((يا بحتي يا بحتي راس مالي))

[القارظ العنزي]

يا بحة العشاق ما شفت ..غالي
شكيت له الحال والحال ما طاب
اكتب له ولكن ما يقرأ ... مقالي
مدري وش الحيلة ولا ادري وش الحال
عطني النصيحة يا حسين الدلالي
اواصل اكتابه والا اسرح مع البال
وانسى الحبايب والغلا والغوالي
واقفل على قلبي ثم اقفل بالاسباب
طال انتظاري والغلا ما درالي
يا بحة العشاق اسعفني بكتاب
هات الجواب وصححي ما طرالي
عفت المحبة كلها وخاطري طاب
أما انتصرنا بالهوى والحلالي
ولا كفرنا بالهوى وباقي الاصحاب
صحيح صدري مثل صدر الشمالي
لكن قلب الشوق صعب ومرتاب
يا بحتي يا بحتي راس مالي
ما كل من عاش الهوى عاد خطاب
ياما رمنه بالقفر والمفالي
وياما عطنه من عراقيب كذاب

القارظ العنزي

 

[بحــ عاشقه ـــة]

..

ارحب تراحيب المطر شخص غالي
من قلت بحة والندا واصل الباب ..


اشهد بأنك نجم ... قرب الهلالي
من جيت غابتنا زادن بنا احباب ...


يالقارظ اكتب ثم اكتب ...لا تبالي ...
وبالحصري بوضعها وتبقى لك كتاب...


ماكل شاعر له جمهور ... سالي ...
بعض البشر يقراء ولا يوضع اعجاب..


..اكتب له ولكن ما يقرأ ... مقالي...
بيقراء مقالك والقلب دله وحطاب ...


عطني النصيحة يا حسين الدلالي
جرب تغيب ظنك سهل ترك الاحباب


ماكل من يسهر عطنه.... الليالي ..
مطلوب ظنة والوفي يبقى الكتاب


دامك نخيت الـ بحه في المقالي ...
هاك النصيحه وخلفها شدة عتاب ...


من حبله في الكون شخص غااااالي
لا يقتله بالبعد دون عذر و اسباب ..


الذكرى تقتلنا والخاطر..مهو بسالي ...
وشلون بتوقف والشــووووق غلاب


يمكن عمنه دنيته... والعذر بالي ...
يمكن اجنه لحظه ادراك وقد تاب ...


هو في الهوا مـا شفت عاقل بدالي
انه صحيح القلب ... والحب كذاب...


يا بحتي يا بحتي راس مالي....
ما كل من عاش الهوى عاد خطاب


خليت مني شاعره بــ التوالي ...
لله در البيت ... ياشااااعر الغاب ..

..

..

 

[القارظ العنزي]

((خليت مني شاعرة بالعوالي
لله در البيت يا شاعر الغاب))
.........
مع التحية للغالية بحة عاشقة :

لاوالله الا صار شعرك كمالي
وانا قبل هذا انظم بلا حساب
واليوم لك حساب عندي وغالي
لعيون من جاب النصيحة ولا غاب
اقلط على قلب نظيف زلالي
قلب على الفطرة ما عنده اكذاب
يزهاه شعره فيك وفيك المقالي
انت الذي بالبيض تزهى بالاطياب
يسعد صباحك والمساء بالدلالي
يا بحة بالعشق هي شاعر الغاب

القارظ مر من هنا