زعلانة منه

[محمد سعد]

زعلانه منه علشان
بعيد عنها
مبيجيلهاش
ولما بييجي يسمعها
مايسمعهاش
وزعلت منه تاني اكتر
عشان طوالي يستنكر
حاجات لازم
مينسهاش

وف ذكري اليوم اللي
جمعهم
وخد منهم اوجاعهم
معبرهاش

ده سابها ف عز
اوجاعها
بتموت غرقانه
ف دموعها
كان لازم وقتها
يساعها
مايتركهاش

ده سوء تقدير
ده مفهمهاش

وشايله حاجات جواها
وبتداري وبتعدي
وبتقول بكره انساها
وكده احسن
ما اكون وحدي

وتستغرب من افعاله
وتساله ليه
يقول دي ظروف
تقول مش مشكله
وماله
يابت سيبيه
وبكره نشوف
مش يمكن ينعدل حاله
والفعل يسبق اقواله
مع انها بالنسباله
مبقتش من النوع المألوف

وتساله كيف الحال
يبص كأنه مش عاجبه
بقي بالزمه دي افعال
لواحده مابتنامشي بسببه

دي نفسها بس تطمن
وخايفه يكون السبب منها
وترجع تاني تتكلم
معاه
ينشغل عنها

فتتداري ف ركن بعيد
وتبكي والدموع بتزيد
لكن قدامه بالتحديد
مبتبينش حَمَارعينها

يابنتي زعلتي ليه منه
ده هو اللي اكيد خسرك
نصيحه مني ابعدي عنه
عشان ده مكانشي يستاهلك


دي قصه واحده انا اعرفها
وبحكيها علي لساني
شوفوا ازاي كانت ظروفها
شوفوا قد ايه كانت بتعاني

ياكل اتنين اتجمعوا
والزمن وفق بينكم
تعالوا هنا واسمعوا
ماتخلوش حاجه تبعدكم
ده بكره مسيركو تعرفوا
قيمه اللي بيضيع منكم

#بقلمي
#محمد سعد​

 

[جلينار]

والدمع من عيناي سال
دمعه فدمعة
أوجعي عليها
وعتبي عليه مااقساه
.
.
صراحة حزنت عليها الله يكون بعونها
.
ابدعت قرأتها بلحن حزن.. تجيد حبكها بلحن حقاً
سلم الفكر والمفكر

 

[أطياف]

ماشاء الله ابدعت اخي @محمد سعد

 

[ندى الورد]

يابنتي زعلتي ليه منه
ده هو اللي اكيد خسرك
نصيحه مني ابعدي عنه
عشان ده مكانشي يستاهلك

محدش يستاهل تتحمل الي اتحملته
محمد يامحمد اللهجه العاميه فيها ابدعت

رائع شكري وتقديري لك

 

[ندى الورد]

لك من كل الاحترام محمد

@محمد سعد

 

[جاروط]

كل ما أقرأ نص باللهجة المصرية يفكرني بالأبنودي

قصة فيها عظة و عبرة
و كلمات جيدة في الوصف و الحكاية

ودي و احترامي
حفظك الله ♥

 

[جاروط]

كل ما أقرأ نص باللهجة المصرية يفكرني بالأبنودي

قصة فيها عظة و عبرة
و كلمات جيدة في الوصف و الحكاية

ودي و احترامي
حفظك الله ♥

 

[بحــ عاشقه ـــة]

..

اعتدنا الخواطر نثراً... شعراً
مابين العامي والفصيح غالباً
ولكن اليوم
جأت لنا بلون جميل جداً
لحن. على وزن عتب
وقافية من بحر الحُب والنُصح
فكنت فصلاً خاصاً في الادب
لك اسلوبك وطريقتك
نغمك واهزوجتك
وصلت لنا الخاطره طريقة
جميلة لا تشبه الا أنت

.

.

كنا نحتاج هذا التغيير
وقد كنت مختلف تماماً
راقت لي جداً




.