت
ضحكوا وهم ياخذونها طقطقه
توترت من سمعت كلامهم ولبست على السريع
وطلعت وهي ترجع للبيت نامت وصحت المغرب
تفقدت جوالها وهي تشوف رساله من المدرب
وكان محتواها: عندنا تمرين ليلي الكل يتوجه للنادي وجيبوا كل احتياجاتكم بنتوجه بالصباح على طول للملعب بدون ما ترجعوا للبيت
قامت وهي تجهز اغراضها وتاخذ احتياجاتها
لبست بدلتها وطلبت اوبر وتوجهت للنادي
عند نور *
فتحت جوالها وشافت رسالة بسام كان فاتح بث انستا دخلت وابتسمت من تغيرت ملامح بسام
من دخلت وشاف يوزرها
بسام : والحين بغني اغنيه وراح تكون اهداء لشخص يعرف نفسه
ابتسمت وتلاشت ابتسامتها
من شافت يوزر سحر
طلعت من بدا بسام يغني
وقف اغنيته وارسلها :شفيك ؟
نور: لا ولا شي بس جاني اتصال
بسام : تمام
دخلت البث من قالت لها سحر تدخل
رجع يغني وهي تفكر في سحر
فزت من سمعت صوته الحاد من دخل غرفة بسام
وقف بسام : يالبزر قاعد اغني
رد عليه وهو يناظر في جواله : اسمع انا مسافر عندي شغله
بسام : وين ؟
ضرب كتفه : برسلك
شافت جزء من وجهه وهي للان متوتره من صوته
اعتذرت بسام من الي في البث ورجع يسولف معهم
طلعت من بث بسام وهي تقوم تسوي شعرها للدوام خلصت اشغالها
وانصدمت من رسالة سحر : سلام نور اسمعي ابيك تبلكين بسام وتقطعين علاقتك فيه
نور بصدمه : ليهه شصار؟
سحر : ما صار شي بس صار الوقت اني ابلك كل الي تعرفت عليهم لان زي ما تعرفين انخطبت
سكتت وهي تقرا رسالتها
وكملت سحر: ابيك تنسين بسام وتبلكينه واسفه اني دخلتك في اموري
نور : لا عادي الحين ببلكه
طلعت من محادثتها وهي تبلك بسام من كل المواقع وتعطيه بلوك حتى من المكالمات
وحذفت كلشي يخصه ونامت وهي تفكر فيه
عند ريلام
وصلت للنادي
نزلت وهي تدخل انصدمت من كثرهم
ناظرتهم وهي مو فاهمه وش قاعد يصير
المدرب : يالله يا سيف تاخرت
ناظرته وهي تتوجه لدولابها وتحط اغراضها
ورجعت وهي تصف مع اللاعبين
المدرب : اعرف ان الي صار شي مو معقول
بس الي وصلنا امر من الادارة راح تجتازون مرحلة التدريب المبتدئ وتبداون تتدربون مع اعضاء الاندية وبعد ما تخلصوا تدريب راح يتم تقسيمكم على الانديه حسب المهارة والاحتراف
رفعت نظراتها وهي تناظر الي
طلع من غرفة التبديل
ابتسمت واخيرا شافت
لاعبها المفضل على الحقيقة
ارتبكت من بادلها النظرات وهو يبتسم
حست على نفسها وهي تناظر المدرب
المدرب : والحين راح تروحون مع اللاعبين في باصات انديتهم المخصصة
ابتسمتت من قلب وهي تدعي تركب معه
طلعوا للخارج وهم ينتظرون الباصات
المدرب وهو معه
ورقة التوزيع :سيف عبدالله راح
تركب مع فريق الاهلي
ناظرت فيه بصدمه وهي تترجاه بنظراتها يغير
ركبت مع نادي الاهلي وهي معصبه تكره ذا النادي وتشوفه فاشل بنظرها وقفت بنص الباص وهي تدور مقاعد ركبت في الاخير وهي تقعد عند الشباك شافتها يطلع وهو يضحك ويسولف مع اخوياه وانتبه على نظراتها ابتسم وركب باصهم
لفت وهي تناظر الي واقف ويكلمها : انت قوم من هنا
ريلام : نعم ؟
ثنيان وهو يتنهد : مب ناقص لغباءك تحرك قوم
ريلام : وليه اقوم مو مكانك
ثنيان وهو يطلع بطاقة مقعده ويحطها بوجهها : تحرك
بلعت ريقها وقامت وهي تناظره : ابعد
وسعت عيونها وهي تتمسك في تيشيرته من حرك
السايق وطاحت على وراء وطاح فوقها
.gif)
