ياللـي دفنتـوا جثـتـه.. لـيـه تبـكـون؟

[Rayq_Marrh]

ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي

منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون
عجزت لأوصف .. من لمحته شجوني

ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي


أو ليتني .. من خلفكم كنت (مجنون)
أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون
مـا يكفـي انـه عـاش عمـره بدونـي؟؟

تكفـون < هاكـم عمـري اليـوم تكفـون
بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون
ولا فادني دمع(ن) .. حرق لي جفوني

يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!

العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي

(سميت قلبي عقب فرقاه ملعون)
هو و الليالي .. عن هناه امنعونـي

ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني

وياليتكـم .. عـن همّـي اليـوم تــدرون
منه انحرمت > ومن عزاه .. احرموني

حتى بوفاته !! يـوم أنـا طحـت مطعـون
أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني


و إن كان في حبّـي أنـا ..ماتحسّـون ..؟!
دلوني لقبـره .. وهنـاك .. اتركونـي ..!

 

[ألرمز]

وقفات في ابيات من الطراز الشعري الرفيع

(سميت قلبي عقب فرقاه xxx)
هو و الليالي .. عن هناه امنعونـي

تم استبدال الكلمة الاصلية بما لون بالأحمر
فقد لا يكون الوصف باللفظ الاصلي موفق


بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني

متذوق للشعر ولست بشاعر ولا خبير بأوزانه
وما يظهر لي لو حذف ما لون بالاحمر كان اسلم للنطق

لا ادري هل هي كلماتك او منقولة ولكنها من افضل ما قرات
شكرا لهذا التواجد الرائع ​

 

[هدوء]

ان كان هذا عزف قلمك فقد ابدعت
في رصف المعاني حتى ارتقت لقلوبنا
وسكنت اعماقنا ..
وان كان اختيارك .. فإحساسك يضاهي
الغيوم وميثاق المطر

شكرا غالينا

 

[ندى الورد]

اختيار رفيع المستوى
سلمت على النقل رايق
اثرررت فيني الكلمات

 

[Rayq_Marrh]

وقفات في ابيات من الطراز الشعري الرفيع

(سميت قلبي عقب فرقاه xxx)
هو و الليالي .. عن هناه امنعونـي

تم استبدال الكلمة الاصلية بما لون بالأحمر
فقد لا يكون الوصف باللفظ الاصلي موفق


بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني

متذوق للشعر ولست بشاعر ولا خبير بأوزانه
وما يظهر لي لو حذف ما لون بالاحمر كان اسلم للنطق

لا ادري هل هي كلماتك او منقولة ولكنها من افضل ما قرات
شكرا لهذا التواجد الرائع ​

آزدَآنْ متًصفًحيّ برًقِي توًآجدَك .."
شكُراً بحَجمْ آلسمَآء ..
جنَآئن يَآسميُن لقَلبكْ|~

​

 

[Rayq_Marrh]

ان كان هذا عزف قلمك فقد ابدعت
في رصف المعاني حتى ارتقت لقلوبنا
وسكنت اعماقنا ..
وان كان اختيارك .. فإحساسك يضاهي
الغيوم وميثاق المطر

شكرا غالينا

آزدَآنْ متًصفًحيّ برًقِي توًآجدَك .."
شكُراً بحَجمْ آلسمَآء ..
جنَآئن يَآسميُن لقَلبكْ|~

​

 

[Rayq_Marrh]

اختيار رفيع المستوى
سلمت على النقل رايق
اثرررت فيني الكلمات

آزدَآنْ متًصفًحيّ برًقِي توًآجدَك .."
شكُراً بحَجمْ آلسمَآء ..
جنَآئن يَآسميُن لقَلبكْ|~

​