ما الي دخل بسوالف متزوجين ولا بفهم فيها شو يعني خرس يعني الها أكثر من معنى
١. الي بحب تكون زوجته صامته ما تدخل بقراراته هو الامر الناهي وابداااا ما احب هالنوع .
٢. متزوج وحده خرساء يعني ؟﴿بعرف مش كذا تبخر الي كان ودي احكي بس زياده نقطه هيهيهي )
٣. أنه أحد الزوجين يتجنب النقاش ويسكت
بداعبكممممممم بمزح أحكي رأي بكل شفافيه <ما أحد يعرفني بأخد راحتي حتى لو ما قرأتوا هيهيهي
بالبداية المشكله بتكون بدايتها من عند الأهل بكون الشخص ضعيف شخصيه ،غير مسموع ،ثقه بنفسه مهزوزه ، الأهانه ،والخ
أهم اشي الأهل لازم يطلعوا من بيتهم بنتهم واثقه من نفسها ،عارفه أنه في وراها سند وعزوه وتكون عينها مليانه .
والشب يكون نفس الصفات بالاضافه أنه مثقف (بالأمور النسائيه للمرأه وكيف يتعامل معها )، متفهم ، رجل قول وفعل تربيه زلممم يحتويها .
في صفات الي بتكون بالزوجين الاحتواء ، التفاهم ، حفظ الخصوصيه ، طريقه التعامل مع الجنس الاخر الخ .
الأهل بعرفوا شو عندهم ف لما تروحي تختاري لأبنك مش ادوري علي عيونها ملونه ،وبيضه ،والخ (والله لأحكي موقف صار معي هذا كنت بالصالون ازبط نفسي واتهندس للعيد المهم تبعت الصالون صفنت فيي صارت تسأل ماما اسئله ماما دغري سكرت الموضوع وحكت البنت شاطره وبدها تكمل تعليمها وما بظلمها بهالقصص لساتها صغيره وبنات العالم كثار بتلاقوله بتحكي تبعت الصالون لا هو طالب مواصفات خاصه ولفتتني بنتك وصارت بدها تقنع ماما علامك يا خاله )
المهم نرجع لموضوعنا والبنت ما تركز ع ماله هدي حالك صبيه في اشي اسمه طريقه تعامله مع أهله ، اتاكدي انك ماخده رجال مش ولد ،تحمله للمسؤوليه ،وركازته ،
طبعا الدين والخلق أول اشي وأهم اشي طبعا كل حد مسلم اول اشي بنطلع عليه هذول الاشياء لانه الي بخاف من ربه ما بنخاف منه وبعدين بنطلع ع المؤهلات الثانيه.
في اشي كثيرررررر قاهرني الي رجع من عادات الجاهليه وهو زواج القاصرات الزمن بختلف زمان كانوا يزوجوا من قرايبهم جيرانهم الي متربين مع بعض عارفين اطباع بعض بس نساويين زمان مش زي هلأ زمان من رابع بتعرف تطبخ ومؤهلات غير زواجهم ناجح وخلفوا ولاد وهيهم مختيرين مع بعض الزمن بتغير احنا جيلنا منفتح أكثر هلا بتجيب ولد بالابتدائي بشرحلك اشياء انت ما كنت تعرفها ،مع انه منفتحين بس ع هبل بنعرف بس مش مستوعبين الي بنعرفه الزمن بده ناس متعلمين مثقفين تكون البنت معتمده ع حالها حرام تعدمي طفولتها بزواجها زمان كان الكل يكون متزوج الي جيلها ف اشوف الاشي عادي هلا لا الناس اوعى الا نسبه قليله المحاكم مليانه. ليه لانه لسا مش مدركين بتشوف صاحباتها عايشين حياتهم وهي معها ورعين وهي اصلا معهم ورع لا تزوجوا قاصرات اتأكدي من مدى قوه ادراك بنتك للي جاي الها هي ما بترتبط بشخص بترتبط بالعيله والعادات والتقاليد والقيل والقال .( لو كانت البتت بدها أنا بلوم الأهل ما لازم يوافقوا ابداااا )
لازم تتأكدوا من مدى قوه الانسجام بينكم وبين الشريك .
لما تختاري شريك حياتك لا تطلعي ع الماديات لانه اكيد الي رح يتقدملك رح يكون من نفس مستوى أهلك او اعلى .
لازم او اشي ننتبه ع طريقه حياته ، تصرفه مع أهله ، كيف بتصرف بالمواقف الصعبه وقدرته ع التحمل ، اي صفه بتكرهيها او بتحببها لازم تهتميلها ، ع ثقافته علمه ،كيف بكون بمجالس الرجال بوسط المجلس وكلمته مسموعه وبنحسبله الف حساب ولا امعه او ابن امه ، الدلوع الخ بعدين قصص بحبك وبتحبيني وانام ع صوت نفسك ومدري شو
هيك بتتجنبي كثير خلافات لانه انت اخترتي زي ما بدك اعرفي عيوبه وميزاته اعرفي كيف تتعاملي معه مش يكون الخطوبه حب وغزل وشهر عسل والزواج بدك تفهمي افهمي من اول عشان تكون كل حياتك حب وعسل .
لازم تتفقوا بالخطبه ع خصوصيه العلاقه بينكم صاحبتك نغم يويو سوسو ما الها دخل بمشاكلك ولا امك ما الها بكل كبيره وصغيره حلو مشاكلكم مع بعض ، ما يدوم الزعل ،يكون في لغه حوار بيناتكم الخ ،
أغلب الازواج بالمشاكل بدخلوا اهلهم لما تنحل برجعوا عسل مع بعض محبه الأهل من محبه المعامله مع الابن يعني لما اضلكم تتشكونوا بتقل محبتهم ولما تحكي امك بتحب جوز اختك أكثر اطنتي تحكيلها وزوجي منيح وتزعلي منتي فضحتي بالمشاكل اي مشكله بتطلع من إطار الببت بتكبر .
المشاكل والنقاشات هي ملح الحياه كيف بدك تعرف انها بتحبك او انتوا مهنمين بأمور بعض بس المهم كيف نحلها لاوم يكون في تفاهم بين الزوجين والشخصيه ل الثنين مستقره وواعيه عشان يحلوا الخلاف كل اشي بالتفاهم بنحل من غير قمع احد الاطراف لانه التفاهم هو الي بزين العلاقه وبخليها مستمره مع الاحترام مو الحب الحب بزيد بس بتحول ل روتين وعاده وهيك بتدخلوا قفص الزوجيه مستعدين وارميلي الدباديب والأشياء الاخرى وراكم .
(تعبت وانا بكتب بديش اكمل )
يلا نزغرط لولولولولييششش بالرفاه والبنين
