اثبت حضورك ببيت من الشعر الشعبي

[وعـــد 🎵]

يا ساكنٍ بالبال وشلون تهون؟
خلّك مثل ما كنت دايم لي دليل

توي أدري إنّك سبب ذيك الطعون
لكن عادي، الجرح من مثلك جميل

..

 

[عابر السبيل]

باعطاف هالورده لخدك رسايل
ياجامعن م الورد لخدودك اللون

سلام يارمشن على العين مايل
في لحظها سيفن من الموت مسنون

فيها جوابن في غموضن لسايل
يحيا لها حي ن وناسن يموتون

يقطعك يا وقتن قليل الجمايل
مسكين من يطلب من امثالك العون

عابر السبيل

 

[وعـــد 🎵]

أخذت من طيبك ملامح و خصايل
وصرت انت وردٍ ما تشابه مع الكون

فيك الغلا ساكن، وفيك الدلايل
وكل الحلا بك يا بعد كل مفتون

لكن زمنّا ما ترك شي زايل
حتى الوفا صار للأسى درب ومسنون

..

 

[وعـــد 🎵]

سولف و تنبت بالصّدور النّواير
‏واقطف غلاك من العمر ما حييّنا.

 

[سلمــان]

خطاوينا وطريق الشوق وقبلة حياتك
وجمال الروح وحضي العاثر والغياب

هزمني رحيلك واشتكي سجة غيابك
ما بقى الا الذكرا وتوديع العتاب
سلمان

 

[عابر السبيل]

يمكن يجي يومن و يلحقك ماضيك
وتجهش على شي ن وودك ب شوفه

ياميت الايام من عاد يحييك؟؟؟
وكم تحرق الخاطر شديد الحسوفه

ودك تدارك بس ماعاد يمديك
وتصبح كما اللي خالياتن كفوفه

يرحم ابوك وكل منهو غواليك
يقطعك ياوقتن كلتني ظروفه

امنول اقف فيي طريقك واحييك
واكتبك بيتن شارقاتن احروفه

واليوم قاصي الوقت يشبه لدانيك
وياهو زمانن ما يجي به مروفه

صارت كما عج ن ويدفن مواطيك
وروّح زمانن على الله خلوفه

عابر السبيل

 

[عابر السبيل]

بنت السحابه من على الغيم قدك؟
وعلى اديم القاع يا بنت المطر

بروق السما تخطب لزينك وودك
يغنيك سطرن ويلهى بك سطر

من وين هالالوان في صفح خدك
مرت الايام ما نلحق بك وطر

تمشي صموتن ماعرفنا ل سدك
لك نصيب الزين وفي صمتك شطر

تخلط مزوحك في تضاريس جدك
والى خطرتي العطر من عندي خطر

عابر السبيل

 

[وعـــد 🎵]

أحبه وأحبّ ازعله و أحبّ رضاه
‏دفا عمري و ترويق بالي و تفكيره

‏لو اني اذوق المرّ منه اقول الله
‏عذابٍ معاه ولا سعاده مع غيره

 

[جيفارا]

الناس تفنى والمباني والاملاك

والقول يبقى والخبر للتوالي​

 

[جيفارا]

اللي الى بان الخلل فيك يرفاك

اجعل دروب المرجله من معانيك​

 

[عابر السبيل]

باقي بقايا عطر باخر رساله
وقبله على ظرفن حفظها لي الروج

وطلاسمن مابين سينن وداله
وحظ ن تلاطم في تضاريسه الموج

واليوم ماتبغى م حواله ب حاله
شين الليالي ل الليالي غدت عوج

عابر السبيل

 

[وعـــد 🎵]

ما عاد باقي غير طيفك وظلاله
وهمسٍ قديمٍ في خيالي له موج

صار الهوى بعدك غبارٍ في ماله
ريحٍ تمرّ وتكسر القلب من دون فوج

 

[عابر السبيل]

ياملاعب الاوتار يا معذب الريش
شريتني ثم بعتني وسط ليله

حظي معك يا رفيقي تناويش
ولا في البخت يا لذة الشف حيله

كريم يا برقن غدى له تراهيش
وعينن تراعي لك بليلك كليله

انته غديته لي كما لقمة العيش
يجلب عليها الشح رجله وخيله

عليك منها نادرن من العراميش
ومدة زمانك يارفيقي بخيله

عابر السبيل

 

[وعـــد 🎵]

يا ليتني ما مِلت لك ميل تطريش
ولا نويتك فالهوى لي دليله

أعطيتك أيامي وقلبي على العيش
وغفيت بك، والليل عيني كحيله

خذّيت منّي طيب، وبقيت بتطييش
وخلّيتني في غيبتك لي وسيله

لكن عساك بخير ما بين تبريش
والله يعوّضني بفرحة بديله

 

[عابر السبيل]

يامهذّب الابنان يادقيّق العود
ياجمل خيالن تعشقه هبة الريح

غديت انا واياك شاهد ومشهود
يالغالي اللي به من الحور تلميح

بالوصف كنا بين طارد ومطرود
والعمر يمضي بين جد وتمازيح

ضافي جديلن فوق الامتان مرجود
من زود زينه راح قلبي تجاريح

اتليه انا ما يتلي الوعد موعود
اقوم في دربه من الوهن واطيح

عابر السبيل

 

[وعـــد 🎵]

ما عاد عندي رغبه أتمـسك بشيّ
‏انا ؟ يا دوب اني اتمسك بْصبري

‏مرتني أمورٍ طوت خـــاطري .. طيّ
‏وما سيلت كحلي ، ولو سال حبري

‏و ماني بـ بشْاكيةٍ على الناس ما فيّ
‏ما دَام عند الله ضمادي .. وجـبري

 

[عابر السبيل]

بدا يشيب الليل يازينة الليل
واللي بطاري النوم ياحلو قد نام

ولا عاد به زيتن بجوف القناديل
وباقي قليلن من تضاغيث الاحلام

عابر السبيل

 

[مِيرِيَام]

صباح الخير للجميع


‏اللي ماترضاها على اختك وانا اخوك
‏لاترتضيها في بنات الحمايل

‏اذا هلك على المراجل ماربوك
‏لاتبلش الأجواد لاصرت عايل

‏تحب صادق رح قدم مع ابوك
‏ولا لاعاد تهيم وتقول مايل

‏لكن تفضحهم بعد يوم حبوك
‏هذي ترى ماهي سلوم القبايل

لشاعرها

 

[مِيرِيَام]

نمسي على صحة ونصبح على خير
‏وأمـن وأمـان ونعمة الستـر والديــن

‏ياللـه .. ياللـي تكفـل الـرزق للطيــر
‏تغفر ذنــوب اللي قـرا وقـال آميــن

 

[مِيرِيَام]

نكتب شعر مدري على شان نشتاق
‏والا نخفف ٠٠ من مواجع قديمه

‏أصعب شعور ان جيت تكتب عن فراق
‏دمعك حبر ٠٠ واوراق حبك يتيمه.!