الحزن يعمل اكتر من كده 💔💔

[بياع الورد 🌹]

هو ممكن الحزن يعمل كده ؟!!!!!!
-ايوا ..الحزن يعمل أكتر من كده ، قهرة الروح تعمل أكتر من كده ،غدر النفس وطعنة القلب والضهر يعملوا أكتر من كده ...الصدمة اللي تيجي بعد عشرة سنين وحياة كاملة روح وجسد تعمل أكتر وأسوأ وأصعب من كده ....الصدمة اللي تيجي من أقرب انسان لقلبك ولكيانك تهد فيك كل أرصدة الثبات والعقل ، التخبط النفسي بيظهر لمجرد أول وخزة قلب تمت بإيدين أغلى غالي جوا نفسك ...
عرفتوا ليه في ناس ممكن من كتر الحزن تنام ما تصحهاش تاني ...
عرفتوا ازاى ممكن حد ينام حزين بسبب كلمة توجع اتقالت وسط الهزار قهرت قلبه واصابته بشلل وتوقف لعضلة القلب ...
عرفتوا ازاى سهل اوي نكسر الخاطر وندمر الروح ونقتل النفس بدون استخدام أدوات
حادة ...
طعنة الغدر بتقضي علي اللي باقي من العمر
الحزن الشديد والوجع بيدمر الثبات ،وبيهدم الرزانة ، وبيلغي الاتزان
وبيمحي القوة و بينزع الصبر وبيخلق الفوضى الأبدية جوا النفس
( مات من الحزن) ..
من فترة توفى شاب حزنا بعد وفاة خطيبته ب ٢٤ ساعة
-فى لقاء تلفزيوني للدكتور مجدي يعقوب اتكلم فيه عن broken heart syndrome , او متلازمة القلب المكسور .
عبارة عن حالة بتحصل لبعض الناس بسبب الحزن الشديد بيحصل إن جزء من القلب بالتحديد (عضلة القلب) بتضعف وبيحصل للأسف تمزق فى الأوتار وممكن يحصل للانسان مضاعفات ويموت بنفس اللحظة ..
اوعى تستخف بشوية حزن أو زعل بتحسهم بعد خذلان أو صدمة نفسية أو كلمة اتقالت لك وقت الهزار او الجد أو في لحظة تنمر بمشاعرك أو بصحتك أو بمظهرك ممكن....
ولا تستهون بكلمة ممكن انت تقولها لحد تجرح عمق قلبه أو تصرف تعمله بقصد أو بدون قصد ممكن يهلك شرايين ويقطع اوتار مسئولة عن حياة الشخص ده فتيجي انت في لحظة تحفر جواه بصمات الزعل والضيق والضغط النفسي لحد ما ينفجر في كتمان ويموت ...
بيقولوا كتر الضغط يولد الإنفجار
والحقيقة إن كتر الحزن يقتل القلب

​

 

[ألرمز]

وَتَوَلَّىٰ عَنْهُمْ وَقَالَ يَا أَسَفَىٰ عَلَىٰ يُوسُفَ وَابْيَضَّتْ عَيْنَاهُ مِنَ الْحُزْنِ فَهُوَ كَظِيمٌ​

بيضت عيناه اصابهما غشاوة بيضاء تحجب الرؤية وذلك من شدة الحزن على يوسف
فالحزن شديد التاثير على من اصابه كفانا الله واياكم شر الاحزان

 

[ملاك الحب]

يسلمو على هذا الطرح الرائع