إذا عزّ أخوك فُهُن !!

[بياع الورد 🌹]

أفتكر مرة زمان إتخانقت أنا و أخويا خناقة كبيرة بسبب "الهدوم" ..تقريباً لبست تيشرت بتاعه هو بيحبه ولما رجع و شافني حصلت خناقة بيني و بينه وصلت إننا كُنا هانضرب بعض ..

اللي حصل ده كان غريب جداً علينا كُلنا لسببين .. الأول إن أنا و أخويا نادراً ما كُنا بنتخانق ومرات خناقنا تكاد تكون لا تتعدى صوابع الإيد الواحدة .. والسبب التاني إننا بنلبس من بعض على طول .. فمفيش جديد يعني !

اليوم ده لما أبويا رجع من الشغل وعرف اللي حصل .. وإن الموضوع قرب يوصل مابينا لمد الإيد .. جابنا إحنا الإتنين قدامه عشان يفهم اللي حصل ..

كل واحد فينا كان كل همه يطلع التاني غلطان ! بس بابا وقف عند نقطة مهمة .. أخويا مش طبعه الآداء العنيف ولا إنه يبدأ المشكلة .. ففهم إنه كان متضايق لسبب ما خلى الموضوع يوصل لكدة ..
أبويا يومها بصلي و أنا بدافع عن نفسي بإستماتة .. وقالي: "أخوك إتعصب ؟ إيه المشكلة يا أخي ؟ إذا عزّ أخوك فهُن" .. !

مفهمتش حاجة ؟ يعني إيه إذا عزّ أخوك فهُن ؟ قالي: يعني لو حسيت إن أخوك إتعصب و الشيطان تملك منه خليك إنت الطرف الأهدى حتى لو ليك حق .. مجراش حاجة .. ده أخوك ! وإنت عارف إن ده أصلاً مش طبعه !!!

الشيطان دايماً بيختار أضعف لحظات البشر عشان يضرب ضربته .. و أكبر ضربه يضربها بتكون ما بين الإخوات .. الصحاب .. الراجل و زوجته .. أي علاقة فيها قُرب .. فلما تلاقي الدنيا بتبوظ منك مع حد بتحبه وده مش طبعه .. خد Step back مجراش حاجة ..

إذا عزّ أخوك فُهُن !!​

 

[سلمــان]

انا حزات احترم الشيطان
لانه يحط النقط على الحروف
صحيح بتصير مشكلة لكن المشاكل تبين النوايا

 

[الجوري]

سلمت على الطرح المميز

 

[ندى الورد]

قصه هادفه فعلا
وجمله من الاب تدرس في المددارس
شكرراك للطرح

 

[جنون عآبثهة]

-





لو تعوذوا من الشيطان انتهت المشكله
@بياع الورد 🌹
شكراً ع الطرح الرائع
دمت