اثبت حضورك ببيت من الشعر الشعبي

[عابر السبيل]

الله ياحرفن ب عيني رمادي
على ضفافه ينبت الورد وازهور

غنى بها من زاعج الطير شادي
وقلب الذي يهواه بالغصن عصفور

يا انت تشعف بالقوافي فوادي
وياانت تشعم بين الاسطار لك نور

يجتال في عينينه سحر السوادي
تقول ليلن وانقتل فيه فنور

حول من الاشواق ياحلو وادي
قام ايتدفق بين الاكام وصخور

عابر السبيل

 

[عابر السبيل]

انفاس عازف في حشا واهي الناي
يحيا المكان ويهجره صامت الموت

كم اتعجب بين موتك ومحياي
ياليتني طيفن بين الالجان والنووت

عابر السبيل

 

[العذبه]

تبتسم منا .. وانا كبدي تزيل الهم مناّ
يا علاج اللي يدور له علاجٍ لين شافه

 

[عابر السبيل]

يامل قلبن سود الايام تغشاه
يفطر عليه الوقت مر ويصومي

امضى الليالي في فيافيك ممشاه
يشبه لطيرن في المتاهه يحومي

همه كما غيمن اظلم الغرب منشاه
يظهر علوم ويحتفي به اعلومي

حبله صروم راح مع هفة ارشاه
عليه دمعي سايلن في كمومي

او مثل من يمشي شايلن احشاه
في ديرة ن ما قد سكنها رحومي

كتوم سر ن تالي الوقت افشاه
عليك يا وقت القسا منه لومي

عابر السبيل

 

[عابر السبيل]

يانجمة ن مع بلجة الصبح لك نور
كنك بنور الصبح جبتي بشاير

ليلن تولى باطيب المدح مذكور
في مقدم الاصباح جا له دواير

ياليت يا ليلي تطاوع لي الشور
واخذ النصيحه من صهاميم شاير

ماغير ابذر بك احاسيس واسطور
وقلبي له ازماننن معك حيل طاير

يازارع الوجنات بالورد وازهور
حبك بقلبي قام يبني مناير

عابر السبيل

 

[عابر السبيل]

لا لا رعى الله ماضي الشوق يا منير
عصر ن مضى ماعاد والله تشوفه

ماض ن مضى ما تجيبه دنانير
عصرن تولى على الله خلوفه

يلج في راسي بهمسه عصافير
ويهمل على الاسطار عندي حروفه

بس اتمعن به وادير التفاكير
وقامت تلاشى في خيالي وصوفه

عصرن يحيير راكد الفكر تحيير
تاقف حسيرن حايرن من صروفه

عابر السبيل

 

[عابر السبيل]

تركت انا بابي مطرف ومفتوح
لعل ظلك يدلف اليوم صوبي

وتركت انا قلبي على الدرب مذبوح
ولفيت انا الامال في وسط ثوبي

هب الهبوب اللي من الصبح لافوح
تدفن من اللي باقي ن من دروبي

وتدفن معاها لوعةالحب واجروح
وكل شارقن يشرق يجي له غروبي

تمحى كما يمحا الكحل كل سافوح
بوقت ن دموعي في طريقك شروبي

عابر السبيل

 

[العذبه]

جعل الجاي من تباشيره وزين علومه
ما يوصف فرحته غير السجود لـ ربي

 

[عابر السبيل]

عديت انا في مرقبن كنت اعديه
واهل في راسه من العين دمعات

كم انحدر من ساخن الدمع واديه
وكم ذا كتبت من التماثيل كلمات

واليوم ما اوحاني وليفن واناديه
كن اندفن من ركم الايام الاصوات

واليوم قلبي حاطيه مثل باطيه
واحرقت جيبي من لواهيب تنهات

عابر السبيل

 

[مِيرِيَام]

وْ يمر طيفك على قلبي وْ حِنّـا بْـعـاد
يرسِم في وجهي إبتسامة شخص ماهو بخير
إشتقت لك لين صرت مْن الوَلَه لا زاد
مدري اللي يخفق في صدري قلب ولا طير؟!

طيرٍ يحبك وْ ربِّـيـتـه و عليك إعـتـاد
إن فارق ضْلوعي لجل رْضاك وْجاك يْطير
لِمَّه ترى القلب وْراعي القلب لك منقاد
وْ ما جابه من كبريـائه…إلاّ حب كْبير

(ياهو بْخفوقي كلام وْ شوق يكفي بلاد
طول المسافة وْ كِثِر منت بْعيوني غير
واحشني قدِّ السما وْ قَد ما تِحِب لِعناد
وحشتني ضحكتْك وعينك واحشتني كثير)

زعلْك غالي على روحي وْ على لِـفـواد
وْلِرضاك أسوم العُمُر وآقول جعله خير
لا ضعْف أسوق إعتذاري وْ لا ني بْمعتاد
لكن خصمي عزيز وْ لَه غلا وْ تـقـدير

فراقِك الموت وْقربك عمري والميلاد
وْ ما بينهم لك غلا ما صار وْ لا بيصير
إنتْ اجمل آلآء ربي وْ لو رِضاك إجْهاد
أفداك كِلّي وآقول آسف على التقصير

الشاعر الراقي أنور المشيري

​

​

 

[نص عقل]

TikTok - Make Your Day

 

[وعـــد 🎵]

الله خلق في صوتك أحن نبره
‏تنسيني هموم دنياي ومرها

 

[عابر السبيل]

كريم يا برقن شلع تالي الليل
كسّر ظلام الليل نوضه اليا لاح

وانا على ضو ن تلوك المعاميل
وريح العويدي باظلم الليل فوّاح

يشهد عليها حاضرن م الفناجيل
وهمس الطواري جية ن مثل مرواح

انشدك ياللي رموشه مظاليل
خلك معي ياصاحبي لين الاصباح

ارجوك نادمني على القاف والقيل
وابشر بقلبن تالي الليل بوّاح

اسمع لصوت بالاحاسيس تمويل
راعيه جا لك م البعيدات مشواح

عابر السبيل

 

[مِيرِيَام]

‏يا سماء المدينة امطري وداوي قلوب العاشقين
‏واروي ظماها اللي من البعد والحزن مجفيه

 

[وعـــد 🎵]

لليل أحبك .. مابقى في السما نور
‏والى ضواني الليل .. للصبح أحبك ♡

 

[الاكليل]

يا زين لا من هـجر الناس سكون
وصفى الهواء والقلـب ما فيه ضيقه


يسري معي طيف من الحلم مفتون
وأحضن هدوئه كنه لحافي ورِيقه


ما عاد لي بالهرج والعين مقرون
ألقى السلام بصمت والروح رفيقه

 

[مجيد الجنابي]

لعيونك الحلوات بس اكتب اشعار ..
وحته الكلب مرات من عدهن يغار !!

 

[الاكليل]

بعض البشر من حقدهم ما عاد يهنى بالنعيم
‏يشوف فرحة غيره وتضيق منه الوسيعة


يحفر حفايِر في الظلام ويبتسم وجهه كريم
‏والقلب يقطر من خبث والنية فظيعة


يمشي معك لين التعب ولا هو أبد صاحِب نديم
‏يجرك لآخر وجع ويدعي إنه الشفيعة


يا كثرهم في هالزمن ما بين حاسد وذميم
‏يخون حتى طيبك ويشرب الما من يديك ويشيعه

 

[Rayq_Marrh]

-






















‏أنا مدينه مالها حاكم .. وحارسَها أميييين
‏ أزحف بجيّشك يابعد روحي علي وأحتلني.
.

 

[جنون عآبثهة]

-





مثل ما ألمحك في الوجيه اللي علي تمر
أبي كل دربٍ لا مشيته على بابك يوديني