انه الأب ياسادة

[LioN KinG]

الأب

عارف إيه إللي بيخلي أبوك يلف يطفي أنوار الشقة؟
ويدور يقفل في الحنفيات ؟
ويتأكد من ريحة الغاز ؟
ويزعق للي بيرزع الباب جامد؟
عارف إيه إللي بيخليه ينصحك بكلام مكرر وهو متأكد إنك مش هتنفذه ؟!
عارف ليه بيبقى متضايق يمكن أكتر منك كمان لما كنت بتجيب درجة وحشة؟
عارف إيه إللي بيخليه فرحان جداً ومرتاح نفسياً وانت بتصرف فلوسه ف حاجة كويسة .
طب عارف إيه إللي جايبله الضغط والسكر والقلب من عصبيته على حاجات تافهة من وجهة نظرك؟
أنا كنت زيك كده مش عارف إيه السر ف كده ..
بس لما كبرت ولقيتني تلقائي بأعمل كده فهمت السر ..
المسئوليه
المسئولية .. إللي بتخليك تفرح وتستمتع بإبنك وهو بياكل ويشرب ويلبس ويصرف ..
أكتر من فرحتك ومتعتك لما إنت شخصياً تعمل كده ..
المسؤولية إللي بتخليك حامل هم مستقبل إبنك في الوقت إللي هو نفسه مش مهتم بالحاضر ..
عارف لما تبقى راكب جنب السواق .. إنت بتنام وتصحى وتبص من الشباك وتلعب بالموبايل .. وهو ماسك الدركسيون وعينه على البنزين والزيت والحرارة وعداد السرعة والطريق ..
لما تكبر هتحس بده كله ..
لأنك باختصار ..
هتبقى السواق
ولحد لما يجى اليوم وتبقى السواق لازم تعرف أن جزمه أبوك قدام باب الشقة لاتقدر بثمن
منقول

 

[هدوء]

صدقت وابدعت في الانتقاء
فالاب لايعوض
الوحيد في هذا الكون الذي يتمنى
ان تكًون افضل واحسن منه
شكرا غالينا

 

[سمارة]

رحم الله والدي وجميع اموات المسلمين



والله يحفظ جميع ابهات العالم ويخليهم بصحتهم

شكرا على الموضوع